Yokhana 1:17 - Mewar Alqawarang

¹⁷ Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 1:17 Iomraidhean Croise

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 18:37

Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 5:45

“Taman nu za ngga da zhaano ɓaanu nu̱ she Zhinkirang ɓa. Nu̱ dar zhaano ɓaanu a nje, chin ke Musa, chin nu̱ke tun a tamandan za ka shaata nwang.

Yokhana 7:19

Woɗye Musa vu̱rki woparang ye nu de? Yang kap ndu̱ nang aa da nduk a nje nu̱ka khutloki Woparang chele ɓaanu ɓa. Yang nu̱m saki tun a shim tlagha nga?”

Yokhana 8:32

Kom tun ka zu̱n zhire, zhiryang ka dli ɗyinonu.”

Yokhana 9:29

Chem wa zu̱n Magham wa shi ɓalar ndu̱ Musa, yang khuski nang nyem zu̱n ye maa nu̱ ɗa viki su̱ ɓa.”

Tlu̱nar ɓu̱ Pudeku 28:23

Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.

Tlu̱nar ɓu̱ Pudeku 7:38

Musa nang ke khuski nu̱ tabaki nduki nu̱ Israila nu̱ mbu̱ gaari. Tu̱ kha su̱yen ndu̱ zhikanerem ndu̱ nu̱ ru̱kti ɓu̱ Magham nu̱ shiki ɓalar ndu̱ chin ɗyin Dleng Sinayang chin a dlu̱ki ɓalar nu̱ka vu̱rki nyifiri she Magham ta ɓa si yerem.

Romeku 6:14

Ku̱ sola shi kwaaɗar ɗyine nu ɓa, nu̱ke tun a mbu̱ bu̱n Bibitang ɓa, tun a mbu̱ bu̱n mu̱nki.

2 Korintiyeku 1:20

Jiwa Magham nyel alqawar nu̱ shiki nu̱ ku̱nshe nda. Nang ke ɗyi nu̱ saki nu̱ ku̱nshe Masiya Yesu chem a zu̱ran za “Amin” ma gor dlu̱m Magham.

Galatiyeku 3:17

Ɗyi nu̱ke nga zu̱ranang chin ke, Magham wa ching ndu̱ alqawar chele ɓaran ndu̱ Yibram. Yang bibiti nu̱ ɗa ɓa ki si sonyi won vat ndu̱ ɗyin kunungndi qu̱rsan nang ɓu̱ sa tu̱ alqawar nu̱ shiki zhu tangndi nang kha bam ɓa.

Yibraniyeku 9:22

Bibitang wa wut za aa nu̱m ka kha shakhshakh mbu̱ wa shiɓ nu̱gha ndu̱ tom. Yang yaapar sola nje waare mbu̱ti tom ɓa.