Yibraniyeku 3:1 - Mewar Alqawarang

¹ Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 3:1 Iomraidhean Croise

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 20:21

Kom tu̱ Yesu gaɓ tu̱ ze wor za, “Kha ma gha ndu̱ qaandi memu̱na! Ba wa nu̱ Zhinkirang a ru̱kki nga, nga ru̱ktonu tu̱k.”

Yokhana 20:27

Kom tu̱ ze Toma za, “A so ye kha nu̱ fan, no kharaku. A zoɓo khaaro to san ve ku̱bda, ku̱ memu̱na kha rap rap ɓa, to maita.”

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 15:27

Wa kasha shir wanang ku, aa nu̱ke taɗaranang a ɗyine wora. Mbu̱ke nduki nu̱ke ɗya Yakhudeku ɓa wa gwa me ɓaanda mbu̱ jiimbi nu̱ barke ɓu̱ Yakhudeku, wa ku̱s tu̱k nu̱ke ma ku̱ shakh ɗyin me khar wora ndu̱ Yakhudekwang.

Romeku 15:8

Jiwa nga zu̱ran ye nu nu̱ ɗyine Masiya wa kha ma nu̱ tlu̱nar ye Yakhudeku ma ku̱ wut zhire ɓu̱ ɓalar ɓu̱ Magham, tu̱ wut zhire ɓu̱ alqawar nu̱ shiki ye zhikankirku ɓaanda.

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 10:17

Nu̱ke chin ɓurti tolirang ba da, alapa chem khangndi nang chem a khar ɗyi da, nu̱ke chem zu̱mkya ɓurti tolir da.

1 Korintiyeku 9:23

Nga shi ɗyiku nang ku̱me Labar Mbarkandang, ma gwa nga me ɓang mbu̱ barke ni.

2 Korintiyeku 1:7

Sar da nyem tu̱k sawar ɗyi nu̱ke a ɗaatli ndu̱ tun ɓa, ku̱me chem wa zu̱n nu̱ke tun a zakya pooni bonye nu̱ke chem a zaranang, tun ka gwa du̱ngdi memu̱nar nu̱ke chem a gwaranang tu̱k.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 4:4

Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

Filipiyeku 3:14

Nga zhang vara ku̱ gwa nga tang basan ma gwa ɗye ɓi qari ma yir mbu̱ viɗi nu̱ Magham qaki nga maaran nu̱ ku̱nshe Masiya Yesu.

Kolosiyeku 1:12

Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.

Kolosiyeku 1:22

Nu̱ ku̱nshe mu̱ti ɓu̱ Masiya mbu̱ man var nang Magham wa somta nu ye varan, ma ku̱ ɗa ɓa nu̱ tun gume nda, shibtan shakhshakh waare zop.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

1 Tasalonikeku 5:27

Nga khutonu mbu̱ dlu̱m Zhinerem gwaanji, tun karanta lagarkati nang ye nyeezerem kap ma ku̱ tu̱k ku.

2 Tasalonikeku 1:11

Mbe kwaari ɗyiku nang chem a barar ye nu aakochi nu̱ ɗyine ku̱ Maghamndi ɓaarem sa tun shi khar viti nu̱ khaki dlu̱ran ndu̱ qar nu̱ qaki nu maaran. Bu ku̱ sa tun shi ɗyi mbarkandiku kap nun shimki shiran, nu̱ ku̱nshe zalale ɓaran tu̱ nyel tlu̱nar maito ɓaanu.

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

1 Timoti 6:12

Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.

1 Timoti 6:2

Ku̱ maaviku nu̱ke nu̱ rafti ɓaanda ɗya nu̱ mbu Yesu ku ndu̱m nu̱ rafti ɓaanda ku̱me wora mbu̱ shapir da mbe Yesu ɓa. Me ɓu̱ nang, shipa tu̱ga wor ka shiki tlu̱nar ye nu̱ rafti ɓaandang maɗyi, ku̱me nu̱ rafti ku ɓaanda nu̱ke a zu̱m boote tlu̱nar ɓaanda nang ɗya nu̱ mbu Yesu nu̱ke wor maavikwang a ndolaranang. Wa ku̱s ku̱ shoga na ɓar to pa du̱mbu̱r ye wor ɗyine ɗyiku nang.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 2:7

To shi kwaari ɗyine ɗyi nang zu̱ki yor nang, ku̱me Zhinkir gwaanji ka sa to da mbu̱ aa nu̱m kap.

Yibraniyeku 10:19

Ku̱me nang, nyeezaku, ɗye maitar a nje khaarem du̱mbu̱rkandi ma ku̱ vi mi nu̱ mbu̱ Kib Nu̱ Dukki shakhshakh nu̱ ku̱nshe tom ɓu̱ Yesu.

Yibraniyeku 10:21

Kuru gwaanji a nje khaarem nu̱ke nduki ɓu̱ Magham kap a mbu̱ bu̱nan.

Yibraniyeku 10:23

Bu ku̱ ching mi gha shanggu̱ɗang ɗyine sar memu̱nar ɓaarem, nu̱ke chem a saidaran, ku̱me njif nu̱ shiki alqawaran ɗya nu̱ zhire.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

Yibraniyeku 2:11

Jiwa chin nu̱ saki nduki tu̱ kha shakhshakh, ndu̱ wor nu̱ khaki shakhshakhang, zhin wor da. Nang ke ɗyi nu̱ saki Yesu nu̱ka tu̱k kawar zu̱ran za ɗya nyeezanku ɓa.

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 6:20

Yesu nu̱ kayaki rem viri nu̱ ve maa nang, vi ku̱me chem, tu̱ kha ma gorkir ɓu̱ kuruku nu̱ke lauɗa si su̱ ɓa, mbu̱ dulbu ɓu̱ Melkizedek.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yibraniyeku 7:28

Jiwa bibitang ka datkya gorkir kuruku chele ɓu̱ nduki nu̱ka tu̱ɓki. Yang ku̱mndar na ɓa ki qu̱rse Bibitang, datki Yi ɓaran nu̱ khaki nyeedlan koɗokhsi ɓa.

Yibraniyeku 9:11

Masiya ɗya gorkir ɓu̱ kuruku, nu̱ ɗa ɓa ki ndu̱ ɗyiku mbarkandi nu̱ke a nje khaarem leendang. Wa vi nu̱ mbu̱ shekhɗekh nu̱ dukki ndu̱ gwaari, tu̱ duk ndu̱ mbaari tu̱k, yang ɗya nduk shiki ɓa, ku̱me a mbu̱ du̱ngndi nang ɓa.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 3:5

Jiwa nang ke pooni viri nu̱ke nusuku nu̱ sawar Magham nu̱ saki memu̱na wor nu̱ ɗyine nda shiki ku zhu. Wa ka mbu zu̱r ɓu̱ zhime wora,

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 17:14

Ka shi dakhlar ndu̱ Ye gamndang ku. Yang Ye gamndang ka zu̱m loobo ɗyine wora. Ku̱me chin ke zhinkir gwaanji ɓu̱ zhinkirku ndu̱ kuji ɓu̱ kujiku, yang su̱yen nu̱ chin ka kha ɗya nduki nu̱ qaki, nduki datkandi ndu̱ nu̱ mbu nda ku nu̱ zhire.”

Ɗyin mbu̱ tukari 18:20

Shi kashari ɗyine nda, to mbu̱ viɗi! Shi ma kashari ɗyine nda, tun nduki ɓu̱ Magham ndu̱ pudeku ndu̱ annabiku! Jiwa Magham wa kuma nda ku̱me ɗyi nu̱ shiki ye nu.’ ”