Yokhana 10:12 - Mewar Alqawarang

¹² Nu̱ tlu̱nar mu̱zhindi nu̱ka daki nda tu̱ shi khutlorang ɗya nu̱ khutlo ɓa, yang ndu̱ɓangkwang ɓaran ɓa. Ku̱me nang mbu̱ wa na yiɗi gaari a ɓar ɗyin ɗa, ka njig ndu̱ɓangkwang tu̱ ɗa varan. Yiɗi gaarang kaɗa ɓa tu̱ ku̱s ndu̱ɓangkwang, tu̱ lakhta wor nu̱gha tu̱k.

Yokhana 10:12 Iomraidhean Croise

Matta 10:16

“Wonji nga ru̱ktonu wa ndu̱ɓangku chele yiɗi gaariku, ku̱me wanang, tun kha ndu̱ kaɗari wa su̱tiku, yang tu̱k tun kha nu̱ song su̱bu̱r wa mbola.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Yokhana 10:13

Nu̱ khutlo nang ɗa varan ku̱me a shikya tlu̱nar mu̱zhin, yang nu̱ damta ndu̱ ndu̱ɓangkwang ɓa.

Yokhana 10:2

Yang njif nu̱ viki ve me viri ɗya nu̱ khutlo ndu̱ɓangkwang.

Yokhana 10:3

Nu̱ nggu̱ti me virang ka qu̱n yenda. Ndu̱ɓangkwang wa ka tu̱k su̱qur nu̱ khutlorang. Wa ka qa ndu̱ɓangkwang ndu̱ dlu̱m wora, tu̱ ɗu̱ ndu̱ wor dam.

Tlu̱nar ɓu̱ Pudeku 20:29

Nga zu̱n qu̱rse nga ɗu̱ vara yiɗi gaariku malkandi kaɗa vi nu̱ chele ɓaanu, yang ɓu̱ njig shapirang ɓa.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 3:8

Wanang tu̱k, wa ku̱s ku̱ nu̱ shaatar ɓu̱ dle gume ɓu̱ Tabar ɓu̱ nu̱ mbu Yesu kha ma nduki nu̱ke nduki a na zhaaji ɓaanda. Ku̱ kha ma nu̱ zhire, ku̱ kha ma nu̱ khang zar ɗyema ɓa yang nu̱ka shi batal ma gwa nji mu̱zhin ɓa.

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.