Yokhana 1:9 - Mewar Alqawarang

⁹ Yarang zhirekandi nu̱ke a vu̱r yarang ye aaki a ɓa mbu̱ larji.

Yokhana 1:9 Iomraidhean Croise

Matta 6:23

Yang mbu̱ yitor mbar ɓa, manva kap ka kha zhum. Mbu̱ yarang ɓu̱ manva wa gaɓ ma zhum maa, zhum maarang ka shi maɗyi shwat.

Luka 11:36

Ku̱me nang, mbu̱ manva kap yarang, yang tleebi nggur a nje nu̱ke a mbu̱ zhum ɓa, manva kap ka kha yarang ba wa nu̱ke pitila ka vu̱rki yarang yoro.”

Yokhana 1:4

Chin ke nu̱ vu̱r nyifiri, yang nyifirang ke yarang ɓu̱ nduki.

Yokhana 1:7

A ɓakya ma saida yarangang, ma ku̱ nduki tu̱ki ku̱ maita.

Yokhana 12:46

Nga ɓa wa yarang mbu̱ larji ku̱me ku̱ aaki nu̱ke a maita nga shi yir mbu̱ zhum ɓa.”

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 15:1

“Nga ke qu̱far anap yelndi, Zhinkir ɓang ke nu̱ ghutang.

Yokhana 6:32

Kom tu̱ Yesu tlogha ye wor za, “Zhire, nga zu̱ran ye nu, ɗya Musa vu̱rki ɗye zu̱mndi na shurki viɗang ye wor ɓa, Zhinkir ɓang ke nu̱ vu̱rti ɗye zu̱mndi yelndi na viki viɗi.

Yokhana 7:12

Mbu̱ tabarang, tu̱ nduki khang ki ɓalar ɓu̱ Yesu chele ɓaanda mbu̱ tuka. Ɓeenan ku a su̱paran za, “Ɗya nduk mbarkandi.” Yang ɓeenan za, “Wanang ɓa, a lamba kya nduki.”

1 Yokhana 1:8

Mbu̱ chem wa zu̱ nyem za sola ve rem ɓa, chem a lambakya ɗyinerem, yang zhire mbe rem ɓa.

1 Yokhana 2:8

Yang kap ndu̱ nang nga bu̱lakyang bibiti mewakandi ye nu. Nduk ka na zhire nang nu̱ mbe nda ndu̱ tunu, ku̱me zhum maari a peetari, yarang zhirekandi wa nggaasi wuti.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.