Yokhana 12:16 - Mewar Alqawarang

¹⁶ Gumapaali nu̱ mburindakwang nu̱ da mbu̱ ɗyi nu̱ shiki nang ɓa, yang gaanje nu̱ vu̱rki zhaaji ye Yesu, tu̱ kor ku nu̱ ɗyine bu̱lar a nje wanang ɗyine nda, yang ɗyikwang shi ba wa nu̱ bu̱lakyang.

Yokhana 12:16 Iomraidhean Croise

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Markus 9:32

Yang nu̱ daa mbu̱ ɓalarang ku ɓa, wonji a tu̱k sawar zham nda ku.

Luka 18:34

Yang nu̱ mburindakwang nu̱ daa mbu̱ ɓalar nu̱ Yesu zu̱kyang ɓa ku̱me mbu̱ ɓalarang wa kha tukaran ye wora, nang ke ɗyi nu̱ saki nu̱ daa mban ku ɓa.

Luka 24:25

Tu̱ yang Yesu ze wor za, “Ai sagharku, tun nu̱ke nun ka maita ɓalar ɓu̱ annabiku mbu̱ memu̱nanu kap ɗau ɓa.

Luka 24:45

Tu̱ yang qu̱n ɗyin wor nu̱ gha ma ku̱ da mbu̱ ɗyi nu̱ Lagarkatikwang zu̱ki.

Luka 9:45

Yang kap ndu̱ nang nu̱ da mban ku ɓa ku̱me mbu̱ ɓalarang tukaran, tu̱ yang tu̱k sawar zham nda ku̱ zu̱ mbu̱ ɓalarang ye wora.

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 16:4

Nga zu̱ ɗyiku nang ye nu, ku̱me mbu̱ sarchi ɓaanda a ɓa tun kor nga ze nu. Nang zu̱ ɗyiku nang ye nu gumapaali ɓa ku̱me nga su̱yen ndu̱ tunu.”

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Yokhana 2:22

Qu̱rse Yesu wa ji mbe mu̱ti, tu̱ nu̱ mburindakwang kor ɗyi nu̱ Yesu zu̱ki, tu̱ maita ɓalar ɓu̱ Magham bu̱lakandi kom ndu̱ ɗyi nu̱ Yesu zu̱kyang.

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 2:36

“Ku̱me nang, bu ku̱ Israila kap zu̱n nu̱ ɗyine chin Yesu nun katlki nda gha nang, Magham wa gaɓ ndu̱ chin ma Zhinkir gwaanji ndu̱ Masiya shwat.”

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 8:1

Kap ɗyi nu̱ke chem a zu̱ran nang chin ke gorkir kuru a nje khaarem nu̱ke a nje kharan bu̱n zu̱ma ɓu̱ zhakhɗye kwaaɗar ɓu̱ Nu̱ Gorkirang far viɗi.