Yokhana 13:10 - Mewar Alqawarang

¹⁰ Tu̱ Yesu zu̱ za, “Qu̱rse nduk wa shi wurti, varan wa kha Shakhshakh. Ɓu̱ gang wur tu̱k ɓa kope ku̱ shiɓ kya saaran nu̱gha ɗyenda. Ku̱me tun Shakhshakh, yang kap ɓaanu ɓa.”

Yokhana 13:10 Iomraidhean Croise

Matta 6:12

To yaapa solar ɓaarem yerem, wa nu̱ke chem a yaaparan ye nduki nu̱ shiki solar yerem.

Yokhana 13:18

“Nga ɓalarang ndu̱ tun kap ɓa. Nga zu̱n nduki nang datki. Yang wa ku̱s ku̱ nyel nga ɗyi nu̱ bu̱laki nu̱ gha mbu̱ ɓalar ɓu̱ Magham za, ‘Njif nu̱ kya zu̱m ɗye zu̱mndi ndu̱ nga mbu̱ du̱ɓ da, wa nggu̱ɗ nu̱ vya!’

Yokhana 13:9

Tu̱ Siman Biturus ze nda za, “Zhinerem gwaanji, shiɓ na saara ya nu̱gha ɗyenda ɓa, shiɓ khara ndu̱ ɗyina nu̱gha kap tu̱k.”

Yokhana 15:3

Aa leendang tun shakhshakh ku̱me ɓalar nang zu̱ki ye nu.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

Yibraniyeku 9:10

Yang ɗyiku nang ɗya ɓalar zu̱mndi ndu̱ zari, ndu̱ shibtiku zum zum. Ɗyiku nang ɗya bibitiku ɓu̱ nduku nu̱ shiki me ku̱ sarchi ɓu̱ mewar ɗyiku a ɓa.

Yaqub 3:2

Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.