Yokhana 14:10 - Mewar Alqawarang

¹⁰ No maita za nga da ndu̱ Zhinkirang, yang Zhinkirang a mbya de? Ai ɓalar nu̱ke nga shiran ye nwang, nga shiran ndu̱ zalale ɓang ɓa, Zhinkir nu̱ke a mbyang kya tlu̱nar ɓaran.

Yokhana 14:10 Iomraidhean Croise

Yokhana 10:30

Nga ndu̱ Zhinkirang chem da.”

Yokhana 10:38

Yang mbu̱ nga shikya tlu̱nar nu̱ kya shiran, aa nun maita nga ɓa, maita ma tlu̱narkwang, ku̱me zu̱n nu, tun da mban tu̱k za, Zhinkirang a nje mbya, yang nga mbe nda tu̱k.”

Yokhana 11:26

Njif nu̱ke a nje nu̱ nyifi, tu̱ yang ki maita nga, ɓu̱ mu̱t sar da ɓa. Ta maita nang mu?”

Yokhana 12:49

Ɗyi nu̱ke nga shogaran ɓara ɗya ɓang ɓa, Zhinkir ɓang nu̱ ɗa ru̱kki nga zu̱ki ɗyi nu̱ke ngga zu̱ki ndu̱ ɓalar nu̱ke ngga shiki.

Yokhana 14:11

Maita ma nga nang zu̱ki ye nu nga za nga mbe Zhinkirang, Zhinkirang a nje mbya, mbu̱ wanang ɓa tun maita nga ku̱me tlu̱narku nang shikyang.

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 14:24

Njif nu̱ke a ndola nga ɓa, ɓu̱ khutlo ɓalar ɓang ɓa. Ɓalar nu̱ke tun a tu̱ktan nang ɗya ɓang ɓa ɗya ɓu̱ Zhinkir nu̱ ɗa ru̱kki nga.”

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

Yokhana 3:2

Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”

Yokhana 5:17

Tu̱ yang Yesu ze wor za, “Zhinkir ɓang nu̱ njig shir tlu̱nar ɓa, yang ngam njig zum ɓa.”

Yokhana 5:19

Tu̱ Yesu tlogha ye wor za, “Zhire nga zu̱ran ye nu, Woyang nu̱ka shi aa nyi tun me ɗyinan ɓa, kope ɗyi nu̱ naki Zhin a shiran. Ku̱me nang, ɗyi nu̱ke Zhin a shiran, nang ke ɗyi nu̱ke Woyang a shiran.

Yokhana 7:16

Tu̱ Yesu tlogha ye wor za, “Ɗyi nu̱ke nga shogaran ɓarang, ɗya ɓang ɓa, ɗya ɓu̱ njif nu̱ ɗa ru̱kki ngang.

Yokhana 8:28

Nang ke ɗyi nu̱ saki tu̱ Yesu ze wor za, “Sarchi nun daki Yi ɓu̱ Nduk nu̱ viɗi, ye sarchi nang tun ka zu̱nki za nga ke chin. Tun ka zu̱n za nang ka shi aa nu̱m ndu̱ zalale ɓang ɓa, yang nga zu̱kya ɗyi nu̱ke Zhinkirang shogaki ya ɗyenda.

Yokhana 8:38

Nga zu̱kya ɗyi nang naki she Aba ɓanga, yang tun a shi kya ɗyi nun tu̱kki she zhinonu.”

Yokhana 8:40

Nga nu̱ zu̱r zhire ɓu̱ ɗyi nang tu̱kki she Magham, yang tun a laɓ njiv tlagha nga. Ai, Yibram nu̱ka shi tun wanang ɓa.

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

2 Korintiyeku 5:19

Nu̱ ɗyine Magham a somta chele ɓaarem ndu̱ nduki nu̱ mbu̱ larji nang nu̱ ku̱nshe Masiya. Nu̱ka shiga su̱ solar ɓaanda wa ɗya kudum nu̱ke a ɗyine wor ɓa. Magham wa vu̱r ɓalar somtar yerem.

Kolosiyeku 1:19

Jiwa Magham shimki, ma ku̱ woyang da me Maghamndi ɓu̱ Maghamang ye varan.

Kolosiyeku 2:9

Ku̱me kap me Maghamndi ɓu̱ Magham a nje kharan mbe Masiya sarchi nu̱ gaɓki ma nduku.

1 Yokhana 5:7

Ɗyiku kunung a nje nu̱ke a saidaran za Yesu ɗya Yi ɓu̱ Magham.