Yokhana 14:26 - Mewar Alqawarang

²⁶ Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 14:26 Iomraidhean Croise

Matta 1:18

Wonji ɗyi nu̱ ɗatlki mbe khar ɓu̱ Yesu Masiya: Man, Maryam wa tlogha ɓu̱rti ndu̱ Yusufu, me ku̱ shi ɓu̱rtang ku, tu̱ gwa nda ndu̱ ghu̱rɓandi nu̱ ku̱nshe Jiimbi shakhshakhndi.

Matta 1:20

A mbu̱ kwaari nang, tu̱ nu̱ ru̱kti ɓu̱ Magham a ɓa yenda mbu̱ zhine za, “Yusufu zhikan Dauda, sawa na ɓu̱r Maryam ma nokhzor ɓa, ku̱me ghu̱rɓandang ɗya ghu̱rɓandi nu̱ ku̱nshe Jiimbi shakhshakhndi.

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Matta 3:11

Ngaa baptisme ye nu ndu̱ ɗyim ma saidu nggooti njigti solar ɓaanu, Yang gaanja njif nu̱ dukki nga gwaari a ɓari, nu̱ke aa paghamndi ɓaran nang khu̱l ku̱ fed nga nu̱ gha ɓa. Chin ka ɓa shiki baptisme ye nu ndu̱ Jiimbi shakhshakhndi ndu̱ ɓai.

Markus 12:36

Yang Dauda wa zu̱ ndu̱ men nu̱ ku̱nshe Jiimbi Shakhshakhndi za, Magham wa ze Zhinkir ɓang gwaanji za, “khon ve bu̱na nu̱ zu̱ma, kope nga sa nu̱ zhangndi ɓaa ku, tu̱ kha ma ɗye du̱ngndi saroro.”

Markus 13:11

Mbu̱ wa ɗu̱ ndu̱ tunu gume kumari, damta nu ndu̱ koori ɗyi nu̱ke tun ka zu̱ki ye wor ɓa, zu̱ma kya ba ɗyina ɓa ki ye nu sarchi kumarang, ku̱me tun kya ɓalarang ɓa, ɗya Jiimbi Shakhshakhndi.

Luka 1:15

Ku̱me ka kha ma nduk gori she Magham, yang ɓu̱ za ɗyema ndu̱ aa nyi ɗyi nu̱ka kuyaki nduk ɓa. Ka nyel nda ndu̱ Jiimbi shakhshakhndi me ku̱ kha nda.

Luka 1:35

Tu̱ nu̱ ru̱ktang ze nda za, “Jiimbi shakhshakhndi ɓu̱ Magham ka shur nu̱ ɗyinoro, zalale ɓu̱ Magham nu̱ viɗi ka lu̱pa ro. Ku̱me nang, woyang ka kha shakhshakh, ka qa nda Yi ɓu̱ Magham.

Luka 1:41

Yang ba nu̱ Elizabet tu̱kki su̱qur gappu̱re ɓu̱ Maryamang, tu̱ woyang shi qushumndi mbe nda, tu̱ Jiimbi shakhshakhndi nyel nda.

Luka 1:67

Tu̱ yang Jiimbi shakhshakhndi nyel Zakariya zhin woyang, tu̱ zu̱ ɓalar ɓu̱ Magham za,

Luka 11:13

Yang mbu̱ tun nu̱ solarku, tun wa zu̱n ɗyi mbarkandi nu̱ke tun ka vu̱rki ye qusonggi ɓaanu, bele zhunonu nu̱ viɗi nu̱ke kaa vu̱rki Jiimbi shakhshakhndi ye nu̱ khuti nda?”

Luka 2:25

Yang ku̱maandi nggur a nje Urshalima dlu̱man za Simiyon, ɗya nu̱ jeembu ndu̱ komkomi ghaari ghai ye Magham. A bu ɓar ɓu̱ Masiya ma du̱ng memu̱na Israila, Jiimbi shakhshakhndang nje ɗyine nda.

Luka 24:49

Wonji ngga ɗa ru̱k ndu̱ alqawar ɓu̱ Zhinkirang ye nu, yang bu ma mbu̱ ghai Urshalima, kope tun wa gwa zalale na ɓaki viɗi.”

Luka 3:22

Tu̱ Jiimbi ɓu̱ Magham a shur nu̱ ɗyine nda wa mboole. Tu̱ ɓalar a vi viɗi za, “To Yi ɓanga ngaa ndola ro, Nga tu̱k mu̱ndi ɓaaro maɗyi.”

