Yokhana 14:9 - Mewar Alqawarang

⁹ Tu̱ Yesu ze nda za, “Nga shoɓ su̱yen ndu̱ tunu wanang, yang ma ɓar meeni nun zu̱ndi nga ɓa, Filibus? Kap njif nu̱ naki nga, ai, wa na Zhinkirang. Nu̱m saki to ka zu̱ki za, ‘Wut Zhinkirang yeremang?’

Yokhana 14:9 Iomraidhean Croise

Markus 9:19

Tu̱ Yesu tlogha yenda za, “Ai tun nduki nu̱ qaandi virkir song maito ku, ngga du̱ng me khar ndu̱ tun kochiya? Ngga du̱ng me kaɗanyi ndu̱ tun nu̱ fu̱na? A ɓa ma ndu̱ woyang ya.”

Luka 12:56

Nu̱ mu̱narku! Tun wa magha zu̱ndi maa vu̱ghai ndu̱ maa viɗi, tun zu̱n ɗyi nu̱ke a nje, yang kha ku̱me nu̱m nun zu̱n ɗyi nu̱ke a nje sarchi nang ɓa?

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 10:30

Nga ndu̱ Zhinkirang chem da.”

Yokhana 12:45

Kap njif nu̱ke a nggu̱ti nga, a nakya njif nu̱ ɗa ru̱kki nga.

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 14:7

Mbu̱ tun wa zu̱ndi nga yel, tu̱ga tun wa zu̱n Zhinkir ɓang tu̱k. Yang ji ɗyin leendang tun wa zu̱ndi nda, tun wa na nda tu̱k.”

Yokhana 8:19

Tu̱ zham nda ku za, “A fu̱n ke zhwa na?” Tu̱ Yesu tlogha ye wor za, “Nun zu̱ndi nga ɓa yang nun zu̱n Zhinkir ɓang ɓa. Mbu̱ tun wa zu̱ndi nga, tu̱ga tun wa zu̱n Zhinkir ɓanga.”

1 Korintiyeku 15:12

Yang nang ɗo, mbu̱ chem a wopa jiiri ɓu̱ Masiya ɓar mbe mu̱ti, nu̱m saki tu̱ ɓeeni nduki chele ɓaanu ka zu̱ za nduki nu̱ mu̱tki ɓu̱ ji mbe mu̱ti ku ɓa ndang na?

Filipiyeku 2:6

Aa nu̱ke chin Magham, nu̱ da khar ɓaran ku̱rku̱r ndu̱ Magham ma ɗyi nggur ɓa,

Kolosiyeku 1:15

Magham nu̱ke nduk nu̱ka na nda ɓa ndang, Masiya ke shipar ɓaran. Masiya ke gomi, chin kya viɗi ɗyine aa nu̱m kap,

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.