Yokhana 12:28 - Mewar Alqawarang

²⁸ Zhinki, vu̱r zhaaji ye dlu̱moro.” Tu̱ su̱qur ɓalar a vi viɗi za, “Ai, nga woɗa vu̱r zhaaji nu̱ si, yang ngga shaata vu̱r zhaaji nu̱ si tu̱k.”

Yokhana 12:28 Iomraidhean Croise

Matta 11:25

Ye sarchi nang tu̱ Yesu zu̱ za, “Ngaa kunaro, Aba, Zhinkir gwaanji ɓu̱ maa viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku, to wuɗ ye qusonggi pichichindi.

Matta 11:26

Wanang ni Aba, ku̱me nang shiki mu̱n yoro.

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 26:42

Tu̱ gaɓ nu̱ rapan tu̱k, ta shi barar a zu̱ran za, “Zhinkir ɓanga, mbu̱ bonye nang ɓu̱ peeta ɓa kope nga za nda, bu ku̱ shimndi ɓa shi.”

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Markus 1:11

Tu̱ ɓalar a vi viɗi a zu̱ran za, “To Yi ɓang, ndolakandi, nga tu̱k mu̱ndi ɓa maɗyi.”

Markus 14:36

A zu̱ran za, “Aba, Zhinkir ɓanga, to kaa ɗu̱ma shi aa nu̱m, do ɗyekhti bonye na ya ɓar ɓa, yang kap ndu̱ nang, shi na shimndi ɓang ɓa, ku̱ shimndi ɓaa khan guma.”

Markus 9:7

Tu̱ yang ku̱zapti a ɓa tu̱ lu̱pa wor nu̱gha, tu̱ ɓalar a vi mbu̱ ku̱zaptang za, “Nang ɗya Yi ɓanga, nu̱ke nga ndola nda, gwa maa dlu̱mndonu yenda.”

Luka 3:22

Tu̱ Jiimbi ɓu̱ Magham a shur nu̱ ɗyine nda wa mboole. Tu̱ ɓalar a vi viɗi za, “To Yi ɓanga ngaa ndola ro, Nga tu̱k mu̱ndi ɓaaro maɗyi.”

Luka 9:35

yang tu̱ su̱qur a vi mbu̱ ku̱zaptang za, “Nang ke Yi ɓang nang datki, gwa ma dlu̱mndonu yenda.”

Yokhana 11:4

Nu̱ Yesu tu̱kki wanang tu̱ zu̱ za, khaati nang ɓu̱ tlagha nda ɓa, yang Magham ndu̱ Yi ɓaran ka gwa zhaaji mban.

Yokhana 18:11

Tu̱ Yesu wu Biturus za, “Goɓ ndu̱ kaskar ɓaa mbu̱ raftan! Ngam ɓu̱ za mbu̱ ɗyekhti nu̱ Zhinkirang vu̱rki ya de?”

Yokhana 9:3

Tu̱ Yesu tlogha za, “Ɗya ku̱me solar ɓu̱ khuskyang ɓa, yang ɓu̱ man ndu̱ zhin ɓa, kha nda puguman ma ku̱ wuɗ tlu̱nar ɓu̱ Magham ɗyine nda.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 3:10

Ɗya shimndi ɓaran leendang, ku̱ tabar ɓu̱ nu̱ mbu Yesu wut kaɗari ɓu̱ Magham zum zum ye nu̱ kwaaɗarku ndu̱ nu̱ zalaleku nu̱ke a mu̱na viɗi.

Afiseku 3:21

Ku̱ zhaaji kha nda shwat mbe tabar ɓu̱ nu̱ mbu Yesu ndu̱ mbe Masiya Yesu, mbu̱ sarchiku kap, koɗokhsi ɓa. Amin!

2 Bitu̱rus 1:17

Jiwa wa dlu̱ gorkir ndu̱ zhaaji she Magham Zhinki sarchi nu̱ Magham Nu̱ Zhaaji Nu̱ Dukki aa nu̱m gwaari zu̱ki yenda za, “Nang Yi ɓanga nga ndola nda; Memu̱nara mu̱n ndu̱ chin maɗyi.”