Yokhana 13:31 - Mewar Alqawarang

³¹ Gaanje Yakhuda wa vi varan, tu̱ Yesu zu̱ za tu̱k ma, “Nang ke sarchi nu̱ vu̱rki zhaaji ye Yi ɓu̱ nduku, tu̱ vu̱r zhaaji ye Magham nu̱ ku̱nshe nda.”

Yokhana 13:31 Iomraidhean Croise

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Luka 12:50

Baptisme a nje nu̱ke nga buran, yang nga damtaran ɗyinan kope wa woɗa.

Yokhana 11:4

Nu̱ Yesu tu̱kki wanang tu̱ zu̱ za, khaati nang ɓu̱ tlagha nda ɓa, yang Magham ndu̱ Yi ɓaran ka gwa zhaaji mban.

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 12:28

Zhinki, vu̱r zhaaji ye dlu̱moro.” Tu̱ su̱qur ɓalar a vi viɗi za, “Ai, nga woɗa vu̱r zhaaji nu̱ si, yang ngga shaata vu̱r zhaaji nu̱ si tu̱k.”

Yokhana 14:13

Ɗyi nun khuɗki kap mbu̱ dlu̱ma ngga shi, ku̱me ku̱ Zhinkirang gwa zhaaji nu̱ ku̱nshe Woyang.

Yokhana 16:14

Ka vu̱r zhaaji ya, ku̱me ka dakya ɗyi nang zu̱ki tu̱ ze nu.

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Tlu̱nar ɓu̱ Pudeku 2:36

“Ku̱me nang, bu ku̱ Israila kap zu̱n nu̱ ɗyine chin Yesu nun katlki nda gha nang, Magham wa gaɓ ndu̱ chin ma Zhinkir gwaanji ndu̱ Masiya shwat.”

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

Afiseku 1:12

Daaterem chem nyem nggaki su̱ sa memu̱narem ye Masiyang ma ku̱ shi mi khar khamndi zhaaji ɓu̱ Magham.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 3:10

Ɗya shimndi ɓaran leendang, ku̱ tabar ɓu̱ nu̱ mbu Yesu wut kaɗari ɓu̱ Magham zum zum ye nu̱ kwaaɗarku ndu̱ nu̱ zalaleku nu̱ke a mu̱na viɗi.

Filipiyeku 2:11

Aa nyi ghin ka saida za Yesu Masiya ɗya Zhinerem gwaanji, ma vu̱r zhaaji ye Magham Zhinki.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.