Yokhana 12:43 - Mewar Alqawarang

⁴³ Ku̱me a shim makhtar ɓu̱ nduki tu̱ duk ɓu̱ Magham.

Yokhana 12:43 Iomraidhean Croise

Matta 6:2

“Ku̱me nang, mbu̱ tun a ma vu̱r tunu ye nu̱ song, ki nu khang ɓala ɗyinan ɓa, ba wa nu̱ke nu̱ mu̱narkwang ka shiki mbu̱ maa tabar ɓaanda, ndu̱ yiti njiv ku ma ku̱ nduki makhta wora. Zhire nga zu̱ran ye nu wa woɗa dlu̱ ɗye ɓi ɓaanda.

Luka 16:15

Tu̱ yang Yesu ze wor za, “Tun kya shim wutan ye nduki za tun nu̱ jeembu, yang Magham wa zu̱n memu̱na nu. Ɗyi nu̱ke nduki a shimndan maɗyi ɗya ɗye zhaana she Magham.

Luka 19:17

“Tu̱ nu̱ rafti ɓaranang ze nda za, ‘Wa shi mbari, maavi mbarkandi! Nu̱ke ta shi zhire ɗyine ɗyi koɗommandi nang, ngga vu̱r kwaaɗar yoro. To ka khaki ma kuji ɗyine ghaiku gwang mbu̱ wuzu̱ndi ɓanga.’

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 5:41

Nang damta ndu̱ makhtar ɓu̱ nduk ɓa.

Yokhana 5:44

Yang ɗa, tun ka maita kikimndana nu̱ke tun a komkomi gwa makhtar chele ɓaanu, yang nun zhang vaanu ma gwa nu makhtar nu̱ka viki she Magham ɗyenda ɓa?

Yokhana 7:18

Njif nu̱ke a shoga ɗyi nu̱ke ɓaran ɓara, a shimkya gwar zhaaji she nduki. Yang njif nu̱ke a shim ku̱ njif nu̱ ɗa ru̱kki nda gwa zhaaji, chin ke nu̱ shir zhire, yang nu̱ka shi song zhire ɓa.

Yokhana 8:54

Tu̱ Yesu tlogha ye wor za, “Mbu̱ nga vu̱r zhaaji ye ɗyina, zhaajyang ɗya ɗyi nggur ɓa, Zhinkir ɓang kya vu̱r zhaaji ya, nun ka qaki nda za ɗya Maghamndi ɓaanu nggwang.

Romeku 2:29

Yakhude zhirekandi ke njif nu̱ke ɗya Yakhuda mbu̱ memu̱naran, yang tu̱k dlarsi zhirekandi ke dlarsi nu̱ke a mbu̱ memu̱na nduku, nang ke ɗyi nu̱ Jiimba shiki, ɗya ɗyi nu̱ bu̱lar Bibitang shiki ɓa. Njif nu̱ khaki wanang Magham ke nu̱ kuna nda, ɗya nduk ɓa.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 10:18

Jiwa njif nu̱ makhtaki ɗyinan ka gwaki dlu̱r ɓa, ɗya njif nu̱ke Zhinkir gwaanji makhtaki nda.

1 Tasalonikeku 2:6

Yang nyem laɓ ku̱ nduki makhta rem ɓa, nyem laɓ ku̱ makhta nu rem ɓa yang nyem laɓ she nduki nggur zum ɓa. Aa nu̱ke mbu̱ chem wa shimi, tu̱ga chem wa shi boote ndu̱ zalale nu̱ke a kha rem ye khar ɓaarem pudeku ɓu̱ Masiya. Chem tu̱k chem wa du̱ng taɗar ɓaarem nu̱ ɗyine nu,

1 Biturus 3:4

Me ɓu̱ nang ku̱ viri ɓaanu kha ma viri nu̱ke a memu̱na nu, chin ke viri nu̱ ɓu̱tokh memu̱na ndu̱ ku̱si ɗyin, nu̱ke nu̱ka shi vi ɓar ɓa, yang ɗya ɗye zhaaji maɗyikandi she Magham.