Yokhana 13:1 - Mewar Alqawarang

¹ A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 13:1 Iomraidhean Croise

Matta 26:45

Ta gaɓ tu̱k, nu̱ she nu̱ mburi nda kwang tu̱ ze wor za, “Ma ɓar leendang tun a shikya ba ɗyeni tun a maasi ɓaanu? Na ma, sarchi wa shi bing nu̱ke a ma vu̱r Yi ɓu̱ Nduk ɓar nu̱ mbu̱ khar nu̱ solarku.

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Luka 22:53

Yang nga su̱yen ndu̱ tun aakochi mbu̱ rafti ɓu̱ Magham nun ku̱si nga ɓa. Yang ba, nang ke sarchi ɓaanu, sarchi zalale ɓu̱ nu̱ kwaaɗarku nu̱ke a mbu̱ zhumi.”

Luka 9:51

Nu̱ sarchi gaɓti ɓu̱ Yesu nu̱ viɗi shiki bing, tu̱ du̱ng ɗyinan ma yir Urshalima.

Yokhana 11:55

Nu̱ tabar Peetar ɗyin ɓu̱ Yakhudekwang shiki bing, tu̱ nduki khang na viki mbu̱ gure ɗu̱ ku Urshalima ma shiɓti khar shakhshakh me ku̱ tabarang shi.

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 13:29

Yang ma nu̱ke Yakhuda ke nu̱ du̱ngndi mu̱zhindi ɓaanda, tu̱ ɓeeni nu̱ mburindakwang taman za bai Yesu ze nda ma ku̱ ɗa masa ɗyi nu̱ke ka shiki boote su̱ ku fu̱ɗar tabarang. Kom ndu̱ bai a zu̱ran yenda za ku̱ vu̱r ɗyi nggur ye nu̱ nungndi ku.

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 13:34

“Nga zu̱kya mewar Wopar ye nu, ba wa nang ndolaki nu, tun ndola yen tu̱k wanang.

Yokhana 14:28

“Tun wa tu̱k nga ze nu za nga ma yir vara, yang ngga ɗa gaɓ nu̱ she nu tu̱k. Mbu̱ tun a ndola nga tu̱ga tun wa shi kashar ku̱me nga yir she Zhinkirang, ku̱me Zhinkirang wa dukti nga.

Yokhana 14:31

Nga shi torop ɗyi nu̱ Zhinkirang zu̱ki ya, ma ku̱ larji zu̱n za nga ndola Zhinkirang.” “Ji ma chem njig maa nang.”

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 17:1

Gaanje Yesu wa zu̱ ɓalarku nang, tu̱ da yitan tu̱ nggu̱t maa viɗi, tu̱ shi barar za, “Aba, sarchi wa shi. Vu̱r zhaaji ye Yi ɓaaro ku̱me chin ma ku̱ vu̱r zhaaji yor tu̱k.

Yokhana 17:16

Ɗya ɓu̱ larji ku ɓa, ba wa nu̱ke nga ɓu̱ larji ɓa.

Yokhana 17:26

Nga wutor ye wora, yang ngga zu̱m guma ndu̱ shiran, ma ku̱ ndolar no shiki yang khan mbe wora, tang khan mbe wor tu̱k.”

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Yokhana 18:4

Yang nu̱ke Yesu wa zu̱n ɗyi nu̱ke a ma shiran ku kap, tu̱ ɗa vi tu̱ zham wor za, “Tuna laɓkya kiya?”

Yokhana 19:28

Yesu wa zu̱n za sarchi nang chin wa woɗa aa nu̱m, yang ku̱me ku̱ aa nu̱m kha nyeedlan wa nu̱ lagarkati ɓu̱ Magham zu̱ki, tu̱ zu̱ za, “Nga tu̱k khuzhumndi.”

Yokhana 2:13

Nu̱ sarchi tabar peetar ɗyin ɓu̱ Yakhudekwang shiki bing, tu̱ Yesu ɗu̱ Urshalima.

Yokhana 6:4

Nang ɗo, nu̱ke sarchi Tabar peetar ɗyin ɓu̱ Yakhudekwang shiki bing.

Yokhana 7:30

Nu̱ Yesu zu̱ki ɓalar nang, tu̱ nduki shim ku̱si nda. Yang nduk nu̱ su̱ɓa nda ɓa, ku̱me sarchi ɓaran nu̱ shi dong ɓa.

Yokhana 7:6

Tu̱ Yesu ze wor za, “Sarchi ɓang nu̱ shi dong ɓa, aa nu̱ke she nu aa nyi sarchi torop.

Yokhana 8:20

Yesu shi ɓalar nang sarchi nu̱ke a shogar mbu̱ Rafti ɓu̱ Magham bing ndu̱ maa du̱ngdi mu̱zhindi vu̱rtang. Yang kap ndu̱ nang nduk a nje nu̱ ku̱ski nda ɓa, ku̱me sarchi ɓaran nu̱ shi dong ɓa.

Romeku 8:37

Yang mbu̱ ɗyiku nang kap, chem wa duk du̱mbu̱r ku̱ nduk qa rem za chem rakya wuta ɗyenda, ɗyiku nang yang shi nu̱ ku̱nshe chin nu̱ ndolaremang.

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 6:11

Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Yokhana 4:19

Chem a wut ndola ku̱me Magham nggaki su̱ wut ndola yerem.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.