Yokhana 15:8 - Mewar Alqawarang

⁸ Shi ma ɗyi nu̱ke Magham a shimndan, ma wut nu za tun nu̱ mburi nga, ku̱me nang ke ɗyi nu̱ke kaɗa ɓa ki ndu̱ zhaaji ye Zhinkir ɓanga.”

Yokhana 15:8 Iomraidhean Croise

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Matta 5:44

Yang nga zu̱ran ye nu, ndolama nu̱ zhangndi ɓaanu, tun shi barar ye nduki nu̱ke a vu̱r bonye ye nu.

Matta 9:8

Nu̱ tabar ndukyang naki wanang tu̱ sawar ku̱s wora, tu̱ gor dlu̱m Magham nu̱ vu̱rki zalale na ye nduki.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Yokhana 13:35

Nu̱ ku̱n she nang nduki kap ka zu̱n za tun nu̱ mburi nga, mbu̱ ke tun a ndola yen.”

Yokhana 15:5

“Nga ke qu̱far anapang tun ke me bu̱n qu̱farang. Njif nu̱ khaki nu̱ mbya nga mbe nda, chin ka khaki qusonggi khang. Jiwa mbu̱ tun a su̱yen ndu̱ nga ɓa, tun ɓu̱ ɗu̱ma shi aa nu̱m ɓa.

Yokhana 8:31

Tu̱ Yesu ze Yakhudeku nu̱ maitaki nda za, “Mbu̱ tun wa zu̱m guma ndu̱ khubti shogar ɓanga, tun ke nu̱ mburi nga ku zhirekandi.

1 Korintiyeku 10:31

Kap ɗyi nu̱ke tun a shiran, aa tun a zu̱m tunu, aa tun a zakya tunu, tun shi aa nu̱m ma ku̱ Magham gwa zhaaji mban.

1 Korintiyeku 6:20

Magham masa nu masa, tu̱ ɓi. Ku̱me nang vu̱r ma zhaaji ye Magham ndu̱ man vaanu.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Titus 2:10

yang ku̱ muura tun ɓar kha wor ɓa. Me ɓu̱ nang ku̱ kha ma nduki mbarkandi nu̱ shir zhire, ma ku̱ shogar ɓu̱ Magham Nu̱ Ɗanar rem gwa zhaaji mbe aa nyi tunu.

Titus 2:5

Tu̱ ku̱s ɗyin vaanda, ndu̱ khar viti shakhshakhndi, ku̱ kha ma nu̱ tlu̱narku mbu̱ rafti ɓaanda, nu̱ shir mbarki, nu̱ mburi zu̱r ɓu̱ zhime nda, ma ku̱ aaki pu̱z ɓalar ɓu̱ Magham ɓa.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.