Yokhana 14:28 - Mewar Alqawarang

²⁸ “Tun wa tu̱k nga ze nu za nga ma yir vara, yang ngga ɗa gaɓ nu̱ she nu tu̱k. Mbu̱ tun a ndola nga tu̱ga tun wa shi kashar ku̱me nga yir she Zhinkirang, ku̱me Zhinkirang wa dukti nga.

Yokhana 14:28 Iomraidhean Croise

Matta 12:18

“Wonji maavi ɓang nang datki, chin ke ndolar ɓanga, ngaa tu̱k mu̱ndi ɓaran maɗyi. Ngga nyel nda ndu̱ Jiimbi ɓanga, ka shi kumar zhirekandi ye dlar maaku zum zum.

Yokhana 10:38

Yang mbu̱ nga shikya tlu̱nar nu̱ kya shiran, aa nun maita nga ɓa, maita ma tlu̱narkwang, ku̱me zu̱n nu, tun da mban tu̱k za, Zhinkirang a nje mbya, yang nga mbe nda tu̱k.”

Yokhana 13:16

Nga zu̱kya ba zhire ye nu, maava nu̱ka duk nu̱ rafti ɓaran ɓa, nu̱ ru̱k nu̱ka duk njif nu ru̱kki nda ɓa.

Yokhana 14:12

Zhire nga zu̱ran ye nu, kap njif nu̱ maitaki nga, ka shi tlu̱nar nang shiki. Ka shi tlu̱nar nu̱ dukki nu̱kunang, ku̱me nga yir she Zhinkirang.

Yokhana 14:18

Ngam ɓu̱ njigto nu wa maryiran ɓa, ngga ɗa ɓa she nu.

Yokhana 16:7

Yang nga zu̱ kya zhire ye nu, yir ɓang wa duk ndu̱ boote ye nu, ku̱me mbu̱ nang ɗu̱ ɓa, Nu̱ shaatarang ɓu̱ ɗa ɓa ɓa. Yang mbu̱ nga ɗi ngga ɗa ru̱kti nda ye nu.

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Yokhana 20:21

Kom tu̱ Yesu gaɓ tu̱ ze wor za, “Kha ma gha ndu̱ qaandi memu̱na! Ba wa nu̱ Zhinkirang a ru̱kki nga, nga ru̱ktonu tu̱k.”

Yokhana 5:18

Tu̱ ɓalar nang sa Yakhudekwang tu̱ shaata shim tlagha nda nu̱gha a zu̱ran ku za, “Ku̱me shaanar khuski nu̱ shiki fu̱ɗar maasang ɗyenda ɓa, wonji wa qa Magham Zhin tu̱k a buu ɗyinan ndu̱ Magham.”

Yokhana 7:33

Tu̱ Yesu tlogha za, “Sarchi khar ɓang ndu̱ tun wa njig ba koɗomma. Kom ngga gaɓ nu̱ she njif nu̱ ɗa ru̱kki nga.

1 Korintiyeku 11:3

Yang nga shim zu̱n nu nu̱ ɗyine, Masiya ke dle gume ɓu̱ aa nyi khusku, khusku ke dle gume ɓu̱ nusu, Magham ke dle gume ɓu̱ Masiya.

1 Biturus 1:8

Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,

Ɗyin mbu̱ tukari 1:11

Tu̱ su̱qurang zu̱ za, “Bu̱lo ɗyi no naki nu̱ mbu̱ lagarkati ɗyikhlakandang, to ru̱k ye tabarku ɓu̱ nu̱ mbu Yesu ku nu̱ mbu̱ ghai mutndang. Wor ke, tabar nu̱ Afisa, ndu̱ nu̱ Su̱mirna, ndu̱ Pagamum, ndu̱ Tiyatira, ndu̱ Sardis, ndu̱ Filadelfiya, kom ndu̱ nu̱ Laudikiya.”