Yokhana 10:3 - Mewar Alqawarang

³ Nu̱ nggu̱ti me virang ka qu̱n yenda. Ndu̱ɓangkwang wa ka tu̱k su̱qur nu̱ khutlorang. Wa ka qa ndu̱ɓangkwang ndu̱ dlu̱m wora, tu̱ ɗu̱ ndu̱ wor dam.

Yokhana 10:3 Iomraidhean Croise

Yokhana 10:14

“Nga ke nu̱ khutlo mbarkandi. Nga zu̱n ɓanga ɓang wa zu̱ndi nga ku,

Yokhana 10:16

Ɓeeni ndu̱ɓangkwang nje nu̱ke a mbu̱ shapir nang ɓa. Wa ku̱s a ɓa nga ndu̱ wora. Ka tu̱k su̱qura ku, ka kha ma shapir da, ndu̱ nu̱ khutlori da tu̱k.

Yokhana 10:4

Qu̱rse wa fet ndu̱ɓangku ɓaran nu̱ dam, ka khan gume wora, ndu̱ɓangkwang a mbu gaanje nda ku̱me wa zu̱n su̱quranku.

Yokhana 10:9

Nga ke me virang, njif nu̱ viki ku̱n sha ka gwa ɗanari, ka vi tu̱ vi nu̱ dam a khutlori.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:45

A nje bu̱laran mbu̱ lagarkati ɓu̱ annabikwang za, “Magham ka shogaki ye wora. Yang kap njif nu̱ tu̱kki, tu̱ yang shoga she Zhinkirang, wa ka ɓa sha.

Romeku 8:30

Yang nduki nu̱ Magham bu̱laki nu̱ ve worang, wor ke nduki nu̱ qaki. Nduki nu̱ qakyang, wor ke nduki nu̱ gaɓki ndu̱ wor tu̱ kha waare sola gume nda. Nduki nu̱ khaki waare solar gume ndang, wor ke nduki nu̱ vu̱rki zhaaji ye wora.

1 Korintiyeku 16:9

Ku̱me njiv tlu̱nar mbarkandi wa qu̱n ya fan maɗyi, aa nu̱ke nu̱ zhangndiku a nje khang.

Filipiyeku 4:3

Tun, nyeezaku mbu̱ tlu̱nar nang nu̱ shir zhire, nga khutonu ku̱ shaata nu nusuku nang, ku̱me wa shi tlu̱nar ku maɗyi su̱yen ndu̱ nga mbu̱ tlu̱nar wopar Labar Mbarkandang. Wor ndu̱ Ku̱lemen ndu̱ ɓeeni nduki nu̱ke a tlu̱nar su̱yen ndu̱ nga, wor nu̱ke dlu̱m wor a nje bu̱laran mbu̱ Lagarkati Nyifiri.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

2 Timoti 2:19

Yang su̱ du̱ndi du̱mbu̱rkandi nu̱ Magham du̱nkyang, ba a nje shokhku̱rokh ndu̱ yitu̱m nu̱ saki nu̱ ɗyinan. Nu̱ zu̱ki za, “Magham wa zu̱n nduki nu̱ke ɓaran” yang “Kap njif nu̱ke a zu̱ran za chin ɓu̱ Zhinkir gwaanji ku̱ shakh ɗyinan tu̱ kha ɓakh ndu̱ tlu̱nar malkandi.”

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Yokhana 4:6

Chem a vi she Magham. Nduki nu̱ zu̱nki Magham wa ka tu̱kterem ku, yang nduki nu̱ke nu̱ zu̱n Magham ɓa, nu̱ka tu̱kterem ku ɓa. Chem ka zu̱n njif nu̱ke a su̱yen ndu̱ Jiimbi zhire ndu̱ njif nu̱ke a su̱yen ndu̱ jiimbi wollo ve nang.

3 Yokhana 1:14

Nga sa memu̱nara nu̱ ɗyine ngga na ro ɓu̱ shoɓ ɓa, ma ku̱ shi mi ɓalar ndu̱ yen me ndu̱ me.

Ɗyin mbu̱ tukari 20:15

Kap njif nu̱ke dlu̱man a nje mbu̱ Lagarkati Nyifiri ɓa, wa mbukti nda nu̱ mbu̱ giɗim ɓai.

Ɗyin mbu̱ tukari 3:20

Wonji nga! Nga nje chingndan me viri nga ghwaatan. Aaki tu̱kki nga tu̱ qu̱n me virang nu̱gha, ngga ɗa vi tang zu̱m su̱yen ndu̱ chin, tu̱ zu̱m su̱yen ndu̱ nga tu̱k.

Ɗyin mbu̱ tukari 7:17

Jiwa Ye Gamndi nu̱ke a chele zhakhɗyang ka khaki ma nu̱ khutlo ɓaanda, ka ɗu̱ ndu̱ wor ye maa nu̱ke ɗyim nyifiri ka ɓaghaki. Magham ka pasha koonyi ɗyim gho ɓaanda ɓar kap mbu̱ yiti wora.”