Yokhana 1:1 - Mewar Alqawarang

¹ Vu̱ nggarsan Ɓalarang a nje, Ɓalarang a su̱yen ndu̱ Magham, Ɓalarang yang ɗya Magham.

Yokhana 1:1 Iomraidhean Croise

Matta 1:23

“Nggu̱t ma, ye wonkha ka ɓa shi ghu̱rɓan, tu̱ kha ye khusku, ka qa dlu̱man za Imanuwel” mban za, “Magham su̱yen ndu̱ chem.”

Luka 24:53

Yang aakochi ɗu̱ki mbu̱ Rafti ɓu̱ Magham ku ba gor dlu̱m Magham.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 1:2

Chin kya su̱yen ndu̱ Magham gumapaali.

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Yokhana 20:28

Tu̱ Toma ze nda za, “Zhinkir gwaanji, ndu̱ Maghamndi ɓang tu̱k.”

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

Romeku 9:5

A khar nduki nu̱ke ɗya qusonggi ɓu̱ zhikankirku nu̱ nduki zu̱nki wor maɗyi. Masiya ɗya pooni ɓaanda ye khar ɓaran nduku. Chin nu̱ke ɗya Magham ɗyine aa nu̱m, bu ku̱ dlu̱ kunari koɗokhsi ɓa. Amin.

Afiseku 3:9

Magham, nu̱ du̱ngki aa nu̱m, wa shim ku̱ shaata nga aaki tu̱ zu̱n ɗyi tukakandi nyin daasaki nu̱ shoɓki a nje tukaran mbu̱ memu̱naran.

Filipiyeku 2:6

Aa nu̱ke chin Magham, nu̱ da khar ɓaran ku̱rku̱r ndu̱ Magham ma ɗyi nggur ɓa,

Kolosiyeku 1:15

Magham nu̱ke nduk nu̱ka na nda ɓa ndang, Masiya ke shipar ɓaran. Masiya ke gomi, chin kya viɗi ɗyine aa nu̱m kap,

Kolosiyeku 1:17

Masiya a nje me ku̱ shi aa nu̱m, yang aa nu̱m a mbu yen wa nu̱ shipaki ku̱me chin.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 13:8

Yesu Masiya nu̱ka nggoɗ ɓa, a nje ba wa nu̱ke a nje mbu̱ɗa ndu̱ meeni, ndu̱ aakochi koɗokhsi ɓa.

Yibraniyeku 7:3

Yang Melkizedek zhinki kha nda ɓa manki kha nda ɓa, yang nu̱ nduk zu̱n dlu̱dlarsan zum ɓa. Fu̱ɗar nu̱ khaki nda nje ɓa yang fu̱ɗar mu̱ti ɓaran a nje ɓa. Wa nu̱ke Yi ɓu̱ Magham ɗya kuru nu̱ke koɗokh venda ɓa, wanang tu̱k Melkizedek ɗya kuru nu̱ke koɗokh venda zum ɓa.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

1 Yokhana 5:7

Ɗyiku kunung a nje nu̱ke a saidaran za Yesu ɗya Yi ɓu̱ Magham.

Ɗyin mbu̱ tukari 1:11

Tu̱ su̱qurang zu̱ za, “Bu̱lo ɗyi no naki nu̱ mbu̱ lagarkati ɗyikhlakandang, to ru̱k ye tabarku ɓu̱ nu̱ mbu Yesu ku nu̱ mbu̱ ghai mutndang. Wor ke, tabar nu̱ Afisa, ndu̱ nu̱ Su̱mirna, ndu̱ Pagamum, ndu̱ Tiyatira, ndu̱ Sardis, ndu̱ Filadelfiya, kom ndu̱ nu̱ Laudikiya.”

Ɗyin mbu̱ tukari 1:17

Nang naki nda tang nggu̱ɗ nu̱ gume nda wa nga mu̱tan. Tu̱ yang sa kharan nu̱ zu̱ma nu̱ ɗyina, tu̱ zu̱ za, “Tu̱k na sawa ɓa. Nga ke nu̱ gumapaali, nga ke nu̱ gana.

Ɗyin mbu̱ tukari 1:2

Tu̱ saida ɗyiku nyin naki kap. Nang ke zu̱r mbu̱ ru̱kti nu̱ ɗa viki she Magham ndu̱ zhire nu̱ Yesu Masiya wutki yenda.

Ɗyin mbu̱ tukari 1:8

“Nga ke Alfa, Nga ke Omega,” Zhinkir gwaanji Magham zu̱ki nang, “Chin nu̱ke a leendang, nu̱ke a zhu, nu̱ke a ɓari, nga ke nu̱ zalale aa nu̱m kap.”

Ɗyin mbu̱ tukari 19:13

Yang lukti nu̱ sakyang yoɓtan mbu̱ tom. Yang dlu̱man za “Ɓalar ɓu̱ Magham.”

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.

Ɗyin mbu̱ tukari 21:6

Tu̱ gaɓ tu̱ zu̱ tu̱k za, “Wa woɗa shiri! Nga ke Alfa ndu̱ Omega, Nggarsan ndu̱ Lauɗarsan. Kap njif nu̱ke a tu̱k khuzhumndi, ngga vu̱r zalale yenda ku̱ za ye maa ɓaghar ɗyim nu̱ka vu̱rki nyifiri mu̱nki.

Ɗyin mbu̱ tukari 22:13

Nga ke Alfa Nga ke Omega, Nga ke Guma Nga ke Gana, Nga ke Nggarsan Nga ke Lauɗarsan.

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.