Yokhana 10:25 - Mewar Alqawarang

²⁵ Tu̱ Yesu tlogha ye wor za, “Ai nga woɗa zu̱ran ye nu, yang nun maita ɓa. Ɗye lazhamku nu̱ke nga shiran mbu̱ dlu̱m Zhinkir ɓang kya saida nga ye nu.

Yokhana 10:25 Iomraidhean Croise

Yokhana 10:32

Tu̱ Yesu tlogha ye wor za, “Nga shi ɗyi mbarkandi ye nu khang she Zhinkirang, yang tun a ma mbukti nga ku̱me nyi chele na?”

Yokhana 10:37

Mbu̱ nga shikya tlu̱nar nu̱ke Zhinkir ɓanga shiran ɓa, maita nu nga ɓa.

Yokhana 10:38

Yang mbu̱ nga shikya tlu̱nar nu̱ kya shiran, aa nun maita nga ɓa, maita ma tlu̱narkwang, ku̱me zu̱n nu, tun da mban tu̱k za, Zhinkirang a nje mbya, yang nga mbe nda tu̱k.”

Yokhana 11:47

Tu̱ kuruku rututundi ndu̱ Parisekwang qa tabar ɓaanda. Tu̱ zham yen ku za, “Chem a shikya nu̱m ɗo? Wonji khuski nang a nje a shi ɗye saiduku khang!

Yokhana 12:37

Aa nu̱ke Yesu wa shi ɗye saidu khang gume wora, kap ndu̱ nang nu̱ maita nda ɓa.

Yokhana 14:11

Maita ma nga nang zu̱ki ye nu nga za nga mbe Zhinkirang, Zhinkirang a nje mbya, mbu̱ wanang ɓa tun maita nga ku̱me tlu̱narku nang shikyang.

Yokhana 20:30

Yesu wa shi ɗye lazhamku khang mbu̱ yiti nu̱ mburi nda kwang nu̱ke nu̱ bu̱lan mbu̱ lagarkati nang ɓa.

Yokhana 3:2

Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”

Yokhana 7:31

Kap ndu̱ nang tu̱ nduki khang mbu̱ tabar ndukyang maita Yesu, a zu̱ran ku za, “Woɗye ɗa, mbu̱ Masiya ɓa, ka shi ɗye lazham nu̱ dukki ɗyi nu̱ke khuski nang shiki mu?”

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Yokhana 8:24

Nang ke ɗyi nu̱ saki tang ze nu̱ nga za, tun ka mu̱ɗ mbu̱ solar ɓaanu. Ku̱me mbu̱ nun maita za nga ke njif nang zu̱ki ye nu Nga ke chin na ɓa, tun ka mu̱ɗ mbu̱ solar ɓaanu.”

Yokhana 8:56

Zhinonu Yibram wa kasha nar sarchi ɓanga maɗyi, yang wa na tu̱ kasha.”

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.