Yokhana 14:6 - Mewar Alqawarang

⁶ Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 14:6 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 1:4

Chin ke nu̱ vu̱r nyifiri, yang nyifirang ke yarang ɓu̱ nduki.

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 10:7

Ku̱me nang tu̱ Yesu ze wor tu̱k za, “Zhire nga zu̱ran ye nu, nga ke me vi ɓu̱ ndu̱ɓangkwang.

Yokhana 10:9

Nga ke me virang, njif nu̱ viki ku̱n sha ka gwa ɗanari, ka vi tu̱ vi nu̱ dam a khutlori.

Yokhana 14:19

Wa njig ba sarchi koɗomma larji ɓu̱ na nga tu̱k ɓa, yang ɓaanu tun ka na nga. Ku̱me nga nu̱ nyifi, tun ka kha ndu̱ nyifiri.

Yokhana 15:1

“Nga ke qu̱far anap yelndi, Zhinkir ɓang ke nu̱ ghutang.

Yokhana 18:37

Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 6:33

Ɗye zu̱mndi ɓu̱ Maghamang ɗya nu̱ shurti viɗi, a vu̱r nyifi ye larji.”

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Yokhana 6:57

Ba wa ni Zhinkir nu̱ nyifi a ru̱kki nga, yang nga a khar ndu̱ nyifi ku̱me chin, wanang tu̱k, njif nu̱ gaɓki ndu̱ nga ma ɗye zu̱mndi ɓaran ka kha ndu̱ nyifi ku̱me nga.

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Yokhana 8:32

Kom tun ka zu̱n zhire, zhiryang ka dli ɗyinonu.”

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Tlu̱nar ɓu̱ Pudeku 9:2

tu̱ khuti nda za ku̱ vu̱r lagarkati yenda ma yir she kib tabarku ɓu̱ Yakhudeku nu̱ke a Damaskus. Nu̱ ɗyine mbu̱ chin wa gwa nduki nu̱ke a mbu Njiv ɓu̱ Zhinerem gwaanji, nusu ndu̱ khusku, ku̱ ku̱s nji wor tu̱ ɗa ɓa ndu̱ wor Urshalima gu̱ndan.

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

1 Korintiyeku 15:45

A nje bu̱laran za, “Njif nu̱ gumapaali, chin Adamu, wa kha ma nduk nu̱ nyifi.” Yang Adamu nu̱ gana ɗya jiimbi nu̱ka vu̱rki nyifiri.

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

Kolosiyeku 2:17

Ɗyiku nang kap a khar wa shipar ɓu̱ ɗyiku nu̱ke a wut ɗyi nu̱ke ka ɗa ɓa ki gana fan ye nduki, yang zhire ɓu̱ ɗyiku nang kap ɗya Masiya.

Kolosiyeku 2:9

Ku̱me kap me Maghamndi ɓu̱ Magham a nje kharan mbe Masiya sarchi nu̱ gaɓki ma nduku.

Kolosiyeku 3:4

Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

Yibraniyeku 9:8

Nang Jiimbi shakhshakhndi a wutan za njiv viri nu̱ mbu̱ Maa Nu̱ Dukki ndu̱ shakhshakhi nu̱ zhirekandi nu̱ vi ye dalang dong ɓa ma nu̱ke maa ghaari ghai nu̱ gumapaalyang a nje chingndan.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Biturus 2:4

Wa nu na ɓa ki she nda ndogdi nu̱ nyifiri nu̱ nduki zhangki gha, yang Magham wa daato nu tu̱ vu̱r zhaaji ye nu.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 1:8

Mbu̱ chem wa zu̱ nyem za sola ve rem ɓa, chem a lambakya ɗyinerem, yang zhire mbe rem ɓa.

1 Yokhana 2:23

Nduk a nje ka zhangki Woyang, tu̱ gwa Zhinkirang ɓa. Yang kap njif nu̱ dlu̱ki Woyang, wa dlu̱ Zhinkirang tu̱k.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

1 Yokhana 5:6

Nang ke njif na ɓa ki nu̱ ku̱nshe ɗyim ndu̱ tom chin ke Yesu Masiya. Nu̱ ɗa ɓa nu̱ ku̱nshe ɗyim ɗyenda ɓa, a ɓa nu̱ ku̱nshe ɗyim ndu̱ tom tu̱k. Yang ɗya Jiimbyang saidaki ku̱me Jiimbyang ke zhire.

2 Yokhana 1:9

Kap njif nu̱ke nu̱ ching nu̱ ɗyine shogar ɓu̱ Masiya ɓa, tu̱ yang shoga ɗyi nggur ɓar guma nu̱ nang, njif nang nu̱ gwa Magham ɓa. Yang njif nu̱ chingki nu̱ ɗyine shogar ɓu̱ Masiya, wa gwa Zhinkirang ndu̱ Woyang tu̱k.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 19:11

Tang na maa viɗi qu̱ndan, tang na pu̱rsi ɓongndi. Ka qa nu̱ lu̱bar nda za Nu̱ Shir zhire ndu̱ zhire. Nu̱ zhire ka shiki kumar ndu̱ dakhlar ɓaran.

Ɗyin mbu̱ tukari 20:15

Kap njif nu̱ke dlu̱man a nje mbu̱ Lagarkati Nyifiri ɓa, wa mbukti nda nu̱ mbu̱ giɗim ɓai.

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.

Ɗyin mbu̱ tukari 22:17

Jiimba ndu̱ Wonkhar nu̱ke a ma ɓu̱rti a zu̱ran ku za, “A ɓo!” Yang kap njif nu̱ tu̱kki, ku̱ zu̱ tu̱k za, “A ɓo!” Kap njif nu̱ke a tu̱k khuzhumndi ku̱ ɗa ɓa, kap njif nu̱ke a gangndan ku̱ dlu̱ ɗyim nu̱ka vu̱rki nyifiri mu̱nki.

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.