Yokhana 13:5 - Mewar Alqawarang

⁵ Tu̱ zu̱ ɗyim nu̱ mbu̱ du̱ɓi, tu̱ nggaasi shiɓ saari nu̱ mburi nda kwang, a pasha saari wor ndu̱ tawul nu̱ gu̱nki nu̱ ve wudlanang.

Yokhana 13:5 Iomraidhean Croise

Luka 7:38

Tu̱ ching gha gaanje nda a ghoori. Nu̱ ɗyim ghoorang nggaki su̱ jiti nu̱ ɗyin saari Yesu, tu̱ nokhzang ki pasha ɗyim ghoorang ɓar ndu̱ ghosi ɗyinan. A sa men nu̱ ve saaranang, a pu mor zhiiran mu̱nkandang nu̱ si.

Luka 7:44

Tu̱ Yesu dambu̱r nu̱ she nokhzang dong, kom tu̱ ze Siman za, “Ta na nokhzi nang? Ngaa ɓa kya kaa ɓaaro, yang no vu̱r ɗyim shiɓti saari ya ɓa, wonji nokhzi nang wa shiɓ saara nu̱gha ndu̱ ɗyim ghoori ɓaran tu̱ pasha nu̱ gha ndu̱ ghosi ɗyinan.

Yokhana 13:10

Tu̱ Yesu zu̱ za, “Qu̱rse nduk wa shi wurti, varan wa kha Shakhshakh. Ɓu̱ gang wur tu̱k ɓa kope ku̱ shiɓ kya saaran nu̱gha ɗyenda. Ku̱me tun Shakhshakh, yang kap ɓaanu ɓa.”

Yokhana 13:6

Nu̱ Yesu khu̱lki ɗyine Biturus, tu̱ yang Siman Biturus zham nda za, “Zhinerem gwaanji, to kya ma shiɓ saara ya nu̱gha mu?”

Yokhana 13:8

Tu̱ Biturus ze nda za, “Tom ɓu̱ shiɓ saara ya nu̱gha shwat ɓa.” Tu̱ Yesu tlogha yenda za, “Yang mbu̱ nang shiɓ yor nu̱gha ɓa, tun a nje ka tabaki nga ndu̱ to ɓa.”

Yokhana 19:34

Tu̱ da chele sojekwang zhokh ku̱bdi Yesu ndu̱ kaazi, tu̱ tom ndu̱ ɗyim a mbu̱ɗi fan ndu̱ fan.

Tlu̱nar ɓu̱ Pudeku 22:16

Yang ta bu kya nu̱ma? Ju tu̱ shi baptisme yoro tu̱ shiɓ solar ɓa yor nu̱ gha nu̱ ku̱nshe qar dlu̱m Zhinerem gwaanji.’

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

Afiseku 5:26

Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 5:6

Nang ke njif na ɓa ki nu̱ ku̱nshe ɗyim ndu̱ tom chin ke Yesu Masiya. Nu̱ ɗa ɓa nu̱ ku̱nshe ɗyim ɗyenda ɓa, a ɓa nu̱ ku̱nshe ɗyim ndu̱ tom tu̱k. Yang ɗya Jiimbyang saidaki ku̱me Jiimbyang ke zhire.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.