Yokhana 1:33

Aa nga, nang zu̱n nda ɓa yang Magham nu̱ ɗa ru̱kki nga ma baptisme ndu̱ ɗyimang zu̱ki ya. A za, ‘Kap njif nang naki Jiimbi a shurti tu̱ yang lu̱b nu̱ ɗyine nda, chin ke njif nu̱ke ka ɓa shiki baptisme ndu̱ Jiimbi shakhshakhndang.’

Yokhana 12:16

Gumapaali nu̱ mburindakwang nu̱ da mbu̱ ɗyi nu̱ shiki nang ɓa, yang gaanje nu̱ vu̱rki zhaaji ye Yesu, tu̱ kor ku nu̱ ɗyine bu̱lar a nje wanang ɗyine nda, yang ɗyikwang shi ba wa nu̱ bu̱lakyang.

Yokhana 14:16

Ngga khuɗ Zhinkirang, chin yang ka vu̱r Nu̱ shaatar nggur ye nu tu̱ kha gha ve yen ndu̱ tun koɗokhsi ɓa.

Yokhana 14:25

“Nga zu̱ nang ye nu sarchi nu̱ke chem a su̱yen.

Yokhana 15:26

“Ngga sa Nu̱ shaatarang nu̱ ɗa viki she Zhinkirang tu̱ ɗa ɓa she nu. Jiimbi shakhshakhndi nu̱ zhire na viki she Maghamang chin ka saidaki nga.

Yokhana 16:7

Yang nga zu̱ kya zhire ye nu, yir ɓang wa duk ndu̱ boote ye nu, ku̱me mbu̱ nang ɗu̱ ɓa, Nu̱ shaatarang ɓu̱ ɗa ɓa ɓa. Yang mbu̱ nga ɗi ngga ɗa ru̱kti nda ye nu.

Yokhana 2:22

Qu̱rse Yesu wa ji mbe mu̱ti, tu̱ nu̱ mburindakwang kor ɗyi nu̱ Yesu zu̱ki, tu̱ maita ɓalar ɓu̱ Magham bu̱lakandi kom ndu̱ ɗyi nu̱ Yesu zu̱kyang.

Yokhana 20:22

Nu̱ zu̱ki wanang tu̱ pi khu̱kheeti ye wora, tu̱ zu̱ za, “Dlu̱ ma Jiimbi shakhshakhndi.

Yokhana 6:45

A nje bu̱laran mbu̱ lagarkati ɓu̱ annabikwang za, “Magham ka shogaki ye wora. Yang kap njif nu̱ tu̱kki, tu̱ yang shoga she Zhinkirang, wa ka ɓa sha.

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Tlu̱nar ɓu̱ Pudeku 1:2

ma khu̱dli ye fu̱ɗar nu̱ daki nda ma yir mbu̱ viɗi. Me ku̱ da nda ma yir viɗi wa shi ɓalar nu̱ ku̱nshe Jiimbi shakhshakhndi ye pudeku nyin datki.

Tlu̱nar ɓu̱ Pudeku 1:4

Sarchi nu̱ke a su̱yen ndu̱ wor tu̱ ze wor za, “Njig nu Urshalima ɓa, bu ma alqawar nu̱ Zhinkir ɓang shiki mbu̱r fara, tang zu̱ ye nwang.

Tlu̱nar ɓu̱ Pudeku 1:8

Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tlu̱nar ɓu̱ Pudeku 11:16

Kom tang kor ɗyi nu̱ Zhinerem gwaanji zu̱ki za, ‘Yokhana shi baptisme ndu̱ ɗyim, yang ka shi baptisme ye nu̱ ndu̱ Jiimbi shakhshakhndi.’

Tlu̱nar ɓu̱ Pudeku 13:2

Sarchi nu̱ke a ghar ghai ye Magham a zhumti ku, tu̱ Jiimbi shakhshakhndi zu̱ za, “Wa ka ma Barnaba ndu̱ Shawulu ya nu̱ konggol ku̱me tlu̱nar nu̱ke nga shim ku̱ shi ya ku.”

Tlu̱nar ɓu̱ Pudeku 13:4

Nu̱ Jiimbi shakhshakhndi ru̱kki Barnaba ndu̱ Shawulu, tu̱ ɗu̱ ku Salukiya, ta vi du̱mbu̱l ɗyim ku ma yir Saipurus dlar ghai nu̱ gaawu gwaanji karakyang.

