Yokhana 12:26 - Mewar Alqawarang

²⁶ Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 12:26 Iomraidhean Croise

Matta 16:24

Tu̱ Yesu ze nu̱ mburi nda kwang za, “Kap njif nu̱ke a shim mburi nga, ku̱ zhang ɗyinan gha tu̱ da qu̱far kaatli varan tu̱ mburi nga.

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Markus 8:34

Nu̱ Yesu qaki nduki su̱yen ndu̱ nu̱ mburindakwang nu̱ she nda, tu̱ ze wor za, “Kap njif nu̱ke a shim mburi nga, kope wa njig tlu̱nar shimndi memu̱naran dong, tu̱ da qu̱far kaatli ɗyinan tu̱ mburi nga si.

Luka 12:37

Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Luka 6:46

“Tun a qa nga Zhinerem gwaanji, Zhinerem gwaanja ma nu̱ma, nu̱ke nun khutlo ɓalar ɓang ɓa?

Luka 9:23

Tu̱ Yesu ze tabar ndukyang za, “Mbu̱ aa nyi nduka shim mburi nga, kope wa njig tlu̱na shimndi memu̱naran dong, tu̱ da qu̱far kaatli nda aakochi, tu̱ ki mburi nga si.

Yokhana 10:27

Ndu̱ɓangku ɓang wa ka mbu zu̱r ɓanga, nga zu̱n wora, wa ka mburi nga ku tu̱k.

Yokhana 13:16

Nga zu̱kya ba zhire ye nu, maava nu̱ka duk nu̱ rafti ɓaran ɓa, nu̱ ru̱k nu̱ka duk njif nu ru̱kki nda ɓa.

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 14:3

Mbu̱ nga ɗi tang a daasa maa ye nu, ngga ɗa gaɓ tang ɗu̱ ndu̱ tun ye maa nu̱ke nga si, ku̱me kha nu gha sha.

Yokhana 15:20

Kor ma nu̱ ɗyi nang zu̱ki ye nu za, ‘Ye rafa nu̱ka duk nu̱ rafti ɓaran ɓa.’ Mbu̱ wa vu̱r bonye ya ku, wanang tu̱k ka vu̱r bonye ye nu. Mbu̱ wa mbu zu̱r ɓang ku, tu̱ga ka mbu zu̱r ɓaanu tu̱k.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 21:22

Tu̱ Yesu ze nda za, “Mbu̱ nang shim ku̱ mu̱t ɓa kope nga gaɓi, nu̱m ke ɓa mba na? Ɓa ba mburi nga!”

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 14:18

Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.

2 Korintiyeku 4:5

Chem a shikya waazu ɓu̱ ɗyinerem ɓa, chem a shikya waazu ɓu̱ Yesu Masiya, nu̱ ɗyine chin ke Zhinkir gwaanji, chem a khar wa maaviku ɓaanu ku̱me Yesu.

2 Korintiyeku 5:8

Chem wa maita shwat yang nga zu̱ran ye nu, chem wa shim ku̱ shakh mi ndu̱ man vaarem nang ma ku̱ kha mi gha su̱yen ndu̱ Zhinerem gwaanji mbu̱ viɗi.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

Filipiyeku 1:23

Kap ɓaanda mbar ya. Yang ye shimndi ɓanga, ngga gaɓ nu̱ she Masiya tang kha gha su̱yen ndu̱ chini. Wanang dukki nu̱ mbaari.

Kolosiyeku 3:24

Kor ma nu̱ ɗyine Zhinkir gwaanji ka vu̱r ɗye ɓi ye nu nu̱ du̱ngki gha ku̱me nduki ɓaran. Jiwa Masiya ke Zhinkir gwaanji nu̱ rafa nu̱ke tun a ghar ghai yenda!

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

1 Yokhana 5:3

Jiwa ndolar Magham chin ke, shir ɗyi nu̱ Magham zu̱ki za shem, yang ɗyi nu̱ka zu̱ki za shi myang shar ɓa,

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 14:4

Nduki nang ke nduki nu̱ke nu̱ su̱bu̱r var wor nu̱gha nu̱ ku̱nshe qaandi ndu̱ nusuku ɓa, wa shi khar shakhshakhndi ku. Wor kya mbu Ye gamndang a ɗu̱kya fu̱n. Wor nang a masa wor mbe yi ɓu̱ nduki, wor khaki wa boote dam nu̱ zu̱nki gumapaali mbu̱ dam nu̱ka vu̱rki ye Magham ndu̱ Ye gamndang.