Yokhana 10:4 - Mewar Alqawarang

⁴ Qu̱rse wa fet ndu̱ɓangku ɓaran nu̱ dam, ka khan gume wora, ndu̱ɓangkwang a mbu gaanje nda ku̱me wa zu̱n su̱quranku.

Yokhana 10:4 Iomraidhean Croise

Matta 16:24

Tu̱ Yesu ze nu̱ mburi nda kwang za, “Kap njif nu̱ke a shim mburi nga, ku̱ zhang ɗyinan gha tu̱ da qu̱far kaatli varan tu̱ mburi nga.

Yokhana 10:16

Ɓeeni ndu̱ɓangkwang nje nu̱ke a mbu̱ shapir nang ɓa. Wa ku̱s a ɓa nga ndu̱ wora. Ka tu̱k su̱qura ku, ka kha ma shapir da, ndu̱ nu̱ khutlori da tu̱k.

Yokhana 10:27

Ndu̱ɓangku ɓang wa ka mbu zu̱r ɓanga, nga zu̱n wora, wa ka mburi nga ku tu̱k.

Yokhana 10:3

Nu̱ nggu̱ti me virang ka qu̱n yenda. Ndu̱ɓangkwang wa ka tu̱k su̱qur nu̱ khutlorang. Wa ka qa ndu̱ɓangkwang ndu̱ dlu̱m wora, tu̱ ɗu̱ ndu̱ wor dam.

Yokhana 10:5

Ɓu̱ mbu runggu ku ɓa, ka ɗakya nda, ku̱me nu̱ zu̱n su̱qur runggu ku ɓa.”

Yokhana 10:8

Nduki nu̱ ɗa ɓa ki gumera kap ɗya nu̱ muuriku ndu̱ nu̱ yetar njivku, yang ndu̱ɓangkwang nu̱ gwa dlu̱mndi wor ye wor ɓa.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 13:15

Ku̱me nga buu ye nu ma njig dulbu nu̱ yenu ku̱me shi nu wa nang wa nang shiki ye nu.

Yokhana 18:37

Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 3:29

“Wonkhar nu̱ shiki ɓu̱rti mewa ke nokhzi nu̱ zhin ɓu̱rtang, raptikir ɓu̱ nu̱ zhin ɓu̱rti nu̱ke a nje ye maa ɓu̱rtang ka bu ma tu̱k su̱qur nu̱ zhin ɓu̱rtang. Wa ka kasha maɗyi mbu wa tu̱k nu̱ zhin ɓu̱rtang wa shi ɓalari. Wanangang tu̱k kashar ɓang wa nyedli.

1 Korintiyeku 11:1

Tun shi ɗyi nu̱ke nga shiran, wa nu̱ke nga shikya ɗyi nu̱ke Masiya shiki.

Afiseku 5:1

Nu̱ke tun wa kha ma qusonggi ɓu̱ Magham yang a shimndo nu, shi ma ɗyi nu̱ ka shikyang mbu̱ khar viti ɓaanu.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 6:20

Yesu nu̱ kayaki rem viri nu̱ ve maa nang, vi ku̱me chem, tu̱ kha ma gorkir ɓu̱ kuruku nu̱ke lauɗa si su̱ ɓa, mbu̱ dulbu ɓu̱ Melkizedek.

1 Biturus 2:21

Jiwa Zhinkir gwaanji qa nu ku̱me pooni bonye nang. Masiya wa za bonye ku̱me tun tu̱k. Shir wanang wa njig dulbu yerem ma ku̱ mbu mi ɗyin saaran.

1 Biturus 4:1

Nu̱ke Masiya wa za bonye mbu̱ man va, da ma ɗyin saaran tu̱k. Ai, kap njif nu̱ zaki bonye mbu̱ man va, wa shakh ndu̱ tlu̱nar sola.

1 Biturus 5:3

Ku̱ kha nu ma nduki nu̱ke a shim wut zalale ɗyine nduki nu̱ke Magham vu̱rki ye nu ɓa, tun kha ma nduki nu̱ke shapirang ka shimki shoga tun khanu.