Yibraniyeku 2:10 - Mewar Alqawarang

¹⁰ Magham du̱ngki aa nu̱m, chin kya nggu̱t aa nu̱m tu̱k. Ku̱me nang, mbu̱ Magham a ma sa qusonggi ɓaran khang ku̱ gwa zhaaji, ka sa tu̱ Yesu kha nyeedlan nu̱ ku̱nshe bonye nu̱ zaki.

Yibraniyeku 2:10 Iomraidhean Croise

Luka 13:32

Tu̱ Yesu tlogha ye wor za, “Ɗu̱ ma tun a ze waayi (nu̱ mu̱nar) nang nun za, ‘Nga ɗyin fet khu̱kheetiku ɓar ndu̱ shaana nu̱ khaatiku meeni ndu̱ wuri, ye fu̱ɗar nu̱ kunung ngga lauɗa su̱ tlu̱nar ɓanga.’

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Luka 24:26

Alapa nu̱ ku̱s ku̱ Masiya Kuji Datkandi ɓu̱ Magham za bonyeku nang kom ku̱ Magham vu̱r zhaaji ɓaran yenda ɓa goma?”

Luka 24:46

Tu̱ ze wor tu̱k za, “Bu̱laran wanang mbu̱ Lagarkatikwang za wa ku̱s ku̱ Masiya za bonye, tu̱ yang ji mbe mu̱ti ye fu̱ɗar nu̱ kunung.

Yokhana 11:52

Yang ku̱me Yakhudeku ɗyenda ɓa, ku̱me ku̱ ɗa taba ɗyin qusonggi ɓu̱ Magham nu̱ke lakhtaran aa fu̱n tu̱ kha da ku.

Yokhana 19:30

Nu̱ Yesu darki ɗyim ɓeundang tu̱ zu̱ za, “Wa woɗa” Kom tu̱ sa ɗyinan nu̱ yaghai tu̱ ngga nyifi ɓaran gha.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Romeku 11:36

Jiwa aa nu̱m a vi she nda, nu̱ ku̱nshe nda, kom ma yir she nda tu̱k. Bu ku̱ zhaaji kha Magham koɗokhsi ɓa. Amin.

Romeku 9:23

Shi wanang ma wut nji yele ɓu̱ zhaaji ɓaran ye ɗyiku nyin shimki ɗaana nji wora. Daasa ɗyiku nyin ɗaanaki nang nu̱ ɗawi ma ku̱ gwa zhaaji ɓaran.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

2 Korintiyeku 5:18

Ɗyiku nang kap Magham shiki, chin somtaki chele ɓaarem ndu̱ chin nu̱ ku̱nshe Masiya, tu̱ vu̱r dulbu tlu̱nar somtar yerem.

2 Korintiyeku 6:18

“Ngga kha ma zhinonu, tun yang tun ka kha ma qusonggi ɓanga ye nusu ndu̱ ye khusku, Zhinkir gwaanji nu̱ zalale aa nu̱m kap zu̱ki wanang.”

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 3:10

Ɗya shimndi ɓaran leendang, ku̱ tabar ɓu̱ nu̱ mbu Yesu wut kaɗari ɓu̱ Magham zum zum ye nu̱ kwaaɗarku ndu̱ nu̱ zalaleku nu̱ke a mu̱na viɗi.

Kolosiyeku 3:4

Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 6:20

Yesu nu̱ kayaki rem viri nu̱ ve maa nang, vi ku̱me chem, tu̱ kha ma gorkir ɓu̱ kuruku nu̱ke lauɗa si su̱ ɓa, mbu̱ dulbu ɓu̱ Melkizedek.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yibraniyeku 7:28

Jiwa bibitang ka datkya gorkir kuruku chele ɓu̱ nduki nu̱ka tu̱ɓki. Yang ku̱mndar na ɓa ki qu̱rse Bibitang, datki Yi ɓaran nu̱ khaki nyeedlan koɗokhsi ɓa.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

Ɗyin mbu̱ tukari 4:11

“Zhinkir gwaanji ndu̱ Maghamndi ɓaarem, ta khu̱dli, ku̱ dlu̱ na zhaaji, ndu̱ gorkiri, ndu̱ zalale. Jiwa to du̱ngki aa nu̱m ndu̱ aa nu̱m, yang nu̱ ku̱nshe shimndi ɓaaro du̱ngki wora tu̱ kha ma nu̱ nyifiri ku.”

Ɗyin mbu̱ tukari 7:9

Qu̱rse nang, nang nggu̱tki tang na tabar ɓu̱ nduki khang ku̱na shiga. A vi mbu̱ aa nyi pooni dlar maa ku, ndu̱ pooni nduki, ndu̱ nduki, ndu̱ me ghaiku, chingndan gha ku gume zhakhɗyang kom ndu̱ gume Ye gamndang. Wa sa luktiku ɓongndi, khubtan nu̱ me bu̱n qu̱far jipu̱no mbu̱ khar wora.