Yokhana 15:10 - Mewar Alqawarang

¹⁰ Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Yokhana 15:10 Iomraidhean Croise

Yokhana 10:18

Nduk a nje nu̱ke ka ɗu̱maki lawa nyifi ɓang ɓar ɓa, ku̱me nga ke nu̱ vu̱rtan ɓar ndu̱ vara. Zalale vu̱rtan ɓara a nje khara, yang zalale gaɓti si a nje khara tu̱k. Nang ke ɗyi nu̱ Zhinkir ɓang zu̱ki ya za shi nga.”

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 14:21

Kap njif nu̱ zu̱nki Wopar ɓanga, tu̱ yang ki khutloran, chin kya ndola nga. Njif nu̱ke a ndola nga yang, Zhinkir ɓang ka ndola nda, ngga ndola nda tu̱k tang wut vara yenda.”

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 14:31

Nga shi torop ɗyi nu̱ Zhinkirang zu̱ki ya, ma ku̱ larji zu̱n za nga ndola Zhinkirang.” “Ji ma chem njig maa nang.”

Yokhana 17:4

Nga vu̱r zhaaji yor mbu̱ larji ku̱nshe shir tlu̱nar no vu̱rki ya.

Yokhana 4:34

Tu̱ Yesu zu̱ za, “Ɗye zu̱mndi ɓang ke tlu̱na nga shimndi ɓu̱ njif na ru̱kki nga, tang woɗa tlu̱narang.

Yokhana 8:29

Njif nu̱ ɗa ru̱kki ngang a nje su̱yen ndu̱ nga, nu̱ njigti nga ɗyenda ɓa, ku̱me nga shikya ɗyi nu̱ke a shimndan aakochi.”

Yokhana 8:55

Nun zu̱n nda ɓa, yang nga zu̱ndi nda. Mbu̱ tu̱ga nga ze nu za nang zu̱n nda ɓa tu̱ga nga kha ma nu̱ kotama wa tunu. Yang nga zu̱n nda, nga khutlo ɗyi nu̱ke a zu̱ran.

1 Korintiyeku 7:19

Dlarsi ndu̱ song dlarsi ɗya aa nu̱m ɓa, khutlo ɓalar ɓu̱ Magham chin ke torop.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

2 Bitu̱rus 2:21

Tu̱ga pooni nduki nang nu̱ zu̱n njiv dambi ku sar da mbu̱ khar viti ɓaanda ɓa, ka duk ye wora. Yang wonji, qu̱rse wa zu̱n njivang ku, tu̱ yang gaɓ nu̱ gana ku tu̱ njig mburi zu̱r shakhshakhndi nu̱ vu̱rki ye wor nang.

1 Yokhana 2:3

Mbu̱ chem wa mbu zu̱r ɓu̱ Magham, nang ka wut nu̱ ɗyine chem wa zu̱n nda.

1 Yokhana 2:5

Yang njif nu̱ mbuki ɓalar ɓu̱ Magham, zhire ndolar ɓu̱ Magham wa kha nyeedlan mbe nda. Shir wanang ka sa chem zu̱n chem kharan mbe nda.

1 Yokhana 2:6

Kap njif nu̱ zu̱ki za chin a khar mbe Magham, wa ku̱s ku̱ shi yir wa nu̱ Masiya Yesu shiki.

1 Yokhana 5:3

Jiwa ndolar Magham chin ke, shir ɗyi nu̱ Magham zu̱ki za shem, yang ɗyi nu̱ka zu̱ki za shi myang shar ɓa,

Ɗyin mbu̱ tukari 22:14

“Nduki nu̱ shiɓki luktiku ɓaanda nu̱ gha, ma ku̱ gwa zalale nji qu̱far nyifiri, tu̱ vi ku nu̱ mbu̱ ghayang ve me viri, ɗya nu̱ barka ku.