Yokhana 13:18 - Mewar Alqawarang

¹⁸ “Nga ɓalarang ndu̱ tun kap ɓa. Nga zu̱n nduki nang datki. Yang wa ku̱s ku̱ nyel nga ɗyi nu̱ bu̱laki nu̱ gha mbu̱ ɓalar ɓu̱ Magham za, ‘Njif nu̱ kya zu̱m ɗye zu̱mndi ndu̱ nga mbu̱ du̱ɓ da, wa nggu̱ɗ nu̱ vya!’

Yokhana 13:18 Iomraidhean Croise

Matta 10:36

Nduki nu̱ mbu̱ rafti ɓu̱ nduk ka khaki ma nu̱ zhangndiku ɓaran.’

Matta 26:21

A mbu̱ zu̱m ɗye zu̱mnda ku tu̱ Yesu ze wor za, “Zhire nga zu̱ran ye nu, da chele ɓaanu ka vu̱rti nga ɓara.”

Matta 26:23

Tu̱ tlogha za, “Njif nu̱ saki kharan nu̱ mbu̱ du̱ɓ da ndu̱ nga nang kya ma vu̱rti nga ɓara.

Markus 14:17

Nu̱ mugdi shiki, tu̱ Yesu ndu̱ gwaanggu̱m rapndang a ɓa ku mbu̱ raftang.

Markus 14:18

A mbu̱ zu̱mndi ɗye zu̱mnda ku tu̱ Yesu zu̱ za, “Zhire nga zu̱ran ye nu, nduk da chele ɓaanu nu̱ke chem a zu̱m ɗye zu̱mndi nang su̱yen ndu̱ chin a ma masa nga ɓara.”

Markus 14:20

Tu̱ tlogha ye wor za, ɗya ba da chele ɓaanu, tun gwaanggu̱m rapndi nu̱ke tun a sa kha nu su̱yen ndu̱ nga mbu̱ du̱ɓ nang.

Luka 22:21

Yang wonji njif nu̱ke a ma masa nga ɓara a zu̱m ɗye zu̱mndi ndu̱ nga!

Yokhana 13:21

Gaanje Yesu wa shi ɓalar nang, tu̱ ɗyen damta nda maɗyi mbu̱ memu̱naran, tu̱ zu̱ ye dalang za, “Zhire, nga zu̱ran ye nu, nduk da chele ɓaanu a ma vu̱rti nga ɓara.”

Yokhana 13:22

Tu̱ nu̱ mburindakwang nggu̱t yen, ku̱me nu̱ zu̱n njif nu̱ke a ɓalarang ndu̱ chin chele ɓaanda ɓa.

Yokhana 13:26

Tu̱ Yesu tlogha za, “Ngga sa njilakhti ɓurti tolirang nu̱ mbu̱ kotumndi. Njif nang vu̱rki yenda, ɗya chin.” Nu̱ Yesu daki njilakhti ɓurti tolirang tu̱ san mban, tu̱ vu̱r ye Yakhuda yi ɓu̱ Siman Iskariyoti.

Yokhana 15:16

Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 15:19

Mbu̱ tun ɓu̱ larji tu̱ga larji wa shim ɗyi ɓaran, yang ku̱me tun ɓu̱ larji ɓa. Nga daato nu mbu̱ larji, nang ke ɗyi nu̱ saki tu̱ larji ki zhangndo nu.

Yokhana 15:25

Ɗyina shi ma ku̱ nyel ɗyi nu̱ke a nje bu̱laran mbu̱ Woparku ɓaanda za, “Wa zhangndi nga gha ku su̱ si ɓa.”

Yokhana 17:12

Sarchi nu̱ke nga su̱yen ndu̱ wora, nga bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya. Nga bu ɗyin wora, yang nduk a nje nu̱ saghaki ɓa kope nduk da chele ɓaanda nu̱ke ɗya ye su̱bu̱ri. Sagha ma ku̱ bu̱lar ɓalar ɓu̱ Maghamang nyedli.

Yokhana 18:32

Yang ɗyinang shi ma ku̱ nyel ɓalar nu̱ Yesu zu̱ki ɗyine pooni mu̱ti nu̱ke chin a ma shiran.

Yokhana 19:24

“Tu̱ ze yen ku za, ɓyakh mi lukti nang nu̱gha ɓa, ngga mi daati nu̱ ɗyinan chem na njif nu̱ke ka zu̱mki tu̱ kha ma ɓaran.” Ɗyinang shi wanang ma nyel ɗyi nu̱ lagarkati ɓu̱ Magham zu̱ki za, “Wa shakh ɗye sar ɓang ku nu̱ chele ɓaanda. Tu̱ ngga daatiku nu̱ ɗyine lukti ɓanga.” Nang ke ɗyi nu̱ sojekwang shiki.

Yokhana 19:36

Ɗyinang shi ma nyel ɗyi nu̱ bu̱laki nu̱ mbu̱ lagarkati ɓu̱ Magham za, “Ɓu̱ zha aa qu̱tli ɓaran da nu̱gha ɓa.”

Yokhana 21:17

Tu̱ Yesu gaɓ tu̱k tu̱ zham nda nu̱ kunungan za, “Siman yi ɓu̱ Yokhana, ta ndola nga mu?” Tu̱ Biturus su̱bu̱r mban nu̱gha ku̱me ye zhamndi nu̱ kunungang Yesu wa zu̱ za, “Ta ndola nga mu?” Tu̱ gaɓ tu̱ tlogha za, “Zhinerem gwaanji ta zu̱n aa nu̱m kap, yang ta zu̱n tu̱k za nga ndola ro.” Tu̱ Yesu ze nda za, “Zu̱m ndu̱ ndu̱ɓangku ɓanga.

Yokhana 6:70

Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Tlu̱nar ɓu̱ Pudeku 1:16

Tu̱ zu̱ za, “Nyeezaku, wa ku̱s ku̱ ɓalar nu̱ Magham nu̱ Jiimbi ɓu̱ Magham zu̱ki nu̱ ku̱nshe Dauda ɗyine Yakhuda njif nu̱ shiki dle gume ye nduki nu̱ ku̱ski Yesu nyedli.

Tlu̱nar ɓu̱ Pudeku 1:2

ma khu̱dli ye fu̱ɗar nu̱ daki nda ma yir mbu̱ viɗi. Me ku̱ da nda ma yir viɗi wa shi ɓalar nu̱ ku̱nshe Jiimbi shakhshakhndi ye pudeku nyin datki.

2 Korintiyeku 4:5

Chem a shikya waazu ɓu̱ ɗyinerem ɓa, chem a shikya waazu ɓu̱ Yesu Masiya, nu̱ ɗyine chin ke Zhinkir gwaanji, chem a khar wa maaviku ɓaanu ku̱me Yesu.

Yibraniyeku 4:13

Tun a nje mbu̱ du̱ngdiku ɓu̱ Magham nu̱ke tukaran she nda ɓa. Aa nu̱m ndu̱ aa nu̱m qu̱ndan, a ye dalangi, a naran. Chem ka shiga su̱ ɗyi nyem shiki mbu̱ khar viti ɓaarem yenda.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.