Yokhana 10:28 - Mewar Alqawarang

²⁸ Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 10:28 Iomraidhean Croise

Markus 13:22

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Luka 23:46

Tu̱ Yesu da su̱quran nu̱ viɗi tu̱ zu̱ za, “Zhinkiri, nga vu̱r nyifi ɓang nu̱ mbu̱ kha ro.” Nu̱ zu̱ki wanang tu̱ ngga nyifi ɓaran gha.

Yokhana 10:29

Zhinkir ɓang nu̱ vu̱rki ndu̱ɓangkwang ya wa duk aaki ndu̱ gwaari, yang nduk a nje nu̱ke ka ɗu̱maki lawa wor ɓar mbu̱ kharan ɓa.

Yokhana 11:25

Tu̱ Yesu ze nda za, “Ai, nga ke jiiri mbe mu̱ti, nga ke nyifi tu̱k. Njif nu̱ maitaki nga, aa wa mu̱ɗi, ka ji.

Yokhana 14:19

Wa njig ba sarchi koɗomma larji ɓu̱ na nga tu̱k ɓa, yang ɓaanu tun ka na nga. Ku̱me nga nu̱ nyifi, tun ka kha ndu̱ nyifiri.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 18:9

Shi nang ma nyel ɗyi nu̱ Yesu zu̱kyang. Gana far sarchi bararang wa zu̱ za, “Mbu̱ nduki no vu̱rki ya nduk a nje nu̱ saghaki ɓa.”

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:47

Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Tlu̱nar ɓu̱ Pudeku 7:59

A mbuk Istafanus kwang, tu̱ shi barar za, “Zhinerem gwaanji Yesu, dlu̱ nyifi ɓanga.”

Romeku 5:17

Solar ɓu̱ Adamu chin ɗyenda nu̱ saki tu̱ mu̱ti shi kwaaɗar ɗyine aaki nang, ɗya aa nu̱m ɓa mbu̱ ta gonta ndu̱ ɗyi nu̱ nduk kaadandi, Yesu Masiya nang a ɓa ki si. Chem gwa khang mu̱nkir ɓu̱ Magham ndu̱ vu̱rti nu̱ saki chem kha waare sola gume Magham nu̱ ku̱nshe nda. Chem ka shi kwaaɗar mbu̱ khar viti ɓaarem nu̱ ku̱nshe nda tu̱k.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

Romeku 5:9

Nu̱ke chem wa kha waare sola gume Magham nu̱ ku̱nshe mbu̱ti tom ɓu̱ Masiya, leendang, ka lawa rem ɓar mbe shokhnar ɓu̱ Magham nu̱ ku̱nshe Masiya.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

Filipiyeku 1:6

Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

1 Timoti 1:16

Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

1 Yokhana 1:2

Yang wa wut nyifi nang yerem, chem wa na nda. Chem a saidakya nda chem a zu̱ran ye nu nu̱ ɗyine chin ke nu̱ nyifiri nu̱ke nu̱ka shi woɗa ɓa. A nje su̱yen ndu̱ Zhinkirang mbu̱r fara, yang tu̱ wut varan yerem.

1 Yokhana 2:19

Vi ɓar chele ɓaarem ku ku̱me zhireni ɗya ɓaarem ku ɓa. Meeni mbu̱ za ɗya ɓaarem ku tu̱ga wa kha gha ku su̱yen ndu̱ chemi, Yang yir vaandang wa wut nu̱ ɗyine ɗya ɓaarem ku ɓa.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

1 Yokhana 5:11

Yang nang ke saidwang: Magham wa vu̱r nyifi yerem nu̱ke nu̱ka shi woɗa ɓa, yang nyifi nang a mbe Yi ɓaran.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.