Yokhana 11:25 - Mewar Alqawarang

²⁵ Tu̱ Yesu ze nda za, “Ai, nga ke jiiri mbe mu̱ti, nga ke nyifi tu̱k. Njif nu̱ maitaki nga, aa wa mu̱ɗi, ka ji.

Yokhana 11:25 Iomraidhean Croise

Luka 23:43

Tu̱ Yesu tlogha yenda za, “Zhire, nga zu̱ran yoro, ba meeni nang, to ka khan su̱yen ndu̱ nga zhena.”

Yokhana 1:4

Chin ke nu̱ vu̱r nyifiri, yang nyifirang ke yarang ɓu̱ nduki.

Yokhana 14:19

Wa njig ba sarchi koɗomma larji ɓu̱ na nga tu̱k ɓa, yang ɓaanu tun ka na nga. Ku̱me nga nu̱ nyifi, tun ka kha ndu̱ nyifiri.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 5:26

Jiwa ba wa nu̱ke Zhinkirang nu̱ ɗyinan ke dlu̱dlarsi nyifi, wanang tu̱k wa sa Woi ɓaranang ku̱ kha ma dlu̱dlarsi nyifi.

Yokhana 6:35

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Yokhana 6:44

Nduk a nje nu̱ke ka ɗu̱maki ɓar sha ɓa, buka mbu̱ Zhinkir nu̱ ɗa ru̱kki ngang a dutki nda. Yang ngga da nda nu̱ viɗi fu̱ɗar wuri.”

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Romeku 4:17

Ba wa nu̱ke a nje bu̱laran za, “Ngga sa to kha ma zhinkir ɓu̱ me ghaiku khang.” Shi alqawar nang ye Yibram, ku̱me wa maita Magham, chin nu̱ka jiiki ndu̱ mu̱ti tu̱ kha ndu̱ nyifiri, tu̱ qa ɗyi nu̱ke a nje ɓa ku̱ kha wa a nje, tu̱ yang shi.

Romeku 8:2

Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

1 Korintiyeku 15:18

Nang yang nduki nu̱ mu̱tki mbe Masiya, wa su̱ya ku bam ɗo.

1 Korintiyeku 15:29

Yang mbu̱ jiiri mbe mu̱ti nje ɓa, ɓu̱ nduki nu̱ shiki baptisme ye wor me ɓu̱ mu̱tiku ka shi kikimndana? Mbu̱ ɓu̱ ji ndu̱ mu̱tiku ɓa, nu̱m saki tu̱ shi baptisme ye nduki me ɓaanda na?

2 Korintiyeku 4:14

Jiwa chem wa zu̱n nu̱ ɗyine Magham nu̱ jiiki ndu̱ Zhinerem gwaanji Yesu ɓar mbe mu̱ti, ka ji ndu̱ chem ɓar su̱yen ndu̱ Yesu, tu̱ ɗa ɓa ndu̱ chem gume nda su̱yen ndu̱ tunu.

Filipiyeku 1:23

Kap ɓaanda mbar ya. Yang ye shimndi ɓanga, ngga gaɓ nu̱ she Masiya tang kha gha su̱yen ndu̱ chini. Wanang dukki nu̱ mbaari.

Filipiyeku 3:10

Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

1 Tasalonikeku 4:14

Ma nu̱ke chem wa maita nu̱ ɗyine Yesu wa mu̱ɗi, tu̱ ji ɓar mbe mu̱tang, wanang tu̱k mbe Yesu, Magham ka ɗa gaɓ ndu̱ nduki nu̱ shiki ɗyeniri, su̱yen ndu̱ Yesu.

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.

Ɗyin mbu̱ tukari 20:5

(Ɓeeni nduki nu̱ mu̱tki nu̱ kha ndu̱ nyifiri ku tu̱k dong ɓa, kope qu̱rse nu̱ sonyi du̱pu nang nyeelki.) Nang ke jiiri mbe mu̱ti nu̱ gumapaali.

Ɗyin mbu̱ tukari 21:4

Ka pasha ɗyim ghoori ɓar kap mbu̱ yiti wora. Mu̱t nje tu̱k ɓa, khar yaaɓa nje ɓa, gho nje ɓa, yang bonye nje zum ɓa. Jiwa me shir ɗyiku nu̱ zhu wa peeta.”

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.

Ɗyin mbu̱ tukari 22:17

Jiimba ndu̱ Wonkhar nu̱ke a ma ɓu̱rti a zu̱ran ku za, “A ɓo!” Yang kap njif nu̱ tu̱kki, ku̱ zu̱ tu̱k za, “A ɓo!” Kap njif nu̱ke a tu̱k khuzhumndi ku̱ ɗa ɓa, kap njif nu̱ke a gangndan ku̱ dlu̱ ɗyim nu̱ka vu̱rki nyifiri mu̱nki.