Yokhana 14:20 - Mewar Alqawarang

²⁰ Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 14:20 Iomraidhean Croise

Yokhana 10:38

Yang mbu̱ nga shikya tlu̱nar nu̱ kya shiran, aa nun maita nga ɓa, maita ma tlu̱narkwang, ku̱me zu̱n nu, tun da mban tu̱k za, Zhinkirang a nje mbya, yang nga mbe nda tu̱k.”

Yokhana 14:10

No maita za nga da ndu̱ Zhinkirang, yang Zhinkirang a mbya de? Ai ɓalar nu̱ke nga shiran ye nwang, nga shiran ndu̱ zalale ɓang ɓa, Zhinkir nu̱ke a mbyang kya tlu̱nar ɓaran.

Yokhana 14:11

Maita ma nga nang zu̱ki ye nu nga za nga mbe Zhinkirang, Zhinkirang a nje mbya, mbu̱ wanang ɓa tun maita nga ku̱me tlu̱narku nang shikyang.

Yokhana 16:23

Ye fu̱ɗar na ndang tun ɓu̱ khuti nga aa nu̱m ɓa. Zhire nga zu̱ran ye nu, Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 16:26

Ye fu̱ɗar na ndang tun ka shi khuti mbu̱ dlu̱ma. Tun ka zham Zhinkirang ndu̱ vaanu, nga ka khuɗki ye nu ɓa.

Yokhana 17:11

Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Yokhana 17:26

Nga wutor ye wora, yang ngga zu̱m guma ndu̱ shiran, ma ku̱ ndolar no shiki yang khan mbe wora, tang khan mbe wor tu̱k.”

Yokhana 17:7

Yang leendang wa zu̱n ku za kap ɗyi no vu̱rki ya a vi sho ro.

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Romeku 16:7

Tun shi qaandi ye Andu̱ronikus ndu̱ Juniyas, nyeeza Yakhudeku, wor ke nduki nu̱ khiiki rem gha su̱yen mbu̱ zhaaru̱m. Pudekwang wa zu̱n wor maɗyi, yang maita Masiya ku ya guma.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

2 Korintiyeku 12:2

Nga zu̱n njif nggurnu̱ daki nda ma yir mbu̱ viɗi nu̱ kunung nu̱ ku̱nshe zalale ɓu̱ Masiya, sonyi gwaanggu̱m vat meeni, da nda mbu̱ manva gom, mbu̱ manva ɓa gom, nang zu̱n ɓa, Magham ɗyenda zu̱nki.

2 Korintiyeku 13:5

Buu ma ɗyinonu ma zu̱n nu mbu̱ tun a mbu Masiya Yesu mbe zhire; tun ki buu ɗyinonu. Alapa nun zu̱n za Masiya a nje mbe nu ɓa goma? A nje shwat, mbu̱ nun nggu̱ɗ mbu̱ buuri nang ɓa.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 5:19

Nu̱ ɗyine Magham a somta chele ɓaarem ndu̱ nduki nu̱ mbu̱ larji nang nu̱ ku̱nshe Masiya. Nu̱ka shiga su̱ solar ɓaanda wa ɗya kudum nu̱ke a ɗyine wor ɓa. Magham wa vu̱r ɓalar somtar yerem.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Kolosiyeku 1:19

Jiwa Magham shimki, ma ku̱ woyang da me Maghamndi ɓu̱ Maghamang ye varan.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

Kolosiyeku 2:9

Ku̱me kap me Maghamndi ɓu̱ Magham a nje kharan mbe Masiya sarchi nu̱ gaɓki ma nduku.

1 Yokhana 4:12

Nduk a nje nu̱ naki Magham sar da ɓa, yang mbu̱ chem a ndola yen, Magham a nje kharan mbe rem ɗo, ndolar ɓaran nang wa kha nyeedlan mbe rem.