Yokhana 1:34 - Mewar Alqawarang

³⁴ Nga na wanang, nga saida tu̱k nu̱ ɗyine njif nang ɗya Yi ɓu̱ Magham.”

Yokhana 1:34 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 26:63

Yang tu̱ Yesu kha varan gha yit. Tu̱ gorkir ɓu̱ kurukwang ze nda za, “Ku̱me Magham nu̱ nyifiri, zu̱ yerem mbu̱ to ke Masiya, Yi ɓu̱ Magham.”

Matta 27:40

a zu̱ran ku za, “To nu̱ke to ka ɗu̱ma gu̱ɗa Rafti ɓu̱ Magham nu̱gha to du̱n mbu̱ qaandi kunung, ɗono va ɗo! Mbu̱ to Yi ɓu̱ Magham, a zhur yaghai ɗyine qu̱far kaatlang ɗo!”

Matta 27:43

Wa maita Magham. Bu ku̱ Magham ɗana nda leendang, mbu̱ a shimndan, ku̱me wa zu̱ za chin Yi ɓu̱ Magham ɗo.”

Matta 27:54

Sarchi nu̱ gorkir soje ɓu̱ Roma ndu̱ ɓeena nduki nu̱ke a bu wudle Yesu naki yakhtar maa vu̱ghayang nu̱ ɗyi nu̱ shikyang kap, tu̱ tu̱k sawar ku maɗyi, tu̱ zu̱ ku za, “Zhire njif nang ɗya Yi ɓu̱ Magham!”

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Matta 4:3

Tu̱ Sheɗan nu̱ buurang a ɓa she nda za, “Mbu̱ to Yi ɓu̱ Magham, ze ndogdiku nang ku̱ gaɓ ma ɗye zu̱mndi.”

Matta 4:6

Tu̱ ze nda za, “Mbu̱ to Yi ɓu̱ Magham, ku̱m ji to nggu̱ɗ yaghai, ku̱me a nje bu̱laran za, ‘Chin ka ze nu̱ ru̱ktiku ɓaran ku̱ kangga ku, ka gaɗa ndu̱ khar wora ku̱me ghwat na saaror nu̱ ve ndooga ɓa.’ ”

Matta 8:29

Tu̱ ghwat zhaano ku tu̱ zu̱ ku za, “Nu̱m baki ndu̱ chema, Yi ɓu̱ Magham? Ta ɓakya ma vu̱r bonye yerem me ku̱ sarchi ni shi mu?”

Markus 1:1

Nang ke nggarsi Labar Mbarkandi ɓu̱ Yesu Masiya Yi ɓu̱ Magham,

Markus 1:11

Tu̱ ɓalar a vi viɗi a zu̱ran za, “To Yi ɓang, ndolakandi, nga tu̱k mu̱ndi ɓa maɗyi.”

Luka 1:35

Tu̱ nu̱ ru̱ktang ze nda za, “Jiimbi shakhshakhndi ɓu̱ Magham ka shur nu̱ ɗyinoro, zalale ɓu̱ Magham nu̱ viɗi ka lu̱pa ro. Ku̱me nang, woyang ka kha shakhshakh, ka qa nda Yi ɓu̱ Magham.

Luka 3:22

Tu̱ Jiimbi ɓu̱ Magham a shur nu̱ ɗyine nda wa mboole. Tu̱ ɓalar a vi viɗi za, “To Yi ɓanga ngaa ndola ro, Nga tu̱k mu̱ndi ɓaaro maɗyi.”

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 1:49

Tu̱ Nataniyel ze Yesu za, “Maalu̱m, to ke Yi ɓu̱ Magham; to ke Kuji ɓu̱ Israila.”

Yokhana 10:30

Nga ndu̱ Zhinkirang chem da.”

Yokhana 10:36

yang nga nu̱ Magham wakaki, tu̱ ɗa ru̱kti nga nu̱ larji. Ka kha ma ɓalar ndu̱m ku̱me nga zu̱ za, ‘Nga Yi ɓu̱ Magham’ mu?

Yokhana 11:27

Tu̱ Marta tlogha za, “I, Zhinerem gwaanji, nga maita to ke Masiya yi ɓu̱ Magham nu̱ke a ɓar larji.”

Yokhana 19:7

Tu̱ Yakhudekwang tlogha yenda za, “Woparang nje khaarem, yang woparang wa wut za wa ku̱s ku̱ tlagha nda nu̱ gha, ku̱me wa gaɓ ndu̱ ɗyinan za mu chin Yi ɓu̱ Magham.”

Yokhana 20:28

Tu̱ Toma ze nda za, “Zhinkir gwaanji, ndu̱ Maghamndi ɓang tu̱k.”

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 6:69

Chem wa maita, chem wa zu̱n tu̱k za to ke Shakhshakhndi ɓu̱ Magham.”

Romeku 1:4

Yang ye khar ɓaran Jiimbi nu̱ khar shakhshakh nu̱ me Maghamndi ɓaran wa wut Yesu Masiya ndu̱ zalale maɗyikandi za shwat ɗya Yi ɓu̱ Magham nu̱ ku̱nshe jiiri ɓaran mbe mu̱ti.

2 Korintiyeku 1:19

Jiwa Yi ɓu̱ Magham Yesu Masiya, nu̱ke nga ndu̱ Sila ndu̱ Timoti shiki waazu ɓaran ye nu, ai ɗya, “E” ndu̱ “O'o” ɓa, mbe nda ɗya “E” aakochi.

Yibraniyeku 7:3

Yang Melkizedek zhinki kha nda ɓa manki kha nda ɓa, yang nu̱ nduk zu̱n dlu̱dlarsan zum ɓa. Fu̱ɗar nu̱ khaki nda nje ɓa yang fu̱ɗar mu̱ti ɓaran a nje ɓa. Wa nu̱ke Yi ɓu̱ Magham ɗya kuru nu̱ke koɗokh venda ɓa, wanang tu̱k Melkizedek ɗya kuru nu̱ke koɗokh venda zum ɓa.

1 Yokhana 2:23

Nduk a nje ka zhangki Woyang, tu̱ gwa Zhinkirang ɓa. Yang kap njif nu̱ dlu̱ki Woyang, wa dlu̱ Zhinkirang tu̱k.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

1 Yokhana 4:9

Magham wut ndolar ɓaran yerem ve nang, wa ru̱k Yi ɓaran ɗyendandi tu̱ ɗa ɓa mbu̱ larji ma ku̱ gwa mi nyifiri nu̱ ku̱nshe nda.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

2 Yokhana 1:9

Kap njif nu̱ke nu̱ ching nu̱ ɗyine shogar ɓu̱ Masiya ɓa, tu̱ yang shoga ɗyi nggur ɓar guma nu̱ nang, njif nang nu̱ gwa Magham ɓa. Yang njif nu̱ chingki nu̱ ɗyine shogar ɓu̱ Masiya, wa gwa Zhinkirang ndu̱ Woyang tu̱k.

Ɗyin mbu̱ tukari 2:18

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Tiyatira no za, Wonji ɓalarku nu̱ ɗa viki she Yi ɓu̱ Magham, chin nu̱ke yitan shipaki dlu̱r ɓai, saaran wa ghuri nu̱ khiiki nu̱gha.