Yokhana 1:41 - Mewar Alqawarang

⁴¹ Tu̱ Andu̱rawus gwa Siman dong nu̱ke ɗya khachin, tu̱ ze nda za, “Chem wa gwa Masiya” (mban za datkandi ɓu̱ Magham).

Yokhana 1:41 Iomraidhean Croise

Matta 1:23

“Nggu̱t ma, ye wonkha ka ɓa shi ghu̱rɓan, tu̱ kha ye khusku, ka qa dlu̱man za Imanuwel” mban za, “Magham su̱yen ndu̱ chem.”

Luka 2:17

Nu̱ naki woyang ku, tu̱ vu̱r labar ɗyi ni nu̱ ru̱kti ɓu̱ Maghamang zu̱ki ye wor ɗyine woyang.

Luka 2:38

Ba ye sarchi ni tu̱ vi nu̱ she wora, tu̱ kuna Magham, tu̱ shi ɓalar ɓu̱ Yesu ye nduki nu̱ke a bu dli ɗyin ɓu̱ Urshalima kap.

Yokhana 1:45

Tu̱ Filibus gwa Nataniyel tu̱ ze nda za, “Chem wa gwa njif nu̱ Musa bu̱laki labar ɓaran mbu̱ taurete ndu̱ lagarkatiku ɓu̱ annabikwang, chin ke Yesu khuzi Nazaret, Yi ɓu̱ Yusufu.”

Yokhana 4:25

Tu̱ nokhzang zu̱ za, “Nga zu̱n za Masiya (nu̱ka qaki nda Ku̱ristos) a ɓari. Mbu̱ aa ɓa, ka zu̱ su̱ aa nu̱m yerem.”

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 4:27

“Jiwa Kuji Khiridus ndu̱ Puntus Bilatus wa gonta ɗyin wor ndu̱ Israileku ndu̱ nduki nu̱ke ɗya Israileku ɓa mbu̱ ghai nang, a kare ku ndu̱ maavi ɓaa Shakhshakhndi Yesu, no gaɓki ndu̱ chin ma Masiya.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.