Yokhana 15:15 - Mewar Alqawarang

¹⁵ Ngam ɓu̱ qaanu ye rafa tu̱k ɓa, ku̱me ye rafa nu̱ zu̱n ɗyi nu̱ke nu̱ rafti ɓaran a shiran ɓa. Yang nga qa nu raptaku, ku̱me nga zu̱ ɗyi nang tu̱kki she Zhinkir ɓang kap ye nu.

Yokhana 15:15 Iomraidhean Croise

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Luka 10:23

Tu̱ Yesu dambu̱r nu̱ she nu̱ mburindakwang tu̱ ze wor mbe tuka za, “Barkya ve nu tun nun naki ɗyiku nang a shir mbu̱ yito nu.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 13:16

Nga zu̱kya ba zhire ye nu, maava nu̱ka duk nu̱ rafti ɓaran ɓa, nu̱ ru̱k nu̱ka duk njif nu ru̱kki nda ɓa.

Yokhana 15:20

Kor ma nu̱ ɗyi nang zu̱ki ye nu za, ‘Ye rafa nu̱ka duk nu̱ rafti ɓaran ɓa.’ Mbu̱ wa vu̱r bonye ya ku, wanang tu̱k ka vu̱r bonye ye nu. Mbu̱ wa mbu zu̱r ɓang ku, tu̱ga ka mbu zu̱r ɓaanu tu̱k.

Yokhana 16:12

“Ɗyiku a nje khang nu̱ke ngga zu̱ki ye nu dong, yang tun ɓu̱ ɗu̱ma dar mban leendang ɓa.

Yokhana 17:26

Nga wutor ye wora, yang ngga zu̱m guma ndu̱ shiran, ma ku̱ ndolar no shiki yang khan mbe wora, tang khan mbe wor tu̱k.”

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Yokhana 4:19

Tu̱ nokhzang ze Yesu za, “Ku̱man nga na to annabi.

Yokhana 8:26

Ɗyi kwa nje khang nu̱ke ngga ɗu̱maki zu̱ran ɗyinonu, kom ɗyiku khang nu̱ke kuma nga nun ɗyinan tu̱k. Yang nga zu̱kya ba ɗyi nang tu̱kki she njif nu̱ ɗa ru̱kki nga ɗyenda, yang nga zu̱kya ba zhire ye larji.”

Tlu̱nar ɓu̱ Pudeku 20:27

ku̱me nang zhang zu̱ kap shimndi ɓu̱ Magham gha ye nu ɓa ɗo.

Romeku 7:15

Nang da mbu̱ ɗyi nu̱ke nga shiran ɓa. Ku̱me ɗyi nu̱ke nga shim shiranang, nang ke ɗyi nu̱ke nga shiran ɓa ɗo, yang ɗyi nang zhangki gha, nang ke ɗyi nu̱ke nga shiran.

1 Korintiyeku 2:16

Wa nu̱ lagarkatang zu̱ki, “Ki ka zu̱nki kwaari ɓu̱ Zhinkir gwaanja ki ka ɗu̱maki vu̱r sawari yenda?” Yang kwaari ɓaarem ɗya ɓu̱ Masiya.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 3:5

Nu̱ zu̱ nang ye nduki nu̱ zhu ɓa, yang leendang Magham wa wut ye pudeku ndu̱ annabiku ɓaran datkandi nu̱ ku̱nshe Jiimbi ɓaran.

Kolosiyeku 1:26

Ɗyi nu̱ke nga zu̱ran ye nu nang ɗya ɗyi nu̱ke a nje tukaran zhu tang mbu̱ zamanku khang nu̱ peetaki, yang wa wut ɗyi tukakandi nang ye nduki ɓaran leendang.

Filimon 1:16

Ta ma dlu̱r nda ma khar maava ɗyenda ɓa, wa duk wanang leendang, a khar khaterem nu̱ke chem a shimndan. Mbu̱ nga shim nda to ɗa, ai to ka shim nda dukti nang, ye khar ɓaran maavi ɓaaro ndu̱ njif nu̱ maitaki Zhinerem gwaanji!

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

Yaqub 2:23

Nang ke ye maa nu̱ bu̱lar Ɓalar ɓu̱ Magham nyeelki nu̱ zu̱ki za, “Ku̱me Yibram wa maita Magham, tu̱ Magham shiga ɗyi nu̱ shiki nang ma dambu she nda.” Nang ke ɗyi nu̱ saki tu̱ qa Yibram rapti Magham.

1 Biturus 1:11

Wa shim ku̱ zu̱n nda sarchi nu̱ke ɗyi nang ka shiki, kom ndu̱ ɗa ka shi kikimndana. Ye sarchi nu̱ Jiimbi ɓu̱ Masiya shiki ɓalar mbu̱ memu̱na wora, a wut bonye nu̱ke Masiya ka zaki kom ndu̱ zhaaji nu̱ke a ma vu̱rtan yenda qu̱rsan.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.