Yokhana 15:4 - Mewar Alqawarang

⁴ Kha ma nu̱ mbya, tang khan mbe nu. Ba wa nu̱ke bu̱n qu̱far anap ɓu̱ ɗu̱ma kha woi waare man qu̱far anapang ɓa, wanang tu̱k tun ɓu̱ ɗu̱ma kharan ɓa kope tun wa khan mbya.

Yokhana 15:4 Iomraidhean Croise

Matta 12:33

“Qu̱far mbarkandi ka khakya yen mbarkandi, qu̱far malkandi ka khakya yen malkandi. Nduk ka zu̱n qu̱fa nu̱ ku̱nshe khar yen.

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Yokhana 8:31

Tu̱ Yesu ze Yakhudeku nu̱ maitaki nda za, “Mbu̱ tun wa zu̱m guma ndu̱ khubti shogar ɓanga, tun ke nu̱ mburi nga ku zhirekandi.

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

2 Korintiyeku 13:5

Buu ma ɗyinonu ma zu̱n nu mbu̱ tun a mbu Masiya Yesu mbe zhire; tun ki buu ɗyinonu. Alapa nun zu̱n za Masiya a nje mbe nu ɓa goma? A nje shwat, mbu̱ nun nggu̱ɗ mbu̱ buuri nang ɓa.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Afiseku 3:17

Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

Kolosiyeku 2:6

Nu̱ke tun wa dlu̱ Masiya Yesu tu̱ kha ma Zhinonu gwaanji, shi ma khar viti ɓaanu mbe nda.

1 Tasalonikeku 3:5

Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.

Yibraniyeku 10:39

Yang ɓaarem chem a mbu̱ nduki nu̱ ka gaɓki nu̱ gana ma ku̱ su̱ya ɓa, ɓaarem chem a mbu̱ nduki nu̱ka maitaki tu̱ gwa ɗanari.

1 Yokhana 2:6

Kap njif nu̱ zu̱ki za chin a khar mbe Magham, wa ku̱s ku̱ shi yir wa nu̱ Masiya Yesu shiki.

2 Yokhana 1:9

Kap njif nu̱ke nu̱ ching nu̱ ɗyine shogar ɓu̱ Masiya ɓa, tu̱ yang shoga ɗyi nggur ɓar guma nu̱ nang, njif nang nu̱ gwa Magham ɓa. Yang njif nu̱ chingki nu̱ ɗyine shogar ɓu̱ Masiya, wa gwa Zhinkirang ndu̱ Woyang tu̱k.