Yokhana 12:31 - Mewar Alqawarang

³¹ Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 12:31 Iomraidhean Croise

Matta 12:28

Yang mbu̱ ngaa komba khu̱kheetiku nang ɓar ndu̱ zalale ɓu̱ Jiimbi shakhshakhndi, na wa wuɗ za kwaaɗar ɓu̱ Magham a ɓa ye nu ɗo.

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 3:19

Nang ke kumarang: Yarang a ɓa larji, tu̱ yang nduki ndola zhum maari tu̱ zhang yarangang gha ku̱me tlu̱nar ɓaanda maatlin.

Yokhana 9:39

Tu̱ Yesu zu̱ za, “Nga ɓa nu̱ mbu̱ larji nang ma kuma ku̱me nduki nu̱ke nu̱ka na maa ɓa ku̱ na, nduki nu̱ke a na maari ku̱ kha ma pugum ku.”

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

1 Korintiyeku 1:20

Yang ɗo, a fu̱n nu̱ kaɗarikwang na? A fu̱n nu̱ shogar Bibiti ɓu̱ Musa ɓara na? A fu̱n nduki nu̱ tamanki ku za wor wa zu̱n aa nu̱m ndu̱ aanu̱mang na? Ai Magham wa wut za ghu̱rti ɓu̱ nu̱ shaandiku nu̱ mbu̱ larji nang ɗya me nggu̱bu̱ng.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Afiseku 6:12

Ai, dakhlar ɓaaremang chem a shiran ndu̱ nduk wa chem ɓa. Chem a shiran ndu̱ khu̱kheetiku nu̱ mu̱narku nu̱ke a mu̱na viɗi. Kom ndu̱ nu̱ kwaaɗarku, ndu̱ nu̱ zalaleku, ndu̱ wor nu̱ke kwaaɗar qaandi virkir zhumndi nang a kha wora.

Kolosiyeku 2:15

Wa lawa ɗye dakhlar ɓu̱ nu̱ zalale ku ndu̱ nu̱ kwaaɗarku ɓara, tu̱ wuɗ kawar ye wor ye dalangi, nu̱ ku̱nshe duti wor gaanje nda mbu̱ kashar zu̱mndi loobo dakhlar ɓaran.

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.