Tlu̱nar ɓu̱ Pudeku 15:28

Jiimbi shakhshakhndi wa na wa shi mbari, chem yang tu̱k, chem wa na wa shi mbari ku̱ du̱ng taɗar nggur ye nu nu̱ dukki ɗyiku nu̱ ku̱ski nang ɓa.

Tlu̱nar ɓu̱ Pudeku 15:8

Yang Magham nu̱ zu̱nki memu̱na aaki, tu̱ wuɗ za chin wa dlu̱ wor nu̱ ku̱nshe Jiimbi shakhshakhndi nu̱ vu̱rki ye wor ba wa nu̱ vu̱rki yerem.

Tlu̱nar ɓu̱ Pudeku 16:6

Tu̱ baara dlar ghai Pargiya ndu̱ Galatiya nu̱ke Jiimbi shakhshakhndi wa nggu̱tl wor ku̱ shi ɓalar ɓu̱ Magham mbu̱ dlar ghai Asiya ɓa.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 2:4

Tu̱ nyel kap ɓaanda ndu̱ Jiimbi shakhshakhndi, tu̱ nggaasi ɓalarku ndu̱ me ghaiku zum zum, ba wa nu̱ Jiimbi shakhshakhndang vu̱rki ye wora.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 20:35

Mbu̱ ɗyiku nang kap tun ka na nu̱ vya tun zu̱n nu̱ ɗyine wa ku̱s ku̱ shi nu tlu̱nar wa nang shiki ma ku̱ shaata nu nduki nu̱ke du̱mbu̱r ɓaanda kata. Tun a kor ɓalar ɓu̱ Zhinerem gwaanji Yesu nu̱ zu̱ki za, ‘Vu̱rtan wa duk dlu̱ran barke.’ ”

Tlu̱nar ɓu̱ Pudeku 28:25

Ku̱me nang nu̱ da mbu̱ ɓu̱ yen ku ɓa. Me ku̱ njig ye maaranang ku, tu̱ Bulus zu̱ za, “Alapa Jiimbi shakhshakhndi wa shi zhire nu̱ shiki ɓalar ye zhikaneremku nu̱ ku̱nshe annabi Yishaya. Nu̱ zu̱ki za,

Tlu̱nar ɓu̱ Pudeku 5:3

Tu̱ Biturus ze nda za, “To Khananiya, nu̱m saki to njig Sheɗan tu̱ vi nu̱ mbu̱ memu̱na ro, to shi wollo ye Jiimbi shakhshakhndi, to tuka ɓeeni mu̱zhindi damang gha ye vaara na?

Tlu̱nar ɓu̱ Pudeku 7:51

“Nu̱ nggar var ku, nduki nu̱ke memu̱na wor kaaku̱ɗakh, nu̱ zhangndi tu̱kti maa ku! Tun wa ka zhang ɗyi nu̱ Jiimbi shakhshakhndi zu̱ki ye nu aakochi ba wa nu̱ zhikannu shiki.

Tlu̱nar ɓu̱ Pudeku 7:55

Yang tu̱ Istafanus nyeedlan ndu̱ Jiimbi shakhshakhndi ghar yitan tu̱ nggu̱t maa viɗi, tu̱ na zhaaji ɓu̱ Magham ndu̱ Yesu chingndan ve bu̱n zu̱ma ɓu̱ Magham.

Romeku 14:17

Jiwa kwaaɗar ɓu̱ Magham ɗya ɓalar zu̱mndi ndu̱ zar ɓa, ɗya ɓalar dambi, ndu̱ qaandi memu̱na, ndu̱ ɓong memu̱na mbe Jiimbi shakhshakhndi.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

1 Korintiyeku 12:3

Ku̱me nang nga shim zu̱n nu nu̱ ɗyine, nduk a nje nu̱ke Jiimbi shakhshakhndi a mbu ndu̱ chin nu̱ke ka zu̱ki za, “Wa mi pontori ɓu̱ Yesu! Ɓa.” Yang nduk a nje tu̱k nu̱ke ka zu̱ki za, “Yesu ɗya Zhinerem gwaanji” ɓa, kope Jiimbi shakhshakhndi a mbu ndu̱ chin.

1 Korintiyeku 6:19

Nun zu̱n za man vaanu ɗya rafti ɓu̱ Jiimbi shakhshakhndi nu̱ke a mbe nu nun dlu̱ki she nda ɓa goma? Tun ɓu̱ shi zalale ndu̱ vaanu ɓa.

