Yokhana 1:29 - Mewar Alqawarang

²⁹ Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 1:29 Iomraidhean Croise

Matta 1:21

Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Yokhana 1:35

Ɗaatlu̱maaran, Yokhana a nje chingndan ye maaranang tu̱k su̱yen ndu̱ nu̱ mburi nda ku wor rap.

Yokhana 1:36

Tu̱ na Yesu a peetari, tu̱ zu̱ za, “Nggu̱t ma, won da Ye gamndi ɓu̱ Magham!”

Yokhana 1:43

Ɗaatlu̱maaran tu̱k Yesu a shim yir Galili tu̱ gwa Filibus tu̱ ze nda za, “A mburi nga.”

Yokhana 2:1

Ye fu̱ɗar nu̱ kunung, tu̱ gu̱n ɓu̱rti Kaana nu̱ke a mbu̱ dlar ghai Galili, yang man Yesu a nje ye maaran.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 4:42

Tu̱ nduki Samariya ze nokhzang za, “Nyem maita ku̱me ɗyi no zu̱ki ɗyenda ɓa, leendang chem wa tu̱k nu̱ vaarem, yang chem wa maita tu̱k nu̱ ɗyine shwat khuski nang ɗya Nu̱ ɗanar larji yel.”

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Tlu̱nar ɓu̱ Pudeku 13:39

Yang ba nu̱ ku̱nshe nda tu̱k, aaki maitaki nda ka gwa dli ɗyin mbe solarku nu̱ wopar ɓu̱ Musa ku̱naki dli ɗyinonu ɓar mbanang.

Tlu̱nar ɓu̱ Pudeku 8:32

Wonji maa nu̱ke a nggu̱tan mbu̱ bu̱lar ɓalar ɓu̱ Maghamang! “Wa ku̱dir nda wa ndu̱ɓang nu̱ke a yir ndu̱ chin ma dla quran, wa ye gamndi nu̱ka khaki yit me khar njif nu̱ke a khu̱z ghosi varan yenda nu̱ gha, nu̱ qu̱n men ɓa.

1 Korintiyeku 15:3

Ɗyi nu̱ dukki ndu̱ boota maɗyi mbu̱ ɗyiku nang zu̱ki ye nu, chin ke ɓalar nang dlu̱ki za, Masiya wa mu̱t ku̱me solar ɓaarem, ba wa nu̱ Bu̱lar ɓalar ɓu̱ Magham zu̱ki.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Galatiyeku 3:13

Yang chem wa lawa mbe miiri barke ɓu̱ Bibitang, ku̱me Masiya wa gwa miiri barke ku̱me chem tu̱ dli ɗyinerem. Jiwa a nje bu̱laran za, “Kap njif nu̱ mu̱tki katlan me qu̱fari barke ɓaran miiran.”

1 Timoti 2:6

Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Biturus 1:19

Dli ɗyinonu ndu̱ tom ɓu̱ Masiya nu̱ke zhaaji a si, wa kha wa ye gamndi nu̱ sadke, nu̱ke me chiɓi nje ve nda ɓa yang beeko ɓa.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

1 Yokhana 4:10

Wonji ma ndolar zhirekandi, chem ndolaki Magham ɓa, chin ndolaki rem, tu̱ ɗa ru̱k Yi ɓaran ma ku̱ kha ma sadke yaapar solar ɓaarem.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 12:11

Tu̱ yang zu̱m du̱mbu̱r ɓaran nu̱ ku̱nshe tom ɓu̱ Ye Gamndang, ndu̱ ɓalar nu̱ saidaki ku, jiwa nu̱ shim nyifi ɓaanda maɗyi nu̱ke ku̱ ku̱na vu̱rtan ɓa, aa ka tlagha kya wora.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 14:1

Tang nggu̱ɗi gumera, tang na Ye gamndang chingndan ɗyine dleng Sikhiyona ndu̱ nduki du̱pu won ndu̱ ɗyin vat qu̱m vat (144,000), wor ke nduki nu̱ bu̱laki dlu̱m Ye gamndang ndu̱ ɓu̱ Zhin nu̱ me guma wora.

Ɗyin mbu̱ tukari 14:10

Chin ma ka za ɗyim anap nu̱ shokhnar ɓu̱ Magham, nu̱ mbataki mbu̱ wang ɓaran nu̱ mbu̱ ɗyekhti shokhnar ɓu̱ Magham. Ka vu̱r bonye yenda maɗyi ndu̱ var ɓai nu̱ solfa nu̱ke zhiran ɗu̱ng, gume nu̱ ru̱ktiku ɓu̱ Magham shakhshakhndi kom ndu̱ gume Ye gamndang tu̱k.

Ɗyin mbu̱ tukari 14:4

Nduki nang ke nduki nu̱ke nu̱ su̱bu̱r var wor nu̱gha nu̱ ku̱nshe qaandi ndu̱ nusuku ɓa, wa shi khar shakhshakhndi ku. Wor kya mbu Ye gamndang a ɗu̱kya fu̱n. Wor nang a masa wor mbe yi ɓu̱ nduki, wor khaki wa boote dam nu̱ zu̱nki gumapaali mbu̱ dam nu̱ka vu̱rki ye Magham ndu̱ Ye gamndang.

