Yibraniyeku 3:5 - Mewar Alqawarang

⁵ Musa wa shi zhire mbe tlu̱nar ɓaran ye khar ɓaran maava chele nduki ɓu̱ Magham, wa shi ɓalar ɗyine ɗyi nu̱ke Magham a ma zu̱ran gana fan.

Yibraniyeku 3:5 Iomraidhean Croise

Matta 24:45

“Ki ke maavi nu̱ shir zhire, ndu̱ kaɗari, nu̱ke nu̱ rafti ɓaran njigki maaviku ɓaran nu̱ mbu̱ bu̱nan ku̱ ki vu̱r ɗye zu̱mndi ye wor ɗyin sarcha?

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Luka 12:42

Tu̱ Zhinerem gwaanji tlogha za, “Nga ɓalarang ku̱me nu̱ shir zhire, nu̱ kaɗari tu̱k nu̱ke nu̱ rafti ɓaran du̱ngki nda za ku̱ kosa rafti ɓaran yenda tu̱ ku̱s vu̱r ɗye zu̱mndi ye pudeku ɓaran aa nyi sarchi.

Luka 24:27

Tu̱ mbakh mbu̱ ɗyi nu̱ lagarkatikwang zu̱ki nu̱ ɗyine nda, nggaasan ɗyin Musa nu̱ annabiku kap.

Luka 24:44

Tu̱ ze wor za, “Nang ke ɓalar nang zu̱ki ye nu sarchi nu̱ke nga su̱yen ndu̱ tunwang, nga za ɗyi nu̱ Taurete ɓu̱ Musa ndu̱ Lagarkati ɓu̱ annabiku ndu̱ Zaburya zu̱ki ɗyina kap ka nyedli.”

Yokhana 5:39

Ba tun a laɓ mbu̱ Bu̱lar ɓalar ɓu̱ Magham, ku̱me tun a tamandan za tun ka gwa nyifi nu̱ke ɓu̱ shi woɗa ɓa mban. Yang Bu̱lar ɓalar ɓu̱ Magham ku nang kya saida nga.

Tlu̱nar ɓu̱ Pudeku 28:23

Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.

Tlu̱nar ɓu̱ Pudeku 7:37

“Ba chin Musa nang zu̱ki ye Israila za, ‘Magham ka ɗa ru̱k annabi nggur ye nu chele nduki ɓaanu, ba wa nu̱ ɗa ru̱kki nga.’

Romeku 3:21

Yang leendang wa wut njiv nggur yerem zum nu̱ke chem ka gwaki dambi ɓu̱ Magham. Nduk ɓu̱ gwa dambi nang nu̱ ku̱nshe mbu Bibitang ɓa, aa nu̱ke Shogar ɓu̱ Musa ndu̱ lagarkati ɓu̱ annabikwang wa saida dambi nang.

1 Korintiyeku 4:2

Yang wa ku̱s ku̱ njif nu̱ dlu̱ki du̱ngndi tunu ku̱ shi zhire ye zhin nu̱ rafa.

1 Timoti 1:12

Nu̱ke Masiya Yesu Zhinerem gwaanji wa vu̱r du̱mbu̱r ya, nga kuna nda ku̱me nu̱ naki nga ma nu̱ zhire tu̱ daati nga ma shi nga tlu̱nar yenda.

Yibraniyeku 1:1

Zhu tang Magham wa shi ɓalar ye zhikaneremku ve njivku zum zum ye sarchiku khang nu̱ ku̱nshe annabiku.

Yibraniyeku 3:2

Yesu wa shi zhire ye njif nu̱ datki nda, ba wa nu̱ Musa shiki zhire mbe tlu̱nar ɓaran mbu̱ tabar nduki ɓu̱ Magham.

Yibraniyeku 3:4

Jiwa aa nyi rafa nu̱ du̱ndan a nje, yang Magham du̱nki aa nu̱m.

Yibraniyeku 8:5

Yang kuruku nang ka shi tlu̱nar ɓaanda mbu̱ Kib shakhshakhndi nu̱ke chin ke shipar jiimbi nu̱ke a viɗi. Ku̱me sarchi nu̱ke Musa a ma za shekhɗekh nu̱ke Magham ka khaki mban nang, wa wu nda za, “To shi aa nu̱m tu̱ kha ba wa shipar nu̱ wutki yor ɗyin dlengang.”

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

Ɗyin mbu̱ tukari 15:3

A qa taazi ɓu̱ Musa maavi ɓu̱ Magham, ndu̱ taazi ɓu̱ Ye gamndang, a zu̱ran ku za, “Tlu̱narku ɓaa gori, a khar ɗye lazham yerem to Magham Zhinkir gwaanji nu̱ zalale aa nu̱m kap! Njiv ɓaa ku ɗya shir jeembu, ndu̱ zhire tu̱k, to Kuji ɓu̱ maaku!