Yokhana 13:23 - Mewar Alqawarang

²³ Yang da chele ɓu̱ nu̱ mburindakwang, nu̱ke Yesu a ndola nda a nje kharan bing ndu̱ Yesu.

Yokhana 13:23 Iomraidhean Croise

Luka 16:22

“Sarchi mu̱ti ɓu̱ nu̱ khuti nang, tu̱ nu̱ ru̱ktiku ɓu̱ Magham da nda tu̱ ɗu̱ ndu̱ chin she Yibram (ye maa khar mu̱nkandi.) Gana fan, tu̱ nu̱ gu̱narang mu̱ɗ tu̱k, tu̱ pa nda gha.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 11:3

Tu̱ yang nusuku nu̱ke a khachinkir ku nang ru̱k ye Yesu za, “Zhinerem gwaanji, njif nu̱ke ta ndola nda nang varan mu̱n ɓa.”

Yokhana 11:36

Nar nang, tu̱ Yakhudekwang zu̱ za, “Na ma pooni ndolar nu̱ke a shiran yenda ka!”

Yokhana 11:5

Ji Yesu a ndola Maryam ndu̱ khachin Marta ndu̱ Liazaru.

Yokhana 13:24

Tu̱ Siman Biturus buu yenda ndu̱ kharan za ku̱ zham Yesu ku̱ zu̱ njif nu̱ke chin a ɓalarang ɗyine nda ye wora.

Yokhana 13:25

Tu̱ chin khakandi bing ndu̱ Yeswang zham nda za, “Zhinerem gwaanji ɗya kiya?”

Yokhana 19:26

Nu̱ Yesu naki man ndu̱ nu̱ mburi nda nu̱ke a ndola ndang chingndan bing tu̱ ze man za, “Nana, njif nang wa kha ma woi ɓaaro.”

Yokhana 20:2

Tu̱ qu̱n ɗa tu̱ ɗu̱ she Siman Biturus ndu̱ nu̱ mburi nu̱ke Yesu a ndola ndang tu̱ ze wor za, “Wa da Zhinerem gwaanji ɓar ku mbu̱ ku̱jipang, yang nyem zu̱n ye maa nu̱ du̱ngki nda nu̱ si ɓa.”

Yokhana 21:20

Nu̱ Biturus mbu̱mki tu̱ nggu̱t maa gana, tu̱ na nu̱ mburi nu̱ke Yesu a ndola ndang a mbu wora. Nang ke nu̱ mburi nu̱ khaki nu̱ bing ndu̱ Yesu sarchi nu̱ke a zu̱m ɗye zu̱mndi tabar peetar ɗyinang. Chin zhamki Yesu za, “Zhinerem gwaanji, ki kya ma vu̱rtor ɓara?”

Yokhana 21:24

Nang ke nu̱ mbu Yesu nu̱ke a saida ɗyiku nang, wa bu̱lan gha. Chem wa zu̱n saidu ɓaran ɗya zhire.

Yokhana 21:7

Tu̱ nu̱ mburi nu̱ke Yesu a ndola ndang ze Biturus za, “Njif nang ɗya Zhinerem gwaanji!” Ba nu̱ Siman Biturus tu̱kki za ɗya Zhinerem gwaanji, tu̱ da lukti ɓaran tu̱ sa ku̱me varan nggaran. Tu̱ ku̱m ji tu̱ nggu̱ɗ nu̱ mbu̱ ɗyimang.