Yokhana 14:27 - Mewar Alqawarang

²⁷ “Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

Yokhana 14:27 Iomraidhean Croise

Matta 10:26

“Ku̱me nang, tu̱k nu sawar ɓaanda ɓa, sar da tun a nje tukakandi nu̱ke ɓu̱ ɓa vi ye dalang ɓa ɓa. Yang tu̱k tun a nje tukaran nu̱ke za nduk ɓu̱ ɓa zu̱n ɓa ɓa.

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Luka 10:5

“Aa nyi rafti nun viiki, ngga ma san nun za, ‘Gappu̱ramma ku ye nduki nu̱ mbu̱ rafti nang!’

Luka 12:4

“Raptaku, nga zu̱ran ye nu, sawa nu nduki nu̱ke ka tlagha man var nduk nu̱gha yang qu̱rsan ɓu̱ ɗu̱ma shi ɗyi nu̱ dukki nangang ɓa.

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Yokhana 14:1

“Damta nu ɓa. Maita ma Magham, tun maita nga tu̱k.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 20:19

Ye fu̱ɗar nu̱ gumapaali mbu̱ qaandi mut (fu̱ɗa Laaji) nu̱ me mugdi, nu̱ mburi nda kwang a nje tabaran ye maa da me viri khiiran ɗyine wora ku̱me a sawa dle gume ɓu̱ Yakhudekwang. Tu̱ Yesu a ɓa tu̱ ching nu̱ chele ɓaanda tu̱ ze wor za, “Gappu̱ramma ku.”

Yokhana 20:21

Kom tu̱ Yesu gaɓ tu̱ ze wor za, “Kha ma gha ndu̱ qaandi memu̱na! Ba wa nu̱ Zhinkirang a ru̱kki nga, nga ru̱ktonu tu̱k.”

Yokhana 20:26

Qaandi miyasi qu̱rsan, nu̱ mburi nda kwang a nje tabaran ba mbu̱ raftang, yang Toma nje su̱yen ndu̱ wor sarchi nang. Me viri kwang zaran, tu̱ yang Yesu a ɓa tu̱ ching nu̱ chele ɓaanda tu̱ zu̱ za, “Kha ma ndu̱ qaandi memu̱na.”

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Tlu̱nar ɓu̱ Pudeku 18:9

Fu̱ɗa nggur nu̱ virkiri tu̱ Magham qu̱n yiti Bulus mbu̱ zhine yelndi tu̱ ze nda za, “Tu̱k na sawa ɓa, zu̱m guma ndu̱ waazu ɓaaro kha na yit ɓa,

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Romeku 5:10

Nang ɗo, mbu̱ ye sarchi nu̱ke chem a kare ndu̱ Magham, chem gwaki somtar ndu̱ chin nu̱ ku̱nshe mu̱ti ɓu̱ Yi ɓaran. Leendang nu̱ gaɓki ndu̱ chem ma raptan ɗa, ai ka ɗana rem nu̱ ku̱nshe khar viti ɓu̱ Yi ɓaranang.

Romeku 8:6

Damtar ndu̱ ɗyiku ɓu̱ manva wa ka ɓa ndu̱ mu̱ti, yang damtar ndu̱ ɗyin mbu̱ Jiimba ka vu̱rkya nyifiri ndu̱ qaandi memu̱na.

1 Korintiyeku 1:3

Ku̱ mu̱nkir ndu̱ qaandi memu̱nar na viki she Magham Zhinerem ndu̱ Yesu Masiya kha gha su̱yen ndu̱ tunu.

Galatiyeku 1:3

A zoɓa qaandi ye nu ku za, ku̱ mu̱nkir ndu̱ qaandi memu̱nar na viki she Magham ndu̱ Yesu Masiya kha gha su̱yen ndu̱ tunu.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 6:16

Ku̱ qaandi memu̱nar ndu̱ nar zhiyaye kha nduki nu̱ke a mbu mewar bibiti nang, nang ke nduki nu̱ mburiku zhirekandi kap ndu̱ Israila nu̱ke ɓu̱ Magham.

Filipiyeku 4:7

Shir wanang ka sa tu̱ qaandi memu̱nar ɓu̱ Magham nu̱ke wa peeta kwaari ɓu̱ nduku, khutlo memu̱na nu ndu̱ kwaari ɓaanu mbe Masiya Yesu.

Kolosiyeku 1:2

Ma yir she nduki ɓu̱ Magham shakhshakhndi nu̱ shir zhire ku mbe Yesu Masiya nu̱ke a nje kharan mbu̱ ghai Kolosi. Ku̱ mu̱nkir ndu̱ qaandi memu̱nar ɓu̱ Magham Zhinerem kha gha su̱yen ndu̱ tunu.

Kolosiyeku 1:20

Magham somta ɗyi nyin shiki kap ye varan nu̱ ku̱nshe Woyang. Somta ɗyiku nu̱ke a viɗi ndu̱ vu̱ghai ye varan nu̱ ku̱nshe tom nu̱ Yi ɓaran mbu̱ɗki ɗyine qu̱far kaatlang.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

2 Tasalonikeku 1:2

Bu ku̱ mu̱nkir ndu̱ qaandi memu̱nar na viki she Magham Zhinki ndu̱ Zhinerem gwaanji Yesu Masiya kha gha su̱yen ndu̱ tunu.

2 Tasalonikeku 3:16

Bu ku̱ Zhinkir gwaanji nu̱ qaandi memu̱na, vu̱r qaandi memu̱nar ye nu ndu̱ varan aakochi, mbu̱ aa nyi tunu. Ku̱ Zhinkir gwaanji kha gha su̱yen ndu̱ tun kap.

2 Timoti 1:7

Jiwa Jiimbi nu̱ Magham vu̱rki yeremang ɗya nu̱ sawa ɓa, yang Jiimbyang ɗya nu̱ zalale ndu̱ ndolari, ndu̱ nu̱ ku̱si ɗyin.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 7:2

Tu̱ Yibram vu̱r zake ɓu̱ aa nu̱m yenda. Gumapaali, dlu̱m Melkizedekang mban za “Kuji Dambu.” Kom ndu̱ kuji Salem tu̱k, mban za, “Kuji Qaandi Memu̱na.”

Ɗyin mbu̱ tukari 1:4

Nga Yokhana, Nga bu̱lar ye tabar ɓu̱ nu̱ mbu Yesu ku nu̱ mbu̱ ghai ku mut nu̱ke a mbu̱ dlar ghai Asiya. Kha ma ndu̱ mu̱nkir ndu̱ qaandi memu̱nar na viki she Magham nu̱ke chin kya nje leendang, chin kya nje zhu, chin ka khaki mbu̱ sarchi nu̱ke a ɓari. Kom ndu̱ she jiimbiku mutndi nu̱ke a gume zhakhɗye ɓu̱ Maghamang,

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”