Yokhana 1:51 - Mewar Alqawarang

⁵¹ Tu̱ Yesu zu̱ za, “Zhire nga zu̱ran ye nu tun ka na maa viɗi qu̱ndan, ndu̱ nu̱ ru̱ktiku ɓu̱ Magham a dlar ku, a shurti ku ɗyine Yi ɓu̱ Nduku.”

Yokhana 1:51 Iomraidhean Croise

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Matta 26:24

Yi ɓu̱ Nduk ka mu̱ɗ ba wa nu̱ bu̱laki ɗyine nda. Yang njif nu̱ke a ma vu̱r Yi ɓu̱ Nduk ɓarang ɗya ɗye zhiyaye! Ka duk yenda tu̱ga nu̱ kha nda ɓa.”

Matta 3:16

Nu̱ shiki baptisme ye Yesu, ba nu̱ viki ɓar mbu̱ ɗyimang, tu̱ maa viɗ qu̱ni, tu̱ na Jiimbi ɓu̱ Magham a shurti nu̱ ɗyine nda wa shipar mboole.

Matta 4:11

Kom tu̱ Sheɗan njigti nda, tu̱ nu̱ ru̱ktiku ɓu̱ Magham a ɓa tu̱ shi shaatar yenda.

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Matta 9:6

Yang nga shim zu̱n nu nu̱ke zalale a nje kha Yi ɓu̱ nduku ma ku̱ yaapa solar ye nduku mbu̱ larji nang.” Tu̱ ze njif zurɗakandang za, “Ju to da ku̱rbuk ɓa to ɗu̱ va kaari.”

Markus 1:10

Yesu a viri ɓar mbu̱ ɗyimang tu̱ na ma viɗi wa qu̱ni, tu̱ Jiimbi Shakhshakhndi wa mbola a lu̱bti nu̱ ɗyine nda.

Markus 14:62

Tu̱ Yesu tlogha yenda za, “Ɗya nga, yang tun ka na Yi ɓu̱ Nduk kharan ve bu̱n zu̱me ɓu̱ nu̱ Zalale kap, a ɓar ɗyin ku̱zaptiku nu̱ viɗi.”

Luka 2:13

Tu̱ tabar nu̱ ru̱ktiku ɓu̱ Magham a zhur mbu̱ viɗi tu̱ gor dlu̱m Magham ku su̱yen ndu̱ nu̱ ru̱kti ɓu̱ Magham nu̱ gumapaalyang. A zu̱ran ku za,

Luka 2:9

Tu̱ nu̱ ru̱kti ɓu̱ Magham ruuma wora, tu̱ zhaaji ɓu̱ Magham shi yarang ɗyine wora, tu̱ ku̱zha ku maɗyi.

Luka 22:43

Tu̱ nu̱ ru̱kti ɓu̱ Magham a ɓa viɗi tu̱ pa du̱mbu̱r yenda.

Luka 22:69

Yang ji ɗyin meeni, Yi ɓu̱ Nduk ka khan ɗyin bu̱n zu̱me ɓu̱ Magham nu̱ zalale aa nu̱m.”

Luka 24:4

A mbu̱ damtarku ku̱men, ba fan ndu̱ fan tu̱ na nduki rap mbu̱ luktiku nu̱ke a wuti garit garit chingndan wudle wora.

Luka 3:21

Qu̱rse shir baptisme ye ndukyang kap, tu̱ shi ye Yesu tu̱k, yang nu̱ke Yesu a barari, tu̱ maa viɗi wa qu̱ni.

Yokhana 1:50

Tu̱ Yesu zu̱ za, “To maita ku̱me nga zu̱ za nga na su̱ qu̱far sugarang mu? To ka na ɗyi gwaanjiku nu̱ dukki nang.”

Yokhana 10:1

“Zhire nga zu̱ran ye nu, kap njif nu̱ke nu̱ vi nu̱ she ndu̱ɓangku ve me viri ɓa, tu̱ yang dla ye maa nggur zu̱m, ɗya nu̱ muuru, ndu̱ nu̱ yetar njiv tu̱k.

Yokhana 10:7

Ku̱me nang tu̱ Yesu ze wor tu̱k za, “Zhire nga zu̱ran ye nu, nga ke me vi ɓu̱ ndu̱ɓangkwang.

Yokhana 13:16

Nga zu̱kya ba zhire ye nu, maava nu̱ka duk nu̱ rafti ɓaran ɓa, nu̱ ru̱k nu̱ka duk njif nu ru̱kki nda ɓa.

