Yokhana 1:10 - Mewar Alqawarang

¹⁰ Tu̱ kha mbu̱ larji, aa nu̱ke shi larjyang nu̱ ku̱nshe nda, yang kap ndu̱ nang, larji nu̱ zu̱n nda ɓa.

Yokhana 1:10 Iomraidhean Croise

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Yokhana 1:11

A ɓakya she nduki ɓaran yang nduki ɓaranang nu̱ dlu̱r nda ku ɓa.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 1:3

Shi aa nu̱m nu̱ ku̱nshe nda, tun a nje nu̱ du̱ngki mbu̱ ɗyiku nu̱ shiki kunang waare chin ɓa.

Yokhana 1:5

Yarangang a wuti mbu̱ zhum maari, yang zhum maarang nu̱ ɗu̱ma nggu̱tli nda ɓa.

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 5:17

Tu̱ yang Yesu ze wor za, “Zhinkir ɓang nu̱ njig shir tlu̱nar ɓa, yang ngam njig zum ɓa.”

Tlu̱nar ɓu̱ Pudeku 14:17

yang kap ndu̱ nang sar da nu̱ njig ɗyinan waare ɗye saidu ɓa. Chin ke nu̱ vu̱r romndi ye nu mbu̱ viɗi ndu̱ boote dam mbarkandi. Wa zhi mbonu ndu̱ ɗye zu̱mndi, tu̱ sa nu tun kha ndu̱ ɓong memu̱na.”

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 2:8

Nduk a nje chele ɓu̱ nu̱ kwaaɗarku nu̱ larji kap nu̱ daki mbu̱ kaɗari nang ɓa, mbu̱ wa gwa mban ku, tu̱ga nu̱ katl Zhinkir gwaanji nu̱ zhaaji nu̱gha ɓa.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

Kolosiyeku 1:16

ku̱me shi aa nu̱m ndu̱ aa nu̱m nu̱ ku̱nshe nda. Chin shiki ɗyi nu̱ke a viɗi ndu̱ vu̱ghai, ndu̱ ɗyi nu̱ke nduk a naran ndu̱ ɗyi nu̱ke nu̱ka shi na ndu̱ yiti ɓa. Shi ɗyiku nu̱ke a kwaaɗar mu̱na viɗi nu̱ ku̱nshe nda, kujiku ndu̱ nu̱ zhakhɗyeku ndu̱ nu̱ kwaaɗar ku ndu̱ zalaleku, ɗyi nu̱ shiki kap, shi nu̱ ku̱nshe nda, yang shi ku̱me chin tu̱k.

Yibraniyeku 11:3

Chem wa zu̱n nu̱ ɗyine Magham du̱ng larji ndu̱ ɓalar mbu̱ men nu̱ ku̱nshe maito, ɗyi nu̱ke chem a naran nang a vi mbe ɗyi nu̱ke ɓu̱ shi na ɓa.

1 Yokhana 3:1

Nggu̱t ma pooni ndolar maɗyikandi nu̱ Zhinkirang wutki yerem nu̱ka qaki rem za chem qusonggi ɓu̱ Magham, yang chem wanang shwat. Nduki nu̱ larji nu̱ zu̱nderem ku ɓa ku̱me nu̱ zu̱n nda ku ɓa.