Yokhana 15:20 - Mewar Alqawarang

²⁰ Kor ma nu̱ ɗyi nang zu̱ki ye nu za, ‘Ye rafa nu̱ka duk nu̱ rafti ɓaran ɓa.’ Mbu̱ wa vu̱r bonye ya ku, wanang tu̱k ka vu̱r bonye ye nu. Mbu̱ wa mbu zu̱r ɓang ku, tu̱ga ka mbu zu̱r ɓaanu tu̱k.

Yokhana 15:20 Iomraidhean Croise

Matta 10:24

“Nu̱ dlu̱r shoga nu̱ka duk Maalu̱m ɓaran ɓa, yang maava tu̱k nu̱ka duk nu̱ rafti ɓaran ɓa.

Markus 10:39

Tu̱ tlogha yenda ku za, “Chem ka ɗu̱ma.” Tu̱ Yesu gaɓ tu̱ ze wor za, “Wanang ni, tun ka za ɗyekhti bonye nu̱ke nga ma zaran, tun shi baptisme ndu̱ baptisme nu̱ke nga ma shiran.

Luka 2:34

Tu̱ Simiyon sa barke ye wora, tu̱ yang ze Maryam man woyang za, “Nggu̱ɗu, Magham wa dat woi nang ku̱me ku̱ kha ma ɗye ji sar she ɓeena nduki, yang tu̱k ku̱ kha ma njiv ɗanar she nduki khang Israila. Yang tu̱k ka kha ma ɗye zhang she nduki.

Luka 6:40

Sar da nu̱ dlu̱r shoga nu̱ka duk Maalu̱m ɓaran ɓa, kap ndu̱ nang, mbu̱ nu̱ dlu̱ranang ɗya nu̱ komkomi, mbu̱ wa woɗa shogaran, kaa kha wa Maalu̱m ɓaran.

Yokhana 10:31

Tu̱ Yakhudekwang gaɓ tu̱ ghar ndogdiku ma mbukti nda.

Yokhana 11:57

Ku̱me kuruku rututundi ndu̱ Parisekwang wa woɗa zu̱ran za, Kap njif nu̱ zu̱nki ye maa nu̱ke Yesu a si, ku̱ ɗa ɓa tu̱ zi a ku̱s nda nda.

Yokhana 13:16

Nga zu̱kya ba zhire ye nu, maava nu̱ka duk nu̱ rafti ɓaran ɓa, nu̱ ru̱k nu̱ka duk njif nu ru̱kki nda ɓa.

Yokhana 5:16

Tu̱ dle gume ɓu̱ Yakhudekwang ku̱na maa khar ye Yesu ku̱me wa shaana khuskyang ye Fu̱ɗar Maasi.

Yokhana 7:32

Tu̱ Parisekwang tu̱k nduki a su̱pa ɓalar ɓu̱ Yesu ye yen, tu̱ kuruku rututundi ndu̱ Parisekwang ru̱k nu̱ nggu̱ti Rafti ɓu̱ Magham kwang ku̱ ɗa ku̱s nda.

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Yokhana 8:52

Tu̱ Yakhudekwang ze nda za, “Uughu! Leendang chem wa zu̱n nu̱ke ta su̱yen ndu̱ khu̱kheet shwat. Ai, Yibram ndu̱ annabikwang kap wa mu̱ɗ ku, yang no za, ‘Kap njif nu̱ khutloki shogar ɓang ɓu̱ mu̱ɗ shwat ɓa.’

Yokhana 8:59

Ba nu̱ Yesu zu̱ki wanang, tu̱ ɗa ghar ndogdiku ma mbukti nda. Tu̱ yang Yesu sagha nu̱ me yiti wora, tu̱ vi ɓar tu̱ njig mu̱na Rafti ɓu̱ Maghamang.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

1 Korintiyeku 4:12

Chem a bonye tlu̱nar ndu̱ khaarem. Mbu̱ nduk wa mi barke ɓaarem chem sa barke ye nu̱ zhin men, mbu̱ wa vu̱r bonye yerem chem gu̱n memu̱narem.

2 Korintiyeku 4:9

Wa ka vu̱r bonye yerem, yang sar da nu̱ Magham nggarem gha ɓa. Wa ghwaterem nu̱ yaghai, yang nyem mu̱ɗ ɓa.

1 Tasalonikeku 2:15

Ɗya Yakhudeku tlaghaki Zhinerem gwaanji Yesu ndu̱ annabiku, tu̱ komba rem ku tu̱k. A su̱bu̱r memu̱na Magham ku maɗyi! A kare ndu̱ aaki ku!

2 Timoti 3:12

Shwat aaki nu̱ shimki ku̱ shi khar viti ɓaran ndu̱ ɗye shir mbarkandi ɓu̱ Magham mbe Masiya Yesu ka za bonye.