Yokhana 15:11 - Mewar Alqawarang

¹¹ Nga zu̱ wanang ma ku̱ kashar ɓang khan mbe nu, tu̱ kashar ɓaanu kha nyeedlan tu̱k.

Yokhana 15:11 Iomraidhean Croise

Luka 15:23

Tun ɗa ku̱s ye dle nyem ku̱rki nu̱ gha, mbu̱nkandang tun tlagha, nji mi chem a kashari.

Luka 15:32

Wa shipa shem kya kashari ndu̱ ɓong memu̱nari, ku̱me khato nang, ba wa wa mu̱ɗi, leendang aa nakha, mbu̱r far sagharan, yang leendang aa ɗaatli.’ ”

Luka 15:5

Mbu̱ wa ɗal nu̱ ɗyinan, ka shi kasha, tu̱ ɗa dan qura,

Luka 15:9

Sarchi nu̱ gwaki, ai ka taba raptan ku ndu̱ nu̱ bing ɓaranku, tu̱ ze wor za, ‘Shaata ma nga ndu̱ kashari, ku̱me nga gwa ye vi mu̱zhindi ɓang nu̱ saghakyang.’

Yokhana 16:24

Ma ɓar leendang dong nun khuɗ aa nu̱m mbu̱ dlu̱ma ɓa. Khuɗ ma, tun ka gwa, ma ku̱ kashar ɓaanu kha nyeedlan.”

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 17:13

Nga gaɓti nu̱ sho leendang, yang nga khuɗ ɗyiku nang sarchi nu̱ke nga larji ma ku̱ kashar ɓang nu̱ke nyeedlan khan mbe nu̱ mburi nga ku nang.

Yokhana 3:29

“Wonkhar nu̱ shiki ɓu̱rti mewa ke nokhzi nu̱ zhin ɓu̱rtang, raptikir ɓu̱ nu̱ zhin ɓu̱rti nu̱ke a nje ye maa ɓu̱rtang ka bu ma tu̱k su̱qur nu̱ zhin ɓu̱rtang. Wa ka kasha maɗyi mbu wa tu̱k nu̱ zhin ɓu̱rtang wa shi ɓalari. Wanangang tu̱k kashar ɓang wa nyedli.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

2 Korintiyeku 1:24

Chem a shimkya wut zalale ɗyine maito ɓaanu ɓa, chem a shikya tlu̱nar su̱yen, ma ku̱ kasha nu, ku̱me tun chingndan ndu̱ du̱mbu̱r mbu̱ maito ɓaanu.

Afiseku 5:18

Ku̱ kuya nu ndu̱ ɗyema ɓa, ku̱me nang ɗya njiv su̱bu̱rti nduki. Me ɓu̱ nang tun kha nyeedlan ndu̱ Jiimbi shakhshakhndi,

Filipiyeku 1:25

Nu̱ke nga maita zhire ɓu̱ ɗyi nang, nga zu̱n nu̱ ɗyine ngga kha gha su̱yen ndu̱ tun kap ma zu̱m nu guma ndu̱ kashar mbe maito ɓaanu.

1 Tasalonikeku 5:16

Tun kha ndu̱ ɓong memu̱na aakochi.

1 Biturus 1:8

Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,

1 Yokhana 1:4

Yang chem a bu̱lar nang ma ku̱ kashar ɓaarem kha nyeedlan.

2 Yokhana 1:12

Ɗyiku a nje khang nu̱ke nga shim zu̱ran yoro, yang nang shim bu̱la nga bu̱la ɓa, me ɓu̱ nang, nga sa memu̱nara a ɓa nga she ro shem ɓalar ndu̱ yen me ndu̱ me, nang ka sa tu̱ ɓong memu̱nar ɓaarem kha nyeedlan.