Yokhana 13:38

Tu̱ Yesu tlogha za, “Alapa to ka vu̱r nyifi ɓa ɓar ku̱me nga? Zhire, nga zu̱ran yoro, me ku̱ koogurokh shi mbaari, to ka keela no za no zu̱ndi nga ɓa sar kunung.”

Yokhana 14:12

Zhire nga zu̱ran ye nu, kap njif nu̱ maitaki nga, ka shi tlu̱nar nang shiki. Ka shi tlu̱nar nu̱ dukki nu̱kunang, ku̱me nga yir she Zhinkirang.

Yokhana 16:20

Zhire, nga zu̱ran ye nu, tun ka shi ghoori ndu̱ chiti mbu yang larji ka kasha. Tun ka na chiti mbu, yang chiti mbi ɓaanu ka gaɓ ma ɓong memu̱na.

Yokhana 16:23

Ye fu̱ɗar na ndang tun ɓu̱ khuti nga aa nu̱m ɓa. Zhire nga zu̱ran ye nu, Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 21:18

Zhire, nga zu̱ran yoro, sarchi nu̱ke to nyakhtli, ta ka sa lukti to ɗu̱ ye maa nu̱ke ta shimndan kap. Yang mbu̱ ta geema to ka vu̱r kha ye njif nggur tu̱ sa lukti yoro. Tu̱ ɗu̱ ndu̱ to ye maa nu̱ke ta shim yir si ɓa.”

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Yokhana 5:19

Tu̱ Yesu tlogha ye wor za, “Zhire nga zu̱ran ye nu, Woyang nu̱ka shi aa nyi tun me ɗyinan ɓa, kope ɗyi nu̱ naki Zhin a shiran. Ku̱me nang, ɗyi nu̱ke Zhin a shiran, nang ke ɗyi nu̱ke Woyang a shiran.

Yokhana 5:27

Wa vu̱r zalale kumar yenda tu̱k ku̱me ɗya Yi ɓu̱ nduku.”

Yokhana 6:26

Tu̱ Yesu tlogha ye wor za, “Zhire, nga zu̱ran ye nu, tun a kaala nga ku̱me tun wa nji ɓurti tolirang tu̱ mbonu zhi, nun kaala nga ku̱me ɗye saidu nang shikya ɓa.

Yokhana 6:32

Kom tu̱ Yesu tlogha ye wor za, “Zhire, nga zu̱ran ye nu, ɗya Musa vu̱rki ɗye zu̱mndi na shurki viɗang ye wor ɓa, Zhinkir ɓang ke nu̱ vu̱rti ɗye zu̱mndi yelndi na viki viɗi.

Yokhana 6:47

Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Yokhana 6:53

Tu̱ Yesu ze wor za, “Zhire, nga zu̱ran ye nu, mbu̱ nun nji dlu ɓu̱ Yi ɓu̱ nduk tun za tom ɓaran ɓa, nyifi nje mbe nu ɓa ɗo.

Yokhana 8:34

Tu̱ Yesu zu̱ ye wor za, “Zhire, nga zu̱ran ye nu, kap nu̱ sola ɗya maavi ɓu̱ sola.

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

Tlu̱nar ɓu̱ Pudeku 10:11

Tu̱ na maa viɗi wa qu̱ni, tu̱ na ɗyi nggur nu̱ shipaki ɗye lu̱par gwaanji a zhurti nu̱ yaghai ndu̱ ngginggeetli vat.

Tlu̱nar ɓu̱ Pudeku 7:56

Tu̱ Istafanus zu̱ za, “Nggu̱t ka, nga na maa viɗi qu̱ndan, ndu̱ Yi ɓu̱ Nduk chingndan ve bu̱n zu̱ma ɓu̱ Magham.”

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

2 Tasalonikeku 1:9

Ka za bonyeku tu̱ su̱ya wor nu̱gha guma da, ka shakh wor ndu̱ Magham ndu̱ zhaaji zalale ɓaran.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Ɗyin mbu̱ tukari 19:11

Tang na maa viɗi qu̱ndan, tang na pu̱rsi ɓongndi. Ka qa nu̱ lu̱bar nda za Nu̱ Shir zhire ndu̱ zhire. Nu̱ zhire ka shiki kumar ndu̱ dakhlar ɓaran.

Ɗyin mbu̱ tukari 4:1

Qu̱rse nang, nang gharki yita nu̱ viɗi, tang na me vi qu̱ndan. Su̱ qur nang tu̱kki gumapaalyang nu̱ shipaki pi domndi a zu̱ran za, “A dlo nu̱ fan, ngga wut ɗyi nu̱ke shwat ka ɓa ɗatlki qu̱rse nang yoro.”