Yokhana 14:2 - Mewar Alqawarang

² Mbu̱ rafti ɓu̱ Zhinkir ɓanga maa khara nje khang. Mbu̱ wanang ɓa tu̱ga nang zu̱ nang ye nu ɓa. Nga yir far ma daasa maari ye nu.

Yokhana 14:2 Iomraidhean Croise

Luka 14:22

“Nu̱ maavyang a gaɓki tu̱ ze nu̱ rafti ɓaranang za, ‘Maasi, nga shi ba wa no zu̱ki ya, yang kap ndu̱ nang, ɓeena maarang nje nu̱ nyel ɓa.’

Yokhana 13:33

Tun nyeezaku, wa njig sarchi koɗomma nu̱ke ngga khaki ndu̱ tunu.” Tun ka laɓti nga, yang ba wa nang zu̱ki ye dle gume ɓu̱ Yakhudekwang nga za, “Ye maa nu̱ke nga yiri, tun ɓu̱ ɗu̱ma yir ɓa.” Nga zu̱ran ye nu wanang tu̱k leendang.

Yokhana 13:36

Tu̱ Siman Biturus zham Yesu za, “Zhinerem gwaanji, ta yir kya fu̱na?” Tu̱ Yesu tlogha za, “Tom ɓu̱ ɗu̱ma mburi nga ma yir ye maa nu̱ke nga yir si leendang ɓa, yang gana fan to ka ɓa mburi nga.”

Yokhana 14:28

“Tun wa tu̱k nga ze nu za nga ma yir vara, yang ngga ɗa gaɓ nu̱ she nu tu̱k. Mbu̱ tun a ndola nga tu̱ga tun wa shi kashar ku̱me nga yir she Zhinkirang, ku̱me Zhinkirang wa dukti nga.

Yokhana 16:4

Nga zu̱ ɗyiku nang ye nu, ku̱me mbu̱ sarchi ɓaanda a ɓa tun kor nga ze nu. Nang zu̱ ɗyiku nang ye nu gumapaali ɓa ku̱me nga su̱yen ndu̱ tunu.”

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Tlu̱nar ɓu̱ Pudeku 9:16

Ngga wut bonye nu̱ke ka zaki ku̱me dlu̱ma yenda.”

2 Korintiyeku 5:1

Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yibraniyeku 11:10

Jiwa a nggu̱t kya ghai nu̱ke buuri sar saaran ndu̱ daasaran ndu̱ njif nu̱ du̱nki ɗya Magham ndu̱ ɗyinan.

Yibraniyeku 13:14

Ku̱me ghai a nje larji nang nu̱ke za ɓu̱ shi woɗa ɓa ɓa, yang ɓaarem chem sakya yiterem ye ghai nu̱ke a ɓari.

Yibraniyeku 6:20

Yesu nu̱ kayaki rem viri nu̱ ve maa nang, vi ku̱me chem, tu̱ kha ma gorkir ɓu̱ kuruku nu̱ke lauɗa si su̱ ɓa, mbu̱ dulbu ɓu̱ Melkizedek.

Yibraniyeku 9:8

Nang Jiimbi shakhshakhndi a wutan za njiv viri nu̱ mbu̱ Maa Nu̱ Dukki ndu̱ shakhshakhi nu̱ zhirekandi nu̱ vi ye dalang dong ɓa ma nu̱ke maa ghaari ghai nu̱ gumapaalyang a nje chingndan.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 21:2

Tang na Ghai Shakhshakhndi nang tu̱k, chin ke, Urshalima mewakandi, a zhurti mbu̱ viɗi she Magham. Wa daasa nda nu̱ gha wa wonkhar nu̱ke a ma ɓu̱rti mewa nu̱ shiki viri ku̱me zhimen.

Ɗyin mbu̱ tukari 3:12

Aaki raki wute ngga gaɓ ndu̱ chin ma zaure mbu̱ rafti ɓu̱ Zhinkir ɓanga. Njif nang ɓu̱ njig ye maaran sar da ɓa. Nga bu̱la dlu̱m Maghamndi ɓanga kom ndu̱ dlu̱m ghai ɓu̱ Maghamndi ɓanga mewar Urshalima, nu̱ke ka ɗa shurki mbu̱ viɗi she Maghamndi ɓanga. Nga bu̱la mewar dlu̱ma nu̱ ɗyine nda tu̱k.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.