Yokhana 14:23 - Mewar Alqawarang

²³ Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 14:23 Iomraidhean Croise

Yokhana 10:30

Nga ndu̱ Zhinkirang chem da.”

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 14:17

Chin ke Jiimbi nu̱ zhire, nu̱ke larji ɓu̱ ɗu̱ma dlu̱ran ɓa ku̱me ɓu̱ ɗu̱ma na nda ɓa yang nu̱ zu̱n nda ɓa. Ɓaanu yang tun wa zu̱n nda, ku̱me a nje kharan ndu̱ tunu, yang ka ɓaa khan mbu̱ memu̱na nu.

Yokhana 14:21

Kap njif nu̱ zu̱nki Wopar ɓanga, tu̱ yang ki khutloran, chin kya ndola nga. Njif nu̱ke a ndola nga yang, Zhinkir ɓang ka ndola nda, ngga ndola nda tu̱k tang wut vara yenda.”

Yokhana 14:24

Njif nu̱ke a ndola nga ɓa, ɓu̱ khutlo ɓalar ɓang ɓa. Ɓalar nu̱ke tun a tu̱ktan nang ɗya ɓang ɓa ɗya ɓu̱ Zhinkir nu̱ ɗa ru̱kki nga.”

Yokhana 15:10

Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Yokhana 16:27

Ku̱me chin Zhinkirang nu̱ varan a ndola nu, ku̱me tun wa ndola nga, tun wa maita tu̱k za nga vi she Magham.

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Yokhana 8:52

Tu̱ Yakhudekwang ze nda za, “Uughu! Leendang chem wa zu̱n nu̱ke ta su̱yen ndu̱ khu̱kheet shwat. Ai, Yibram ndu̱ annabikwang kap wa mu̱ɗ ku, yang no za, ‘Kap njif nu̱ khutloki shogar ɓang ɓu̱ mu̱ɗ shwat ɓa.’

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

Afiseku 3:17

Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

1 Yokhana 2:24

Zu̱m ma guma ndu̱ mbu shogar nun tu̱kki ji vu̱ nggarsan. Mbu̱ shogar nun dlu̱ki gumapaali a nje memu̱na nu, tun ka khan mbe Woyang ndu̱ Zhinkirang tu̱k.

1 Yokhana 2:5

Yang njif nu̱ mbuki ɓalar ɓu̱ Magham, zhire ndolar ɓu̱ Magham wa kha nyeedlan mbe nda. Shir wanang ka sa chem zu̱n chem kharan mbe nda.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

1 Yokhana 5:3

Jiwa ndolar Magham chin ke, shir ɗyi nu̱ Magham zu̱ki za shem, yang ɗyi nu̱ka zu̱ki za shi myang shar ɓa,

2 Yokhana 1:6

Yang nang ke ndola, ku̱ shi mi ɗyi nu̱ke Magham zu̱ki za shem. Ba wa nun tu̱kki gumapaalyang, zu̱r ɓaranang chin ke shem yir mbe ndola.

Ɗyin mbu̱ tukari 21:22

Nang na rafti ɓu̱ Magham mbu̱ ghayang ɓa, ku̱me Zhinkir gwaanji Magham nu̱ zalale aa nu̱m kap ndu̱ Ye Gamndang ke raftang.

Ɗyin mbu̱ tukari 21:3

Tang tu̱k su̱qur ɓalar du̱mbu̱rkandi a vi she zhakhɗyang a zu̱ran za, “Leendang maa khar ɓu̱ Magham a su̱yen ndu̱ nduki! Ka kha gha su̱yen ndu̱ wora, ka kha ma nduki ɓaran. Magham ndu̱ ɗyinan ka kha gha su̱yen ndu̱ wora, tu̱ kha ma Maghamndi ɓaanda tu̱k.

Ɗyin mbu̱ tukari 22:3

Ɓu̱ gwa ɗyi nggur nu̱ Magham miiki barke ɓaran mbu̱ ghai nang ɓa. Zhakhɗye ɓu̱ Magham ndu̱ ɓu̱ Ye gamndang ka kha gha mbu̱ ghayang. Maaviku ɓaran yang ka ghar ghai yenda.