Yokhana 1:4 - Mewar Alqawarang

⁴ Chin ke nu̱ vu̱r nyifiri, yang nyifirang ke yarang ɓu̱ nduki.

Yokhana 1:4 Iomraidhean Croise

Matta 4:16

Nduki nu̱ke kharan ku mbu̱ zhum wa na yarang gwaanji, yarang a vi ye nduki nu̱ke kharan mbu̱ jiimbi mu̱ti.”

Luka 2:32

Ɗya yarang nu̱ke a ma wuɗ Magham ye nduki, chin ke zhaaji ɓu̱ nduki ɓa Israila.”

Yokhana 11:25

Tu̱ Yesu ze nda za, “Ai, nga ke jiiri mbe mu̱ti, nga ke nyifi tu̱k. Njif nu̱ maitaki nga, aa wa mu̱ɗi, ka ji.

Yokhana 12:35

Tu̱ Yesu ze wor za, “Yarangang a nje su̱yen ndu̱ tunu me sarchi koɗomma. Shi ma yir sarchi nu̱ke yarangang a nje su̱yen ndu̱ tunu, ma ku̱ zhum maari gwa nu ɓa. Nu̱ yir mbu̱ zhum maari nu̱ zu̱n ye maa nu̱ke chin a yir su̱ ɓa.

Yokhana 12:46

Nga ɓa wa yarang mbu̱ larji ku̱me ku̱ aaki nu̱ke a maita nga shi yir mbu̱ zhum ɓa.”

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 3:19

Nang ke kumarang: Yarang a ɓa larji, tu̱ yang nduki ndola zhum maari tu̱ zhang yarangang gha ku̱me tlu̱nar ɓaanda maatlin.

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 5:26

Jiwa ba wa nu̱ke Zhinkirang nu̱ ɗyinan ke dlu̱dlarsi nyifi, wanang tu̱k wa sa Woi ɓaranang ku̱ kha ma dlu̱dlarsi nyifi.

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Yokhana 9:5

Mbu̱ nga nje mbu̱ larji nang, nga ke yarang ɓu̱ larji.”

Tlu̱nar ɓu̱ Pudeku 26:23

Nang ke ɓalar nu̱ zu̱ki ku za wa ku̱s ku̱ Masiya za bonye, tu̱ kha ma njif nu̱ gumapaali nu̱ jiiki mbe mu̱tiku. Ku̱me ka vu̱r yarang ye nduki kap nu̱ ku̱nshe nang, Yakhudeku ndu̱ nduki nu̱ke ɗya Yakhudeku ɓa.”

1 Korintiyeku 15:45

A nje bu̱laran za, “Njif nu̱ gumapaali, chin Adamu, wa kha ma nduk nu̱ nyifi.” Yang Adamu nu̱ gana ɗya jiimbi nu̱ka vu̱rki nyifiri.

Afiseku 5:14

ku̱me yarang ke nu̱ wut tun ye dalangi. Nang ke ɗyi nu̱ saki tu̱ zu̱ za, “Ju, to nu̱ke ta ɗyeniri! Ju ɓar mbe mu̱ti! Masiya ka vu̱r yarang yoro.”

Kolosiyeku 3:4

Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

1 Yokhana 1:1

Chem a shikya ɓalar ye nu ɗyine njif nu̱ke a nje gumapaali, nyem tu̱kki, chem na ndu̱ yiterem, chem nggu̱ti nda chem su̱ɓa ndu̱ khaarem. Chem a shikya bu̱lar ye nu ɗyine Ɓalar nu̱ vu̱rti Nyifiri.

1 Yokhana 1:2

Yang wa wut nyifi nang yerem, chem wa na nda. Chem a saidakya nda chem a zu̱ran ye nu nu̱ ɗyine chin ke nu̱ nyifiri nu̱ke nu̱ka shi woɗa ɓa. A nje su̱yen ndu̱ Zhinkirang mbu̱r fara, yang tu̱ wut varan yerem.

1 Yokhana 5:11

Yang nang ke saidwang: Magham wa vu̱r nyifi yerem nu̱ke nu̱ka shi woɗa ɓa, yang nyifi nang a mbe Yi ɓaran.

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.

Ɗyin mbu̱ tukari 22:16

“Nga, Yesu, nga ru̱kki nu̱ ru̱kti ɓanga ma ku̱ zu̱ ɗyiku nang yoro ma yir she tabar ɓu̱ nu̱ mbu Yesu ku. Nga ke dlu̱dlarsi Dauda, nga tom ɓaran tu̱k. Nga ke pazar ɗatli maa, nu̱ ka shiki wuti.”