Yokhana 10:14 - Mewar Alqawarang

¹⁴ “Nga ke nu̱ khutlo mbarkandi. Nga zu̱n ɓanga ɓang wa zu̱ndi nga ku,

Yokhana 10:14 Iomraidhean Croise

Yokhana 10:11

Nga ke nu̱ khutlori mbarkandi, nu̱ khutlo mbarkandi wa ka vu̱r nyifi ɓaran ku̱me ndu̱ɓangkwang.

Yokhana 10:13

Nu̱ khutlo nang ɗa varan ku̱me a shikya tlu̱nar mu̱zhin, yang nu̱ damta ndu̱ ndu̱ɓangkwang ɓa.

Yokhana 10:27

Ndu̱ɓangku ɓang wa ka mbu zu̱r ɓanga, nga zu̱n wora, wa ka mburi nga ku tu̱k.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 17:8

Ku̱me ɓalar no zu̱ki ya nga zu̱ ye wora, yang wa dlu̱ ku. Wa zu̱n ku za nga vi sho ro, wa maita ku za ta ru̱kki nga.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

2 Timoti 2:19

Yang su̱ du̱ndi du̱mbu̱rkandi nu̱ Magham du̱nkyang, ba a nje shokhku̱rokh ndu̱ yitu̱m nu̱ saki nu̱ ɗyinan. Nu̱ zu̱ki za, “Magham wa zu̱n nduki nu̱ke ɓaran” yang “Kap njif nu̱ke a zu̱ran za chin ɓu̱ Zhinkir gwaanji ku̱ shakh ɗyinan tu̱ kha ɓakh ndu̱ tlu̱nar malkandi.”

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.

Ɗyin mbu̱ tukari 2:19

Nga zu̱n ɗye shirku ɓaaro, ndu̱ ndolar nu̱ maito ɓaaro. Nga zu̱n tlu̱nar nu̱ke ta shiran ndu̱ sar memu̱nar mbe kanaɗyi ɓaaro. Nga zu̱n tlu̱nar nu̱ke ta shiran leendang wa duk nu̱ gumapaalyang.

Ɗyin mbu̱ tukari 2:2

Nga zu̱n ɗye shir ɓaaro, ndu̱ khang tlu̱nar ɓaaro ndu̱ kaɗanyi mbe maito nu̱ke ta shiran mbu̱ bonyeku. Nga zu̱n no ka dlu̱ yen ndu̱ nu̱ mu̱narku ɓa. Ta buu nduki nu̱ ka qaki var wor za wor pudeku nggwa, yang wanang ku ɓa, ta gwa ɗya nu̱ wollo ku.

Ɗyin mbu̱ tukari 2:9

Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.

Ɗyin mbu̱ tukari 3:1

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Sardis no za, Wonji ɓalar nu̱ ɗa viki she njif nu̱ khubki jiimbiku mutndi ɓu̱ Magham, ndu̱ anjinjeku mut khubtan kha ndang. Nga zu̱n ɗye shir ɓaaro. Nduki a na wa to nu̱ nyifi, yang to mu̱tan!

Ɗyin mbu̱ tukari 3:15

Nga zu̱n ɗye shirku ɓaaro, to ndotlu̱tla ɓa yang gu̱rgu̱r ɓa. Nga shim tu̱ga mbu̱ to ndotlu̱tla ɓa to kha gu̱rgu̱r!

Ɗyin mbu̱ tukari 3:8

Nga zu̱n ɗye shirku ɓaaro. Wonji, nga qu̱n me viri nu̱ gume ro nu̱ke nduk a nje nu̱ke ka ɗu̱maki zaran nu̱gha ɓa. Nga zu̱n du̱mbu̱r ɓaa kata. Yang kap ndu̱ nang ta mbu zu̱r ɓanga, no keela zu̱ndi nga ɓa.