Yokhana 13:13 - Mewar Alqawarang

¹³ Tun a qa nga Maalu̱m, ndu̱ Zhinonu gwaanji. Na torop, ku̱me nga wanang.

Yokhana 13:13 Iomraidhean Croise

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Luka 10:28

Tu̱ Yesu ze nda za, “Ta tlogha torop. Shi wanang ɗo to ka gwa nyifirang.”

Luka 6:46

“Tun a qa nga Zhinerem gwaanji, Zhinerem gwaanja ma nu̱ma, nu̱ke nun khutlo ɓalar ɓang ɓa?

Luka 7:43

Tu̱ Siman tlogha za, “Ye nar ɓanga, njif nu̱ ndu̱mki mu̱zhindi khang nda yenda.” Tu̱ Yesu ze nda za, “Wanang ni, ta tlogha torop.”

Yokhana 11:2

Yang Liazaru nu̱ke varan mu̱n ɓa ndang ɗya khachin Maryam. Nang ke Maryam nu̱ puki mor nu̱ke zhiran mu̱nkandi ye Zhinerem gwaanji tu̱ pasha saaran ndu̱ ghosi ɗyinanang.

Yokhana 11:28

Nu̱ zu̱ki wanang, tu̱ Marta ɗu̱ tu̱ ɗa qa khachin Maryam nu̱ konggol tu̱ ze nda za, “Maalu̱m a ɓa yang a qa ro.”

Yokhana 11:3

Tu̱ yang nusuku nu̱ke a khachinkir ku nang ru̱k ye Yesu za, “Zhinerem gwaanji, njif nu̱ke ta ndola nda nang varan mu̱n ɓa.”

1 Korintiyeku 12:3

Ku̱me nang nga shim zu̱n nu nu̱ ɗyine, nduk a nje nu̱ke Jiimbi shakhshakhndi a mbu ndu̱ chin nu̱ke ka zu̱ki za, “Wa mi pontori ɓu̱ Yesu! Ɓa.” Yang nduk a nje tu̱k nu̱ke ka zu̱ki za, “Yesu ɗya Zhinerem gwaanji” ɓa, kope Jiimbi shakhshakhndi a mbu ndu̱ chin.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

Afiseku 6:9

Tun zhinkirku nu̱ rafa, shi ma ye maaviku ɓaanu ba wanang tu̱k. Tun njig vu̱r sawar ye wora. Zu̱n man gha nu̱ ɗyine tun ndu̱ wor kap Zhinkir gwaanji ɓaanu a nje mbu̱ viɗi, yang nu̱ka shim njif nggur tu̱ duk njif nggur ɓa.

Filipiyeku 2:11

Aa nyi ghin ka saida za Yesu Masiya ɗya Zhinerem gwaanji, ma vu̱r zhaaji ye Magham Zhinki.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

Yaqub 2:19

Ta maita no za Magham kaada. Nang mbari! Yang aa khu̱kheetiku wa maita nang, ndu̱ dlu̱rti vari.