Yokhana 12:20 - Mewar Alqawarang

²⁰ Yang mbu̱ nduki nu̱ ɗu̱ki ma ghaari ghai mbu̱ tabarang, Khelenekwang a nje.

Yokhana 12:20 Iomraidhean Croise

Markus 7:26

Yang me ghai ɓu̱ nokhzang ɗya Gu̱rik, kha nda Finikiya mbu̱ dlar ghai Suriya. Tu̱ nokhzang khuɗ Yesu za ku̱ shakh woi ɓaranang ndu̱ khu̱kheetang.

Yokhana 12:1

Wa njig ba qaandi njong ku̱ sarchi Tabar peetar ɗyina a ɓa, tu̱ Yesu ɗu̱ Betani, ye maa nu̱ke Liazaru nu̱ nakhaki nda mbe mu̱tang kharan nje.

Yokhana 12:19

Tu̱ Pariseku shi ɓalar chele ɓaanda za, “Nggu̱t ma, ɗyi nang ɓu̱ ɗu̱ ndu̱ chem aa fu̱n ɓa, na ma larji a gaanje nda guma da!”

Yokhana 7:35

Tu̱ Yakhudekwang shi ɓalar chele ɓaanda a zu̱ran ku za, “Ka ɗu̱kya fu̱n nu̱ke chem ɓu̱ gwa nda ɓa nda na? A ma yir kya she Yakhudeku nu̱ lakhtaki tu̱ khan chele Khelenekwang ma shogar ye wor mu?

Tlu̱nar ɓu̱ Pudeku 14:1

Tu̱ Bulus ndu̱ Barnaba mbu̱ ghai Ikoniya vi nu̱ mbu̱ kib tabar ɓu̱ Yakhudekwang ba wa nu̱ su̱nki ku ndu̱ shiran. Tu̱ shi waazu ku nje maɗyi, tu̱ nduki khang, Yakhudeku ndu̱ nduki nu̱ke ɗya Yakhudeku ɓa maita.

Tlu̱nar ɓu̱ Pudeku 16:1

Tu̱ Bulus ɗu̱ Darbe ndu̱ Listu̱ra. Yang nu̱ mbu Yesu nggur a nje dlu̱man za Timoti, man ɗya nu̱ mbu Yesu tu̱k yang me ghai ɓaran ɗya Yakhuda, zhin ɗya me ghai Gu̱rik.

Tlu̱nar ɓu̱ Pudeku 17:4

Tu̱ Yakhudeku ndu̱ Gu̱rik ku nggur nu̱ ghaari ghai ye Magham su̱yen ndu̱ man nusuku nggur nu̱ke a na wor nu̱ zhaaji khang maita ɓalar nu̱ Bulus ndu̱ Sila shikyang, tu̱ gonta ɗyin wor ndu̱ wora.

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Tlu̱nar ɓu̱ Pudeku 21:28

a zhaano ku a zu̱ran za, “Nyeezerem Israila, shaata ma rem! Wonji njif nu̱ baaraki aa fu̱n a pu̱z nduki ɓaarem, ndu̱ woparku ɓaarem, ndu̱ rafti ɓu̱ Maghamndi ɓaarem nang. Wonji a ɓa tu̱k ndu̱ Kheleneku nggur mbu̱ raftang ma ku̱ sa maa shakhshakhndi nang ku̱ kha ndu̱ ru̱gna.”

Tlu̱nar ɓu̱ Pudeku 8:27

Nu̱ jiiki tu̱ ɗu̱ nje, tu̱ ɗa na khuzi Itiyofiye nggur nu̱ke san miiran, ɗa nduk gor mbu̱ kwaaɗar ɓu̱ Kandis kuji nusukandi nu̱ Itiyofiya. Chin ke nu̱ du̱ngndi mu̱zhindi ɓu̱ kujirang. Yang a ɓa Urshalima ma ghar ghai ye Magham,

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 10:12

Jiwa nu̱ shakh chele ɓu̱ Yakhudeku ndu̱ nduki nu̱ke ɗya Yakhudeku ɓa nu̱ gha ɓa. Zhinkir gwaanji nang, ke Zhinkir gwaanji ɓu̱ aaki, chin ke nu̱ vu̱r barke khangndi ye kap nduki nu̱ ka ghoki yenda.

Galatiyeku 2:3

Yang aa chin Titus nu̱ yir ɓanga, nu̱ke ɗya Gu̱rik, ai nduk a nje nu̱ rannaki nda za ku̱ dla san nu̱gha ɓa.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.