2 Korintiyeku 13:14

Bu ku̱ mu̱nkir ɓu̱ Zhinerem gwaanji Yesu Masiya, ndu̱ ndolar ɓu̱ Magham, ndu̱ khar mu̱nkandi ɓu̱ Jiimbi shakhshakhndi, kha gha su̱yen ndu̱ tun kap.

2 Korintiyeku 6:6

Mbe khar wakakandi, mbe dar mbu̱ tunu, mbe kanaɗyi ndu̱ mbarki, nu̱ ku̱nshe Jiimbi ɓu̱ Magham ndu̱ ndolar zhirekandi.

Afiseku 1:13

Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.

1 Tasalonikeku 4:8

Ku̱me nang aaki zhangki mbu shogar nang gha, zhangkya nduk ɓa, zhangkya Magham, chin nu̱ka vu̱rki Jiimbi ɓaran shakhshakhndi yenwang.

2 Timoti 1:14

Khutlo shogar zhirekandi nu̱ vu̱rki du̱ngdan ye ro nu̱ ku̱nshe shaatar ɓu̱ Jiimbi shakhshakhndi nu̱ke kharan mbe rem.

Titus 3:5

tu̱ Magham ɗana rem. Yang shi nang ku̱me dambi ɓaarem ɓa, shi ku̱me ɗaanar ɓaran tu̱ ɗana rem nu̱ ku̱nshe wurti nu̱ Jiimbi shakhshakhndi nu̱ saki tu̱ khaarem mewa chem kha ndu̱ mewar nyifiri.

Yibraniyeku 10:15

Jiimbi shakhshakhndi wa saida nang yerem. Gumapaali wa zu̱ za,

Yibraniyeku 2:4

Kom Magham wa shaata wut saidu ɓaran nu̱ ɗyine ɓaanda nu̱ shikyang, nu̱ ku̱nshe ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa. Kom ndu̱ ɗye lazhamku zum zum, ndu̱ vu̱rtiku nu̱ shakki nu̱ ku̱nshe Jiimbi shakhshakhndi wa nu̱ shimki.

Yibraniyeku 3:7

Ku̱me nang, ba wa nu̱ Jiimbi shakhshakhndi zu̱ki, “Meeni mbu̱ tun wa tu̱k su̱qur Magham a ɓalari,

Yibraniyeku 9:8

Nang Jiimbi shakhshakhndi a wutan za njiv viri nu̱ mbu̱ Maa Nu̱ Dukki ndu̱ shakhshakhi nu̱ zhirekandi nu̱ vi ye dalang dong ɓa ma nu̱ke maa ghaari ghai nu̱ gumapaalyang a nje chingndan.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

2 Bitu̱rus 1:21

Jiwa ɓalar nu̱ annabiku zu̱ki nu̱ ɗa vi mbe shaandi ɓu̱ nduk sar da ɓa. Jiimbi shakhshakhndi ke nu̱ viri nu̱ mbu̱ memu̱na wora tu̱ sa wor ku̱ zu̱ ɗyiku nu̱ dlu̱ki ku she Magham.

1 Yokhana 2:20

Yang ɓaanu, Njif shakhshakhndi nang wa pu ɗyinonu nu̱gha. Ku̱me nang kap ɓaanu tun wa zu̱n zhire.

1 Yokhana 2:27

Yang ɓaanu Masiya wa vu̱r Jiimbi shakhshakhndi nu̱ mbe nu, ku̱me nang tun a gang maalu̱m nggur zumndi ma ku̱ shoga ye nu ɓa. Jiimbi nu̱ vu̱rkyang ka shoga aa nu̱m ndu̱ aa nu̱m ye nu, yang shogar ɓaranang ɗya zhire, nu̱ka shi wollo ɓa. Ku̱me nang zu̱m ma guma ndu̱ khar mbe Yesu ba wa nu̱ Jiimbyang shogaki ye nu.

1 Yokhana 5:7

Ɗyiku kunung a nje nu̱ke a saidaran za Yesu ɗya Yi ɓu̱ Magham.

Yakhuda 1:20

Yang tun raptaku nu̱ke nga ndolaran, tun ki gwaari mbe maito ɓaanu shakhshakhndi nang. Tun ki barar mbu̱ zalale ɓu̱ Jiimbi shakhshakhndi.

Ɗyin mbu̱ tukari 2:11

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu! Njif nu̱ raki wute, mu̱ti nu̱ rap ɓu̱ vu̱r bonye ye nda sar da ɓa.