Yokhana 1:16 - Mewar Alqawarang

¹⁶ Khang mu̱nkir ɓaran saki chem gwa barkeku khang mbu̱ yen.

Yokhana 1:16 Iomraidhean Croise

Matta 13:12

Ku̱me njif nu̱ke tun kha nda, ka shaata yenda nu̱ si tu̱ gama nda maɗyi, yang njif nu̱ke aa nu̱m khanda ɓa, aa ɗyi koɗommandi nu̱ke a kha ndang ka dlu̱ ɓara.

Matta 3:11

Ngaa baptisme ye nu ndu̱ ɗyim ma saidu nggooti njigti solar ɓaanu, Yang gaanja njif nu̱ dukki nga gwaari a ɓari, nu̱ke aa paghamndi ɓaran nang khu̱l ku̱ fed nga nu̱ gha ɓa. Chin ka ɓa shiki baptisme ye nu ndu̱ Jiimbi shakhshakhndi ndu̱ ɓai.

Matta 3:14

Tu̱ Yokhana shim nggu̱tli nda tu̱ ze nda za, “Nga nu̱ke ngaa gang shi na baptisme ya, yang to ɗa ɓa sha tu̱k?”

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Yokhana 3:34

Jiwa chin nu̱ Maghamang ru̱kkyang a zu̱kya ɓalar ɓu̱ Magham, ku̱me Magham wa vu̱r Jiimbi ɓaran yenda koɗokhsi ɓa.

Romeku 5:17

Solar ɓu̱ Adamu chin ɗyenda nu̱ saki tu̱ mu̱ti shi kwaaɗar ɗyine aaki nang, ɗya aa nu̱m ɓa mbu̱ ta gonta ndu̱ ɗyi nu̱ nduk kaadandi, Yesu Masiya nang a ɓa ki si. Chem gwa khang mu̱nkir ɓu̱ Magham ndu̱ vu̱rti nu̱ saki chem kha waare sola gume Magham nu̱ ku̱nshe nda. Chem ka shi kwaaɗar mbu̱ khar viti ɓaarem nu̱ ku̱nshe nda tu̱k.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

Romeku 8:9

Tun yang, nun ka shi khar viti ɓaanu mbe ɗye shir ɓu̱ nduk ɓa, tun a khar viti ɓaanu mbe Jiimba, mbu̱ Jiimbi ɓu̱ Magham a nje kharan mbu̱ memu̱na nu. Yang kap njif nu̱ke Jiimbi ɓu̱ Masiya a nje mbe nda ɓa, ɗya ɓu̱ Masiya ɓa.

Afiseku 1:23

Tabar ɓu̱ nu̱ mbu Yesu ke man var Masiya. Masiya wa kha nyeedlan mbe tabar ɓu̱ nu̱ mburi nda, ba nu̱ke chin ke nyedli ɓu̱ aa nu̱m kap ndu̱ aa fu̱n tu̱k.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Kolosiyeku 1:19

Jiwa Magham shimki, ma ku̱ woyang da me Maghamndi ɓu̱ Maghamang ye varan.

Kolosiyeku 2:3

Chin ke ɗye qu̱ndi nu̱ qu̱ndi kap gu̱nar tukakandi nu̱ kaɗari ndu̱ zu̱ndi ɓu̱ Magham.

1 Biturus 1:11

Wa shim ku̱ zu̱n nda sarchi nu̱ke ɗyi nang ka shiki, kom ndu̱ ɗa ka shi kikimndana. Ye sarchi nu̱ Jiimbi ɓu̱ Masiya shiki ɓalar mbu̱ memu̱na wora, a wut bonye nu̱ke Masiya ka zaki kom ndu̱ zhaaji nu̱ke a ma vu̱rtan yenda qu̱rsan.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.