Yokhana 14:12 - Mewar Alqawarang

¹² Zhire nga zu̱ran ye nu, kap njif nu̱ maitaki nga, ka shi tlu̱nar nang shiki. Ka shi tlu̱nar nu̱ dukki nu̱kunang, ku̱me nga yir she Zhinkirang.

Yokhana 14:12 Iomraidhean Croise

Matta 21:21

Tu̱ Yesu tlogha ye wor za, “Zhire nga zu̱ran ye nu, mbu̱ maito kha nu, yang nu̱ memu̱nanu zhang ye nu ɓa, tun ka ɗu̱ma shi ɗyi dukki ɗyi nang shiki ye qu̱far sugar nang. Aa tun ka zu̱kya ye dleng nang nun za, ‘Ju to nggu̱ɗ nu̱ mbu̱ ɗyim chitndi,’ ka shi.

Markus 11:13

Nu̱ naki qu̱far Sugar nggur ɓakh na zhaki dlu̱mndi mbarkandi. Tu̱ ɗu̱ she qu̱farang za bai chin ka gwa wa kha woi, yang nu̱ khu̱lki ta gwa qu̱farang nu̱ kha woi ɓa ku̱me sarchi khar woi ɓu̱ suga nu̱ shi dong ɓa.

Markus 16:17

Yang ɗye saiduku nang ka mbu nduki nu̱ maitaki nga. Ka fet khu̱kheeti malkandi ku ɓar mbu̱ dlu̱ma. Ka ɗu̱ma ɓalarku ndu̱ mewar me ghaiku zum zum.

Yokhana 14:28

“Tun wa tu̱k nga ze nu za nga ma yir vara, yang ngga ɗa gaɓ nu̱ she nu tu̱k. Mbu̱ tun a ndola nga tu̱ga tun wa shi kashar ku̱me nga yir she Zhinkirang, ku̱me Zhinkirang wa dukti nga.

Yokhana 16:7

Yang nga zu̱ kya zhire ye nu, yir ɓang wa duk ndu̱ boote ye nu, ku̱me mbu̱ nang ɗu̱ ɓa, Nu̱ shaatarang ɓu̱ ɗa ɓa ɓa. Yang mbu̱ nga ɗi ngga ɗa ru̱kti nda ye nu.

Yokhana 4:37

Nang nggar mbu̱ ɓalar nun zu̱ki nun za, ‘Njif nggur kaɓki tu̱ njif nggur ku̱mang wa kha zhire.’

Yokhana 5:20

Jiwa Zhinkirang a shim Yi ɓaran, wa ka wut ɗyi nu̱ke chin a shiran kap ye Woyang, ka wut ɗyi gwaanjiku nu̱ dukki nang yenda, ma ku̱ shi nu lazham.

Yokhana 7:33

Tu̱ Yesu tlogha za, “Sarchi khar ɓang ndu̱ tun wa njig ba koɗomma. Kom ngga gaɓ nu̱ she njif nu̱ ɗa ru̱kki nga.

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Tlu̱nar ɓu̱ Pudeku 10:46

Nu̱ke wa tu̱k wor a ɓalar nu̱ me ghiindi nggur ku zum, a gor dlu̱m Magham ku. Kom tu̱ Biturus zu̱ za,

Tlu̱nar ɓu̱ Pudeku 16:18

Tu̱ka shi ye wor wanang me qaandiku khang. Tu̱ memu̱na Bulus su̱bu̱ri tu̱ ze khu̱kheetang za, “Nga zu̱ran yoro mbu̱ dlu̱m Yesu Masiya a vi ɓar mbe nda.” Fan ndu̱ fan tu̱ ɗa vi ɓar mbe nda.

Tlu̱nar ɓu̱ Pudeku 19:12

Nu̱ke aa kelɓeng kapar me kharan ndu̱ lukti nu̱ su̱ɓaki varan, mbu̱ wa ɗu̱ si ye nduki nu̱ke khaatan, tu̱ka shaana wora. Mbu̱ ɗya nu̱ khu̱kheeti malkandi, khu̱kheetang tu̱ka vi ɓara.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 2:41

Tu̱ Biturus shi baptisme ye nduki nu̱ dlu̱ki ɓalarang, tu̱ gwa shaatar nduki nu̱ khu̱lki du̱pu kunung ye fu̱ɗaranang.

Tlu̱nar ɓu̱ Pudeku 4:16

A zu̱ran ku za, “Chem ka shikya nu̱m ndu̱ ndukiku nang na? Ku̱me nduki nu̱ Urshalima kap wa zu̱n za nduki nang wa shi ɗye lazham maɗyikandi, yang chem ɓu̱ ɗu̱ma keelaran ɓa.

Tlu̱nar ɓu̱ Pudeku 4:33

Tu̱ Pudekwang saida jiiri ɓu̱ Yesu mbe mu̱ti ndu̱ zalale gwaanji. Mu̱nkir gwaanji ɓu̱ Magham a nje ɗyine wor kap,

Tlu̱nar ɓu̱ Pudeku 4:4

Yang tu̱ khang chele nduki nu̱ tu̱kki ɓalarang maita ku. Tu̱ khang ɓu̱ nu̱ mbu Yesu kwang khu̱l khuzuku du̱pu qurmun.

Tlu̱nar ɓu̱ Pudeku 5:15

Ku̱me nang, tu̱ ndukiku a vi ndu̱ nduki nu̱ke var wor mu̱n ɓa qaandan ɗyine gaanggirku ndu̱ ku̱rbukku me njivku ma ku̱ jiimbi Biturus mbu ɗyin ɓeenan ku mbu̱ a peetari ɗyin njivang.

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Tlu̱nar ɓu̱ Pudeku 8:7

Tu̱ khu̱kheeti malkandiku a vi ɓar mbe nduki khang a zhaano ku. Tu̱ shaana zurɗarku ndu̱ zu̱ɓtiku khang.

Tlu̱nar ɓu̱ Pudeku 9:34

Tu̱ Biturus ze nda za, “Iniyas, Yesu Masiya wa shaana nu̱gha. Ju to ɗyikhla ku̱rbuk ɓaaro.” Fan ndu̱ fan tu̱ Iniyas ji nu̱ viɗi.

Tlu̱nar ɓu̱ Pudeku 9:40

Tu̱ Biturus komba aaki nu̱ dam, tu̱ kurum gha tu̱ shi barari. Nu̱ mbu̱mki nu̱ she mu̱tang tu̱ zu̱ za, “Tabita, ju.” Tu̱ mu̱tang qu̱n yitan nu̱gha. Nu̱ naki Biturus, tu̱ ji tu̱ kha gha.

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.