Yokhana 1:14 - Mewar Alqawarang

¹⁴ Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:14 Iomraidhean Croise

Matta 1:16

Kom tu̱ Nyagham kha Yusufu zhime Maryam. Maryam ke man Yesu nu̱ka qaki nda Masiya.

Luka 2:11

Wa kha nu̱ ɗanar ye nu meeni mbu̱ ghai ɓu̱ Dauda, dlu̱man za Masiya, Zhinerem gwaanji.

Luka 2:7

Tu̱ kha ye khuski gomir ɓaran, tu̱ ɗyikhla nda nu̱ mbu̱ kapari, yang ku̱me song maa kha, tu̱ sa nda nu̱ mbu̱ ɗye zu̱r ɗye zu̱mndi ye ɗye nggarku.

Luka 9:32

Yang Biturus ndu̱ nyeezan a ɗyenirku taɗa, nu̱ nakhaki ku, tu̱ na zhaaji ɓu̱ Yesu ndu̱ nduki rapndi nang chingndan she nda.

Yokhana 1:1

Vu̱ nggarsan Ɓalarang a nje, Ɓalarang a su̱yen ndu̱ Magham, Ɓalarang yang ɗya Magham.

Yokhana 11:40

Tu̱ Yesu ze nda za, “Nang zu̱ yor nga za mbu̱ ta maita to ka na zhaaji ɓu̱ Magham de?”

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 14:9

Tu̱ Yesu ze nda za, “Nga shoɓ su̱yen ndu̱ tunu wanang, yang ma ɓar meeni nun zu̱ndi nga ɓa, Filibus? Kap njif nu̱ naki nga, ai, wa na Zhinkirang. Nu̱m saki to ka zu̱ki za, ‘Wut Zhinkirang yeremang?’

Yokhana 17:22

Nga vu̱r zhaaji no vu̱rki yang ye wora ku̱ kha da ku ba wa nu̱ke chem da.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 18:37

Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 2:11

Nang ke ɗye lazham nu̱ khaki ma ɗye saidu nu̱ gumapaali nu̱ Yesu shiki, yang shir nda Kaana nu̱ke a mbu̱ dlar ghai Galili. Wa wuɗ zhaaji ɓaran, tu̱ nu̱ mburindakwang maita nda.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 3:18

Aaki maitaki Yi ɓu̱ Magham ɓu̱ kuma nda ɓa, yang kap njif nu̱ zhangki maita nda gha, wa woɗa kuma nda, ku̱me nu̱ maita dlu̱m Yi ɓu̱ Magham khakandi ɗyenda ndang ɓa.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Yokhana 8:32

Kom tun ka zu̱n zhire, zhiryang ka dli ɗyinonu.”

Tlu̱nar ɓu̱ Pudeku 13:33

wa nyel yerem, chem nu̱ke chem a khar qusonggi ɓaanda sarchi nu̱ daki Yesu nu̱ viɗi mbe mu̱ti. Ba wa nu̱ bu̱laki nu̱ gha mbu̱ Zabura san nu̱ rap za, ‘To Yi ɓanga; Nga kha ma zhu meeni.’

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

Romeku 9:5

A khar nduki nu̱ke ɗya qusonggi ɓu̱ zhikankirku nu̱ nduki zu̱nki wor maɗyi. Masiya ɗya pooni ɓaanda ye khar ɓaran nduku. Chin nu̱ke ɗya Magham ɗyine aa nu̱m, bu ku̱ dlu̱ kunari koɗokhsi ɓa. Amin.

1 Korintiyeku 15:47

Njif nu̱ gumapaalyang shir nda ndu̱ kalau ghai, a ɓa vu̱ghai. Nu̱ rapndang yang a ɓa viɗi.

2 Korintiyeku 12:9

tu̱ yang zu̱ ya za, “Mu̱nkir ɓang wa gama ro, ku̱me zalale ɓang ka kha nyeedlan mbu̱ tu̱ɓti ɓaaro.” Ku̱me nang ngga kasha tang shi wakhti ndu̱ tu̱ɓti ɓang nang ma ku̱ zalale ɓu̱ Masiya kha gha su̱yen ndu̱ nga.

Galatiyeku 4:4

Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Kolosiyeku 1:19

Jiwa Magham shimki, ma ku̱ woyang da me Maghamndi ɓu̱ Maghamang ye varan.

Kolosiyeku 2:3

Chin ke ɗye qu̱ndi nu̱ qu̱ndi kap gu̱nar tukakandi nu̱ kaɗari ndu̱ zu̱ndi ɓu̱ Magham.

Kolosiyeku 2:9

Ku̱me kap me Maghamndi ɓu̱ Magham a nje kharan mbe Masiya sarchi nu̱ gaɓki ma nduku.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 1:5

Jiwa sar da nu̱ Magham ze nu̱ ru̱kti ɓaran nggur za, “To Yi ɓanga, nga kha ma Zhu meeni” ɓa. Yang a nje da chele ɓaanda nu̱ zu̱ki yenda za, “Nga kha ma Zhu, ta kha ma Yi ɓanga” ɓa.

Yibraniyeku 10:5

Ku̱me nang nu̱ Masiya viki nu̱ mbu̱ larji tu̱ zu̱ za, “No shim sadkeku ndu̱ vu̱rtiku ɓa, to daasakya manva ya.

Yibraniyeku 2:11

Jiwa chin nu̱ saki nduki tu̱ kha shakhshakh, ndu̱ wor nu̱ khaki shakhshakhang, zhin wor da. Nang ke ɗyi nu̱ saki Yesu nu̱ka tu̱k kawar zu̱ran za ɗya nyeezanku ɓa.

Yibraniyeku 5:5

Wanang tu̱k Masiya nu̱ da varan ma ku̱ kha nji ma gorkir ɓu̱ kuruku ɓa. Me ɓu̱ nang, Magham wa ze nda za, “To Yi ɓanga, nga kha ma Zhu meeni.”

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

1 Yokhana 4:9

Magham wut ndolar ɓaran yerem ve nang, wa ru̱k Yi ɓaran ɗyendandi tu̱ ɗa ɓa mbu̱ larji ma ku̱ gwa mi nyifiri nu̱ ku̱nshe nda.

2 Yokhana 1:7

Nu̱ lambar nduki khang a vi ku, tu̱ lakhtan aa fu̱n mbu̱ larji. Nu̱ maita ku za Yesu Masiya a ɓa mbu̱ larji mbu̱ manva ɓa. Kap nu̱ pooni shogar nang wor ke nu̱ lamba ndu̱ nu̱ zhangndi Masiya.

Ɗyin mbu̱ tukari 19:13

Yang lukti nu̱ sakyang yoɓtan mbu̱ tom. Yang dlu̱man za “Ɓalar ɓu̱ Magham.”

Ɗyin mbu̱ tukari 21:3

Tang tu̱k su̱qur ɓalar du̱mbu̱rkandi a vi she zhakhɗyang a zu̱ran za, “Leendang maa khar ɓu̱ Magham a su̱yen ndu̱ nduki! Ka kha gha su̱yen ndu̱ wora, ka kha ma nduki ɓaran. Magham ndu̱ ɗyinan ka kha gha su̱yen ndu̱ wora, tu̱ kha ma Maghamndi ɓaanda tu̱k.