Ɗyin mbu̱ tukari 15:3

A qa taazi ɓu̱ Musa maavi ɓu̱ Magham, ndu̱ taazi ɓu̱ Ye gamndang, a zu̱ran ku za, “Tlu̱narku ɓaa gori, a khar ɗye lazham yerem to Magham Zhinkir gwaanji nu̱ zalale aa nu̱m kap! Njiv ɓaa ku ɗya shir jeembu, ndu̱ zhire tu̱k, to Kuji ɓu̱ maaku!

Ɗyin mbu̱ tukari 17:14

Ka shi dakhlar ndu̱ Ye gamndang ku. Yang Ye gamndang ka zu̱m loobo ɗyine wora. Ku̱me chin ke zhinkir gwaanji ɓu̱ zhinkirku ndu̱ kuji ɓu̱ kujiku, yang su̱yen nu̱ chin ka kha ɗya nduki nu̱ qaki, nduki datkandi ndu̱ nu̱ mbu nda ku nu̱ zhire.”

Ɗyin mbu̱ tukari 19:7

Ku̱ memu̱na rem kha ɓong, chem kasha, chem vu̱r zhaaji yenda! Jiwa sarchi ɓu̱rti ɓu̱ Ye gamndang wa shi. Nokhzi nu̱ke a ma ɓu̱rtanang wa daasa varan.

Ɗyin mbu̱ tukari 19:9

Tu̱ nu̱ ru̱ktang zu̱ ya za, “Bu̱lo nang, ‘Nduki nu̱ qaki wor ma tabar zu̱mndi ɗye ɓu̱rti ɓu̱ Ye gamndang ɗya nu̱ barka!’ ” Tu̱ zu̱ tu̱k za, “Nang ke ɓalar ɓu̱ Magham zhirekandi.”

Ɗyin mbu̱ tukari 21:14

Sar saari garuk ghayang shakhtan san gwaanggu̱m rap, tu̱ bu̱la dlu̱m pudeku gwaanggu̱m rapndi ɓu̱ Ye gamndang nu̱ ɗyinan.

Ɗyin mbu̱ tukari 21:27

Ɗyi nu̱ke zopan ɓu̱ vi nu̱ mbu̱ ghai nang sar da ɓa, yang nu̱ shir ɗye kawa, ndu̱ nu̱ wollo ɓu̱ vi nu̱ mban zum ɓa. Kope nduki nu̱ke dlu̱m wor a nje bu̱laran mbu̱ Lagarkati Nyifiri ɓu̱ Ye gamndang.

Ɗyin mbu̱ tukari 21:9

Tu̱ da chele nu̱ ru̱ktiku mutndi nu̱ du̱ɓaku nu̱ nyeelki ndu̱ alobeku mutndi nu̱ gana nang a ɓa sha tu̱ zu̱ ya za, “A ɓo, wut nga Wonkhar nu̱ke a ma ɓu̱rti mewa, chin ke nokhzi Ye gamndang.”

Ɗyin mbu̱ tukari 5:6

Tang na Ye Gamndi ba wa quran dlaran, chingndan tala ɗyine zhakhɗyang, kararan ndu̱ nu̱ nyifi ku vatndi nang nu̱ ndukkudaandikwang. Domndi ɓaranang mut ndu̱ yitiku mut, nu̱ke ɗya jiimbiku mutndi ɓu̱ Magham nu̱ ru̱kki wor nu̱ mbu̱ larji kap.

Ɗyin mbu̱ tukari 5:8

Nu̱ dlu̱ki, tu̱ nu̱ nyifi ku vatndi nang ndu̱ ndukkudaandiku ɗyirap qu̱m vatndang qan nu̱ gume Ye gamndang. Aa nyi da chele ɓaanda wa khuɓ sumbul ndu̱ du̱ɓ ginarwe nyeedlan ndu̱ ɗye zhi mu̱nkandi chin ke barar ɓu̱ nduki ɓu̱ Magham.

Ɗyin mbu̱ tukari 6:1

Nga na sarchi nu̱ke Ye Gamndang qu̱nki yitu̱m nu̱ gumapaali mbu̱ mutndang nu̱gha. Tang tu̱k da chele nu̱ nyifiku vatndang wa shi ɓalar ndu̱ su̱qur nu̱ shipaki pedlangndi tu̱ zu̱ za, “A ɓo!”

Ɗyin mbu̱ tukari 6:16

A qa dlengku ndu̱ ndogdiku a zu̱ran ye wor za, “A gu̱ɗama nu̱ ɗyine rem tun tuka rem gha ɓar me yiti njif nu̱ke kharan ɗyine zhakhɗyang, ndu̱ shokhnar ɓu̱ Ye gamndang.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.

Ɗyin mbu̱ tukari 7:17

Jiwa Ye Gamndi nu̱ke a chele zhakhɗyang ka khaki ma nu̱ khutlo ɓaanda, ka ɗu̱ ndu̱ wor ye maa nu̱ke ɗyim nyifiri ka ɓaghaki. Magham ka pasha koonyi ɗyim gho ɓaanda ɓar kap mbu̱ yiti wora.”